អង់គ្លេស ៖ តាមប្រភពព័ត៌មាន Metro បានឲ្យដឹងថា តាចាស់ម្នាក់មិនបញ្ចេញឈ្មោះ ត្រូវបានប៉ូលិសធ្វើការចាប់ខ្លួន ក្រោយពីស្ត្រីចំណាស់អាយុ៦១ឆ្នាំ ដែលជាអ្នកថែរក្សាគាត់នៅមន្ទីរពេទ្យបានស្លាប់ដោយសាររបួសក្បាល។
ប៉ូលិសបានមកដល់មន្ទីរពេទ្យនៅ Islington ដែលលោកតាខាងលើស្នាក់នៅសម្រាកព្យាបាល នៅវេលាម៉ោង៧ព្រឹក ថ្ងៃព្រហស្បត្តិ៍។ ពួកគេបានធ្វើការចាប់ខ្លួនលោកតាអាយុ៩៥ឆ្នាំ ដោយសារតែមានអ្នកថែរក្សាគាត់ស្លាប់នៅមន្ទីរពេទ្យកាលពីយប់ម៉ោង១១។
សម្រាប់ការធ្វើកោសល្យវិច័យបឋមបានឲ្យដឹងថា ទីតាំងដែលលោកយាយម្នាក់នោះស្លាប់ គឺពិតជានៅក្នុងមន្ទីរពេទ្យនេះមែន។
ខណៈពេលនេះ លោកតាវ័យ៩៥ឆ្នាំកំពុងតែធ្វើការព្យាបាលបន្តសិន មុននឹងយកទៅឃុំឃាំង ដោយសារតែជំងឺជរាភាពរបស់គាត់។ ប៉ូលិសបានអនុញ្ញាតចេញលិខិតឲ្យនៅក្រៅឃុំ ហើយបន្តការស៊ើបអង្កេត៕
ចែករំលែកព័តមាននេះ