រាជធានីភ្នំពេញ ៖ គួរឲ្យអាណិតសត្វគោ២ក្បាលណាស់ត្រូវបានរថយន្តបុក ខណៈពេលដើរឆ្លងផ្លូវបណ្តាលឲ្យរងរបួសធ្ងន់មួយ និងស្រាលមួយត្រូវបានរថយន្តបុក ខណៈពេលដើរឆ្លងផ្លូវ កាលពីវេលាម៉ោង១០និង៤០នាទីយប់ថ្ងៃទី២៧ ខែឧសភា នៅមុខរោងចក្រស្បែកជើង តាមបណ្តោយផ្លូវទំនប់កប់ស្រូវ…
រាជធានីភ្នំពេញ ៖ គួរឲ្យអាណិតសត្វគោ២ក្បាលណាស់ត្រូវបានរថយន្តបុក ខណៈពេលដើរឆ្លងផ្លូវបណ្តាលឲ្យរងរបួសធ្ងន់មួយ និងស្រាលមួយត្រូវបានរថយន្តបុក ខណៈពេលដើរឆ្លងផ្លូវ កាលពីវេលាម៉ោង១០និង៤០នាទីយប់ថ្ងៃទី២៧ ខែឧសភា នៅមុខរោងចក្រស្បែកជើង តាមបណ្តោយផ្លូវទំនប់កប់ស្រូវ នៅភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ ។
ម្ចាស់គោមានឈ្មោះ សួន ទ្រី ភេទប្រុស អាយុ៥០ឆ្នាំ មុខរបរមើលគោ រស់នៅភូមិត្រពាំងទា សង្កាត់ត្រពាំងក្រសាំង ខណ្ឌពោធិ៍សែនជ័យ ។
តាមប្រភពព័ត៌មានពីប្រជាពលរដ្ឋនៅកន្លែងកើតហេតុបាននិយាយប្រាប់ថា ពួកគាត់តែងតែឃើញសត្វគោមួយហ្វូងដើរនៅតាមដងផ្លូវទំនប់កប់ស្រូវខាងលើ ដោយមិនដែលមានម្ចាស់មកដេញទៅដាក់ក្រោល និងផ្ទះឡើយ គឺដើរនៅតាមផ្លូវដូចមិនមានម្ចាស់សោះ ពេលខ្លះឃើញសត្វគោខាងលើដើរដេកនៅតាមមុខផ្ទះគេឯងដោយជុះអាចម៍ពេញវាលពេញកាល ។
នៅមុនពេលកើតហេតុគេឃើញសត្វគោមួយ ហ្វូងខាងលើដើរនៅតាមដងផ្លូវទំនប់កប់ស្រូវខាងលើបន្ទាប់មកស្រាប់តែមានរថយន្តមួយគ្រឿងមានមួយបាំងកន្លះ ពណ៌ខ្មៅ មិនចាំស្លាកលេខ បើកបរក្នុងទិសដៅពីជើងទៅត្បូង ក្នុងល្បឿនលឿន ហើយបើកមកដល់ចំណុចកើតហេតុ សត្វគោមួយហ្វូងខាងលើបានដើរកាត់ទទឹងផ្លូវក្នុងទិសដៅពីលិចទៅកើត ចំណែករថយន្តខាងលើដោយចាប់ហ្វ្រាំងមិនជាប់ បានបុកសត្វគោមួយហ្វូងខាងលើពេញទំហឹង បណ្តាលឲ្យសត្វគោ២ក្បាលរងរបួសធ្ងន់មួយ ស្រាលមួយ មេគោរងរបួសធ្ងន់ធ្លាយពោះវៀនយ៉ាងធ្ងន់ធ្ងរ ហើយកូនគោមួយក្បាលទៀតរបួសស្រាល បន្ទាប់មករថយន្តខាងលើមិនបានឈប់រករឿងម្ចាស់គោឡើយ ហើយបន្តល្បឿនទៅមុខបាត់ទៅ ចំណែកប្រជាពលរដ្ឋទូរស័ព្ទទៅអាជ្ញាធរភូមិនឹងសមត្ថកិច្ច ដើម្បីទាក់ទងរកម្ចាស់គោ បន្ទាប់មកបានរកឃើញម្ចាស់សត្វភ្លាមៗផងដែរ ។
បើតាមសំដីម្ចាស់គោបាននិយាយថា គោរបស់គាត់ខាងលើទើបតែនឹងទិញថ្មីបានជាគោខាងលើមិនបានចូលក្រោល ព្រោះដេញចូលក្រោលមិនចូល ហើយតែងតែមកលេងជិតកន្លែងកើតហេតុខាងលើ ។
ក្រោយពេលកើតហេតុប្រជាការពារភូមិ និងប៉ុស្តិ៍នគរបាលសង្កាត់ត្រពាំងក្រសាំងបានមកដល់កន្លែងកើតហេតុ ហើយបានណែនាំទៅម្ចាស់គោខាងលើឲ្យចេះមើលសត្វគោខាងលើឲ្យចេះដាក់ក្រោលគ្រែងមានគ្រោះថ្នាក់ប៉ះពារគ្រោះថ្នាក់ដល់ប្រជាពលរដ្ឋដែលធ្វើដំណើរតាមដងផ្លូវ ហើយម្ចាស់គោខាងលើគាត់ថា ចាំពេលព្រឹកនឹងហៅឈ្មួញមកដឹក ដើម្បីយកទៅកាប់សាច់លក់ ៕
ចែករំលែកព័តមាននេះ