កូរ៉េខាងជើងកម្ទេចចោលខ្ទេចទីតាំងនុយក្លេអ៊ែរ
ប្រទេសកូរ៉េខាងជើង ៖ ទីភ្នាក់ងារព័ត៌មានផ្លូវការកូរ៉េខាងជើង KCNA រាយកាណ៍ថា ប្រទេសនេះបានកម្ទេចចោលហើយ កាលពីថ្ងៃទី២៤ ឧសភា ទីតាំងសាកល្បងនុយក្លេអ៊ែររបស់ខ្លួននៅ PUNGGYE…
ប្រទេសកូរ៉េខាងជើង ៖ ទីភ្នាក់ងារព័ត៌មានផ្លូវការកូរ៉េខាងជើង KCNA រាយកាណ៍ថា ប្រទេសនេះបានកម្ទេចចោលហើយ កាលពីថ្ងៃទី២៤ ឧសភា ទីតាំងសាកល្បងនុយក្លេអ៊ែររបស់ខ្លួននៅ PUNGGYE…
ប្រទេសកូរ៉េខាងជើង ៖ ទីភ្នាក់ងារព័ត៌មានផ្លូវការកូរ៉េខាងជើង KCNA រាយកាណ៍ថា ប្រទេសនេះបានកម្ទេចចោលហើយ កាលពីថ្ងៃទី២៤ ឧសភា ទីតាំងសាកល្បងនុយក្លេអ៊ែររបស់ខ្លួននៅ PUNGGYE RI ដោយអះអាងថារាល់រូងក្រោមដីត្រូវបានកម្ទេចអស់ហើយ រួចច្រកចូលទាំងឡាយត្រូវបិទទាំងស្រុង ។
វិទ្យាស្ថានអាវុធនុយក្លេអ៊ែរកូរ៉េខាងជើង បានចេញផ្សាយសេចក្ដី្ដប្រកាសមួយដើម្បីជូនដំណឹងថា ពិធីមួយត្រូវបានរៀបចំដើម្បីកម្ទេចចោលទាំងស្រុងទីតាំងសាកល្បងនុយក្លេអ៊ែរកូរ៉េខាងជើងសំដៅធានាតម្លាភាពនៃការឈប់សាកល្បងនុយក្លេអ៊ែរ ។
សេចក្ដីប្រកាសនេះនិយាយថា ការកម្ទេចចោលទីតាំងសាកល្បងនុយក្លេអ៊ែរ ត្រូវបានធ្វើដោយរូងក្រោមដីទាំងអស់នៃទីតាំងនោះបាក់អស់ ដោយសារការដាក់គ្រឿងផ្ទុះហើយច្រកចូលក្នុងរូងទាំងអស់ត្រូវបិទទាំងស្រុង ។ ទន្ទឹមនឹងនេះបណ្ដាទីតាំងសម្រាប់យាមការពារ ព្រមទាំងប៉ុស្តិ៍សង្កេតការណ៍នានានៅទីតាំងនោះក៏ដាក់គ្រឿងផ្ទុះកម្ទេចចោលអស់ដែរ ។
សេចក្ដីប្រកាសបន្តថា គេអាចអះអាងថាទាំងការធ្លាយចេញវិទ្យុសកម្មទាំងការប៉ះពាល់ ជាអវិជ្ជមាននានា ដល់បរិស្ថានតំបន់ជុំវិញពុំមានឡើយ ។
ការបិទទាំងស្រុងតំបន់ជុំវិញទីតាំងសាកល្បង នុយក្លេអ៊ែរនេះនឹងធ្វើក្រោយការដកចេញជាបន្តបន្ទាប់រាល់ទីតាំងសង្កេតការណ៍នៅលើដីបណ្ដាវិទ្យាស្ថានស្រាវជ្រាវនិងប៉ុស្តិ៍យាមការពារព្រមទាំងការដកចេញនិយោជិតទាក់ទិនទាំងអស់ ។
យោងតាមបណ្ដាអ្នកកាសែតថា រូងក្រោមដី៣នៃទីតាំងនេះកម្ទេចចោលនាវេលាម៉ោង១៦ ម៉ោងក្នុងស្រុក ។
ក្រុងព្យុងយ៉ាងបានអញ្ជើញបណ្ដាអ្នកកាសែតចិន រុស្ស៊ី អាមេរិក កូរ៉េខាងត្បូង និងអង់គ្លេសមកយកព័ត៌មានពីការកម្ទេចទីតាំងនោះ ។ កូរ៉េខាងជើងបានសាកល្បងនុយក្លេអ៊ែរ៦លើកនៅ PUNGGYE RI រវាងខែតុលាឆ្នាំ២០០៦និងខែកញ្ញាឆ្នាំ២០១៧ ។ បក្សពលករកូរ៉េខាងជើងបានចម្រេចកាលពីខែមុនថានឹងបញ្ឈប់រាល់ការសាកល្បងនុយក្លេអ៊ែរ និងឈប់បាញ់មីស៊ីលបាលីស្ទិកចាប់ពីថ្ងៃទី២១មេសាទៅ ៕
ចែករំលែកព័តមាននេះ