ខេត្តកំពង់ស្ពឺ ៖ បើតាមសេចក្តីរាយការណ៍បានឱ្យដឹងថា ព្រោះតែការស្រលាញ់ចំពោះកូនឱពុកម្តាយបានស្តីប្រដៅឱ្យចេះជួយកិច្ចការផ្ទះ ប៉ុន្តែមិននឹកស្មានថា ក្រោយស្តីប្រដៅកូនប្រុសចិត្តខ្លាំងរត់ទៅចង.កសម្លាប់ខ្លួនជាប់ដើមព្រីងស្លាប់ទាំងយប់សោះ ហេតុការណ៍កើតឡើងកាលពីវេលាម៉ោង១២និង២០នាទីឈានចូលថ្ងៃទី៣១ ឧសភា ស្ថិតនៅភូមិអន្លង់ធម្ម ឃុំតាំងក្រូច ស្រុកសំរោងទង។
ជនរងគ្រោះខាងលើមានឈ្មោះ ហឿន រដ្ឋា ភេទប្រុស អាយុ៣០ឆ្នាំ រស់នៅភូមិ-ឃុំកើតហេតុកើតហេតុ។
បើតាមសមត្ថកិច្ចស្រង់សំដីគ្រួសារជនរងគ្រោះឱ្យដឹងថា កាលពីព្រលប់ឱពុកម្តាយបានស្តីប្រដៅកូនខិតខំជួយធ្វើការកុំដើរលេងច្រើនពេក ព្រោះខ្លួនក៏ចាស់ណាស់ទៅហើយ ។ បន្ទាប់ពីស្តីប្រដៅរួច ឱពុកម្តាយក៏ចូលសំរាកអស់ទៅ រហូតដល់វេលាកើតហេតុទើបភ្ញាក់ផ្អើលថា ជនរងគ្រោះចង.កធ្វើអត្តឃាតស្លាប់បាត់ទៅហើយ។
ក្រោយពេលកើតហេតុ អាជ្ញាធរភូមិក៏រាយការណ៍មកសមត្ថកិច្ចចុះពិនិត្យនៅកន្លែងកើតហេតុនៅព្រឹកថ្ងៃទី៣១ ឃើញថា ជនរងគ្រោះបានយកខ្សែជ័រពណ៌ខ្មៅ ចង.កសម្លាប់ខ្លួនជាប់នឹងដើមព្រីងកម្ពស់២,៥០ម៉ែត្រ នៅខាងត្បូងភូមិចម្ងាយ១០០ម៉ែត្រ ។ ចំណែកក្រុមគ្រួសារក៏ទទួលស្គាល់ថា ពិតជាបានចង.កសម្លាប់ខ្លួនឯងពិតប្រាកដមែន៕
ចែករំលែកព័តមាននេះ