តាមប្រភពព័ត៌មាន Metro បានឲ្យដឹងថា ក្រុមជម្រើសជាតិអេហ្ស៊ីបមានសង្ឃឹមខ្ពស់ថា Salah នឹងអាចចូលទាត់ World Cup បាន បើទោះបីជាត្រូវរបួសស្មាយប់មិញក្នុងការប្រកួតវគ្គផ្តាច់ព្រ័ត្រ Champions League។
កាលពីយប់មិញ Salah ត្រូវដើរចេញពីតារាងទាំងទឹកភ្នែករលីងរលោង បន្ទាប់ពីត្រូវជំនួសនៅនាទីទី៣១។ លទ្ធផលចុងក្រោយគឺ Real Madrid ឈ្នះ 3-1។
ក្រោយពីដួលបុកចំស្មាទៅនឹងដី ដោយសារ Sergio Ramos កីឡាករជនជាតិអេហ្ស៊ីបម្នាក់នេះ មិនអាចបន្តការប្រកួតបាន ហើយត្រូវបញ្ជូនទៅថតកាំរស្មីអ៊ិច។
លទ្ធផលដែលទទួលបាន មិនមានអ្វីគួរឲ្យព្រួយបារម្ភនោះទេ សម្រាប់ក្រុមជម្រើសជាតិអេហ្ស៊ីប ព្រោះតែ Salah មិនមានការរហែកសាច់ដុំឡើយ។ ខាងអេហ្ស៊ីបសង្ឃឹមទៅផ្នែកសុទិដ្ឋិនិយមថា Salah នឹងអាចចូលប្រកួត World Cup បានដូចធម្មតា។
គួរបញ្ជាក់ផងដែរថា ក្រុមជម្រើសជាតិអេហ្ស៊ីបនឹងប្រកួតកម្តៅសាច់ដុំជាមួយនឹងកូឡុំប៊ីនៅមុន World Cup នៅថ្ងៃទី១ ខែក្រោយនេះ៕
ចែករំលែកព័តមាននេះ