ខេត្តកែប ៖ ករណីគ្រោះថ្នាក់ចរាចរណ៍មួយបានកើតឡើងកាលវេលាម៉ោង៨និង២០នាទីយប់ថ្ងៃទី២៧ ឧសភា ២០១៨ រវាងម៉ូតូបុកជាមួយនឹងម៉ូតូ ក្នុងទិសដៅបញ្ច្រាសគ្នា បណ្តាលឱ្យរងរបួសធ្ងន់៣នាក់ ហេតុការណ៍នេះបានកើតឡើងស្ថិតលើផ្លូវជាតិលេខ៣៣ ត្រង់ចំណុចមុខសាលាសង្កាត់ព្រៃធំ…
ខេត្តកែប ៖ ករណីគ្រោះថ្នាក់ចរាចរណ៍មួយបានកើតឡើងកាលវេលាម៉ោង៨និង២០នាទីយប់ថ្ងៃទី២៧ ឧសភា ២០១៨ រវាងម៉ូតូបុកជាមួយនឹងម៉ូតូ ក្នុងទិសដៅបញ្ច្រាសគ្នា បណ្តាលឱ្យរងរបួសធ្ងន់៣នាក់ ហេតុការណ៍នេះបានកើតឡើងស្ថិតលើផ្លូវជាតិលេខ៣៣ ត្រង់ចំណុចមុខសាលាសង្កាត់ព្រៃធំ ស្ថិតក្នុងភូមិកំពង់ត្រឡាច សង្កាត់ព្រៃធំ ក្រុងកែប ខេត្តកែប។
នគរបាលចរាចរក្រុងបានឲ្យដឹងថា ក្នុងហេតុការណ៍ខាងលើនេះ ម៉ូតូមួយគ្រឿងម៉ាក TODY ពណ៌ស ស្លាកលេខ កែប ១A-៩៧៧៣ បើកបរឈ្មោះ ផាន់ ចាន់ធី ភេទស្រី អាយុ២០ឆ្នាំ មុខរបរកសិករ (រងរបួសធ្ងន់) មានទីលំនៅក្នុងភូមិកំពង់ត្រឡាច សង្កាត់ព្រៃធំ ក្រុងកែប ខេត្តកែប និងអ្នករួមដំណើរឈ្មោះ យ៉ុង ស្រីលិន ភេទស្រី អាយុ១២ឆ្នាំ ជាសិស្ស (រងរបួសធ្ងន់) មានទីលំនៅភូមិកើតហេតុខាងលើ ។ ចំណែកភាគីម្ខាងទៀតជិះម៉ូតូមួយគ្រឿងម៉ាកហុងដា សេ១២៥ ពណ៌ខ្មៅ ពាក់ស្លាកលេខ ព្រះសីហនុ ១F-០២៤០ បើកបរដោយឈ្មោះ ហែម សុចាវ ភេទប្រុស អាយុ២១ឆ្នាំ មុខរបរជាងភ្លើង (របួសធ្ងន់) មានទីលំនៅ ភូមិស្រែកាន់ ឃុំទូកមាសខាងកើត ស្រុក បន្ទាយមាស ខេត្តកំពត។
ជនរងគ្រោះម្នាក់ត្រូវបានក្រុមគ្រួសារដឹកទៅសង្គ្រោះនៅគ្លីនិកឯកជនដំណាក់ចង្អើរ និងភាគីរងរបួសធ្ងន់២នាក់ទៀតត្រូវបានដឹកទៅសង្គ្រោះនៅមន្ទីរពេទ្យបង្អែកខេត្ត។ ចំណែកម៉ូតូទាំងពីរគ្រឿងត្រូវបានប៉ូលិសចរាចរាចរណ៍អធិការក្រុងកែបយកទៅរក្សាទុកដើម្បីធ្វើការដោះស្រាយ៕
ចែករំលែកព័តមាននេះ