ទីក្រុងបាងកក ៖ ក្រុមអ្នកចិញ្ចឹមជ្រូកនៅសហរដ្ឋអាមេរិកបានទាមទារឲ្យការិយាល័យអ្នកតំណាងពាណិជ្ជកម្មអាមេរិក (USTR) ពិចារណាកាត់បន្ថយការអនុគ្រោះពន្ធលើប្រទេសថៃ ដើម្បីឆ្លើយតបនឹងប្រទេសថៃ ដែលបដិសេធនឹងការនាំចូលសាច់ជ្រូកមានធាតុ Ractopamine (គឺជាសារធាតុបន្ថែមមួយដែលប្រទេសភាគច្រើនបានហាមឃាត់)។ លោក…
ទីក្រុងបាងកក ៖ ក្រុមអ្នកចិញ្ចឹមជ្រូកនៅសហរដ្ឋអាមេរិកបានទាមទារឲ្យការិយាល័យអ្នកតំណាងពាណិជ្ជកម្មអាមេរិក (USTR) ពិចារណាកាត់បន្ថយការអនុគ្រោះពន្ធលើប្រទេសថៃ ដើម្បីឆ្លើយតបនឹងប្រទេសថៃ ដែលបដិសេធនឹងការនាំចូលសាច់ជ្រូកមានធាតុ Ractopamine (គឺជាសារធាតុបន្ថែមមួយដែលប្រទេសភាគច្រើនបានហាមឃាត់)។
លោក Nattaporn Jatusripitak អ្នក តំណាងលោកឧបនាយករដ្ឋមន្ត្រី ទទួលបន្ទុកកិច្ចការអាជីវកម្ម បានមានប្រសាសន៍កាលពីថ្ងៃអង្គារថា ប្រទេសថៃបាននិយាយនៅក្នុងកិច្ចប្រជុំក្រុមប្រឹក្សារួម អំពីកិច្ចព្រមព្រៀងក្របខ័ណ្ឌពាណិជ្ជកម្ម និងការវិនិយោគថា ថៃនឹងអនុញ្ញាតឲ្យមានការនាំចូលជ្រូកដែលមានសារធាតុ Ractopamine នេះ លុះត្រាតែមានការសិក្សា និងភស្តុតាងបញ្ជាក់គ្រប់គ្រាន់ថា កម្រិតនៃសារធាតុនេះ គឺមានសុវត្ថិភាពគ្រប់គ្រាន់សម្រាប់អតិថិជនថៃ ។ ដូច្នេះ ប្រទេសថៃ និងសហរដ្ឋអាមេរិក បានព្រមព្រៀងស្នើភស្តុតាងនានា ដើម្បីស្រាវជ្រាវបញ្ហានេះបន្ថែមទៀត ។
ក្រសួងពាណិជ្ជកម្មថៃបានធ្វើបទបង្ហាញព័ត៌មានមួយទាក់ទងនឹងការបន្តប្រព័ន្ធអនុគ្រោះពន្ធ ដែលសហរដ្ឋអាមេរិកបានផ្តល់ជូនប្រទេសថៃ រយៈពេល៣ឆ្នាំទៀត គឺចាប់ពីថ្ងៃទី១ ខែមករា តទៅ ។
លោក Nattaporn Jatusripitak បន្ថែមទៀតថា បច្ចុប្បន្ននេះ សហរដ្ឋអាមេរិកបានអនុគ្រោះពន្ធលើកសិផល និងផលិតផលឧស្សាហកម្មជាង៣.៤០០ប្រភេទ ដែលនាំចេញពីប្រទេសថៃ ។
កាលពីឆ្នាំ២០១៧ ប្រទេសថៃបានអះអាងថា ប្រព័ន្ធអនុគ្រោះពន្ធនេះស្មើនឹង៤,១ប៊ីលានដុល្លារ គឺច្រើនជាងឆ្នាំ២០១៦ ដល់ទៅ៤,៥៧% ឯណោះ ៕
ចែករំលែកព័តមាននេះ