រាជធានីភ្នំពេញ ៖ សេចក្តីព្រាងគម្រោងវិនិយោគសាងសង់រោងចក្រផលិតអគ្គិសនីដុតធ្យូ ថ្ម មួយកន្លែងដែលអានុភាព ៧០០មេហ្គាវ៉ាត់ ស្ថិតក្នុងខេត្តព្រះសីហនុ និងសេចក្តីព្រាងគម្រោងវិនិយោគសាងសង់រោងចក្រផលិតអគ្គិសនីដើរ ដោយពន្លឺព្រះអាទិត្យដែលអានុភាព៦០មេហ្គាវ៉ាត ស្ថិតនៅក្នុងខេត្តកំពង់ស្ពឺ ត្រូវបានគណៈរដ្ឋមន្ត្រីអនុម័តជាស្ថាពរហើយ ។
លោកផៃ ស៊ីផានអ្នកនាំពាក្យទីស្តីការគណៈរដ្ឋមន្ត្រីបានឲ្យដឹងថា ក្នុងកិច្ចប្រជុំពេញអង្គគណៈរដ្ឋមន្ត្រី កាលពីពេលថ្ងៃទី២៥ ខែឧសភា ក្រោមអធិបតីភាពដ៏ខ្ពង់ខ្ពស់របស់សម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាអង្គប្រជុំបានអនុម័តលើកសេចក្តីព្រាងរបៀបវារស្តីពី«គម្រោងវិនិយោគសាងសង់រោងចក្រផលិតអគ្គិសនីដុតធ្យូងថ្ម អានុភាព៧០០មេហ្គាវ៉ាត់ នៅខេត្តព្រះសីហនុ និងគម្រោងវិនិយោគសាងសង់រោងចក្រផលិតអគ្គិសនីដើរដោយពន្លឺព្រះអាទិត្យអានុភាព៦០ មេហ្គាវ៉ាត់ នៅខេត្តកំពង់ស្ពឺ» ។
លោកបានឲ្យដឹងថា ខ្លឹមសារសង្ខេបនៃសេចក្តីព្រាងរបៀបវារមានដូចជា វិស័យថាមពលអគ្គិសនី គឺជាវិស័យមួយមានសារៈសំខាន់ណាស់សម្រាប់សង្គម និងសេដ្ឋកិច្ចដែលមិនត្រឹមតែ ជាផ្នែកមួយសម្រាប់បម្រើឲ្យជីវភាពរស់នៅរបស់យើងសព្វថ្ងៃនេះប៉ុណ្ណោះទេ ប៉ុន្តែក៏ជាផ្នែកមួយដ៏ចាំបាច់សម្រាប់ជម្រុញការអភិវឌ្ឍវិស័យផ្សេងៗទៀតដែរ ។
ដូច្នេះការអភិវឌ្ឍវិស័យថាម ពលអគ្គិសនី គឺជាគន្លឹះដ៏សំខាន់សម្រាប់ជម្រុញឲ្យមានកំណើនសេដ្ឋកិច្ច ការអភិវឌ្ឍវិស័យផ្សេងៗ ការអភិវឌ្ឍតំបន់ជនបទ និងការបង្កើនសុខដុមនីយភាពនៃការរស់នៅរបស់ប្រជាពលរដ្ឋ ។
ផ្នែកតាមគោលនយោបាយយុទ្ធសាស្ត្រចតុកោណដំណាក់កាលទី៣ នីតិកាលទី៥ នៃរដ្ឋសភារាជរដ្ឋាភិបាលបានកំណត់នូវគោលនយោបាយជាអាទិភាពសម្រាប់អនុវត្តកម្មវិធីកំណែទម្រង់នានាសំដៅលើកម្ពស់សមត្ថភាពស្ថាប័ន ពង្រឹងហេដ្ឋារចនាសម្ព័ន្ធសង្គម សេដ្ឋកិច្ច និងបង្កើតបរិយាកាសអំណោយផលសម្រាប់ទាក់ទាញការវិនិយោគពីប្រភពខាងក្នុង និងក្រៅប្រទេស ។
លោកបញ្ជាក់ថា គោលបំណងសំខាន់បំផុតនៃការអភិវឌ្ឍវិស័យថាមពលអគ្គិសនីនៅព្រះរាជាណាចក្រកម្ពុជាមាន០៤ចំណុចធំៗដូចខាងក្រោមទី១- មានប្រភពអគ្គិសនីសម្រាប់ផ្គត់ផ្គង់បានគ្រប់គ្រាន់ មានស្ថិរភាព និងធានាសន្តិសុខថាមពល ។ ទី២- មានបណ្តាញផ្គត់ផ្គង់អគ្គិសនីគ្របដណ្តាប់ទូទាំងប្រទេស ។ ទី៣- មានការផ្គត់ផ្គង់អគ្គិសនីប្រកបដោយគុណភាពចីវភាព និងសុវត្ថិភាព ។ ទី៤- មានតម្លៃសមរម្យអាចប្រើប្រាស់បាន» ។
លោកបន្តថា ដើម្បីសម្រួលជីវភាពរស់នៅរបស់ប្រជាពលរដ្ឋដល់ការវិនិយោគ និងការអភិវឌ្ឍសេដ្ឋកិច្ចជាតិ ។ យុទ្ធសាស្ត្រចតុកោណរាជរដ្ឋាភិបាលកំណត់ថា រាជរដ្ឋាភិបាលផ្តល់អាទិភាពខ្ពស់ទៅលើការទាក់ទាញឲ្យមានការចូល រួមរបស់ផ្នែកឯកជនក្នុងការផលិត និងការផ្គត់ផ្គង់អគ្គិសនី ជាពិសេសទៅតាមបណ្តាទីរួមខេត្ត និងទីប្រជុំជនសំខាន់ៗ ការអនុវត្តគម្រោងអគ្គិសនីភាវូបនីយកម្មជនបទប្រកបដោយគុណភាព និងមានថ្លៃសមរម្យព្រមទាំងគម្រោងតភ្ជាប់ខ្សែបណ្តាញបញ្ជូនថាមពលពីប្រទេសជិតខាង ។
ផ្នែកតាមខ្លឹមសារនេះ ក្រសួងរ៉ែ និងថាមពល សហការជាមួយអាជ្ញាធរអគ្គិសនីកម្ពុជា និងក្រុមហ៊ុនអគ្គិសនីកម្ពុជា បានខិតខំប្រឹងប្រែងយ៉ាង ដើម្បីធ្វើការអភិវឌ្ឍការងារគ្រប់ផ្នែកនៃវិស័យថាមពលអគ្គិសនីទាំងការរៀបចំគោលនយោបាយ និងផែនការយុទ្ធសាស្ត្រទាំងការស្តារ និងការអភិវឌ្ឍហេដ្ឋារចនាសម្ព័ន្ធសម្រាប់ការផលិត និងការផ្គត់ផ្គង់ថាមពលទាំងការពង្រីកអគ្គិសនីភាវូបនីយកម្មនៅតំបន់ជនបទ ។
អភិវឌ្ឍវិស័យថាមពលរបស់ព្រះរាជាណាចក្រកម្ពុជាឲ្យធ្វើដំណើរឈានដល់របត់មួយដ៏សំខាន់នៃការអភិវឌ្ឍ ។ គោលដៅសំខាន់ៗក្នុងវិស័យថាមពលដែលរាជរដ្ឋាភិបាលបា នជម្រុញឲ្យអនុវត្តក្នុងអាណត្តិកន្លងនេះមាន ៖
១ ជម្រុញការអភិវឌ្ឍមូលដ្ឋានគ្រឹះនៃប្រព័ន្ធផ្គត់ផ្គង់អគ្គិសនី ដើម្បីផ្គត់ផ្គង់ឲ្យបានគ្រប់គ្រាន់ និងថ្លៃសមរម្យដល់សេចក្តីត្រូវការប្រើប្រាស់គ្រប់ប្រភេទ ។
២ ជម្រុញការអភិវឌ្ឍអគ្គិសនីភាវូនីយកម្មជនបទ ដើម្បីចូលរួមកាត់បន្ថយភាពក្រីក្រ និងបង្កើនសុខដុមនីយភាពនៃការរបស់នៅរបស់ប្រជាជននៅតំបន់ជនបទ ។
៣ ការចូលរួមវិនិយោគដោយឯកជនក្នុងការអភិវឌ្ឍវិស័យថាមពល និងកាត់បន្ថយការប៉ះពាល់បរិស្ថានធម្មជាតិ និងសង្គម ។
៤ ជម្រុញបង្កើនប្រសិទ្ធភាព និងសុវត្ថិភាពនៃការធ្វើសេវាកម្មអគ្គិសនី ។
៥ ចូលរួមអភិវឌ្ឍន៍ថាមពលស្អាត ។
តាមការកំណត់ច្បាប់ស្តីពីអគ្គិសនីនៃព្រះរាជាណាសក្រកម្ពុជាអាជ្ញាធរអគ្គិសនីកម្ពុជាត្រូវបានបង្កើតឡើងជានីតិបុគ្គលសាធារណៈមានស្វ័យភាព ក្នុងការអនុវត្តការងារ ។ សិទ្ធិអំណាចក្នុងការគ្រប់គ្រងវិស័យអគ្គិសនីត្រូវបានបែងចែកជា២ ៖
១ ក្រសួងរ៉ែ និងថាមពលមានសមត្ថកិច្ចទទួលខុសត្រូវក្នុងការរៀបចំ និងការគ្រប់គ្រងគោលនយោបាយយុទ្ធសាស្ត្រ និងផែនការរបស់រាជរដ្ឋាភិបាលលើវិស័យអគ្គិសនី ។
២ អាជ្ញាធរអគ្គិសនីកម្ពុជាមានសមត្ថកិច្ចទទួលខុសត្រូវក្នុងការធានាឲ្យផ្តល់សេវាកម្មអគ្គិសនី និងការប្រើប្រាស់អគ្គិសនីប្រព្រឹត្តទៅប្រសិទ្ធភាពគុណភាព ចីវភាព និងតម្លាភាព ។
តាមគោលនយោបាយយុទ្ធសាស្ត្រ និងផែនការ ដើម្បីអភិវឌ្ឍអគ្គិសនីភាវូបនីយកម្មជនបទនៅព្រះរាជាណាចក្រកម្ពុជាការងារធ្វើផែនការការអភិវឌ្ឍហេដ្ឋារចនាសម្ព័ន្ធផ្គត់ផ្គង់អគ្គិសនីឲ្យតំបន់ជនបទ គឺជាការងារសំខាន់ណាស់ក្នុងការអភិវឌ្ឍអគ្គិសនីភាវូបនីយកម្មជនបទកម្ពុជា ៕
ចែករំលែកព័តមាននេះ