រាជធានីភ្នំពេញ ៖ រហូតមកដល់ពេលនេះពាក្យដែលតែងតែលឺ តៗគ្នាក្នុងចំណោមទស្សនិកជនស្តីពីតារាស្រីមួយចំនួនលក់ខ្លួនជាថ្នូរនឹងប្រាក់ហាក់មិនទាន់រសាត់ទៅណាឆ្ងាយទេ ។
ពាក្យដែលថាតារាស្រីចាប់ផ្តើមល្បី និងមានរូបស្រស់ស្រស់សោភាមិនអាចគេចផុតពីភ្នែកអ្នកសម្បូរប្រាក់នោះ មានមតិលើកឡើងថាវាអាចជាការណ៍ពិតមួយផ្នែក ខណៈពេលដែលតារាមួយចំនួនបានឡើងកាលីបលឿនលើសកម្រៃដែលទទួលបានពីអាជីព។ ចំណុចនេះបានធ្វើឲ្យមហាជនដាក់ការសង្ស័យថា តារាទាំងនោះប្រាកដជាលក់ខ្លួន ឬមានតាចិញ្ចឹមមិនខានឡើយ ព្រោះត្រឹមតែអាជីពសិល្បៈមួយមុខមិនអាចមានប្រាក់រាប់ម៉ឺនដុល្លារទិញឡាន ទិញផ្ទះ ថ្លៃៗបានឡើយ ។
ជាការកត់សម្គាល់ការយល់បែបនោះវាក៏ស្របគ្នាផងដែរចំពោះរឿងរ៉ាវដែលបានកើតមានកាលពីអំឡុងឆ្នាំ២០១២ ដែលសមត្ថកិច្ចបានបើកប្រតិបត្តិការទៅលើចែមុំ ថៅកែហាងកែសម្ផស្ស មីកាហ្សា ពីបទជួញដូរផ្លូវភេទក្នុងនោះក៏មានឈ្មោះតារាពាក់ព័ន្ធផងដែរ ។
ការឃាត់ខ្លួននោះបានធ្វើឡើងបន្ទាប់ពីចែមុំថៅកែហាងកែសម្ផស្ស មីកាហ្សាដ៏ធំ បានទៅជួបភ្ញៀវ ប្រុសៗអ្នកមានលុយ នៅហាងកាហ្វេ មួយមានទីតាំងស្ថិតនៅក្នុងសង្កាត់ស្រះចក ខណ្ឌដូនពេញ ដើម្បីនារី ក្មេងៗជាច្រើននាក់ ក្នុងនោះមានតារាម្នាក់ផងជូនភ្ញៀវជាអ្នកមានប្រាក់ ឬតាតា ។ ពេលដែលកំពុងតែរង់ចាំភ្ញៀវ ស្រាប់តែប៉េអឹម ទៅឃាត់ខ្លូន ។
ដោយឡែកតារាចម្រៀងនាងអ៊ូ រស្មី ក៏ជាប់ឈ្មោះជាមេយ៉ែមដែរ ដោយជាប់ចោទនាំក្មេង ស្រីមិនទាន់គ្រប់អាយុទៅលក់ព្រហ្មចារីឱ្យតាតា ដែលរឿងរ៉ាវនេះក៏បានធ្វើឲ្យកក្រើកពិភពសិល្បៈខ្មែរ ។
អ្នកចម្រៀងអូ រស្មី ត្រូវសមត្ថកិច្ចឃាត់ខ្លួន និងត្រូវតុលាការសម្រេចចោទប្រកាន់ និងបង្គាប់ឱ្យឃុំខ្លួនពីបទសញ្ចារកម្មលើអនីតិជន ។ ចៅក្រមបានសម្រេចចោទប្រកាន់តារាចម្រៀងរូបនេះចំនួនពីរបទល្មើស ។
សមត្ថកិច្ចរាជធានីភ្នំពេញ បានសម្រុកចូលទៅឃាត់ខ្លួន តារាចម្រៀងអូ រស្មី នៅក្នុងផ្ទះ បន្ទាប់ពីសមត្ថកិច្ចទទួលបានពាក្យបណ្ដឹងពីស្ដ្រីជា ម្ដាយរបស់ក្មេងស្រីរងគ្រោះអាយុ១៤ឆ្នាំ ដែលត្រូវនាងលួងលោមឆបោកយកទៅលក់ឱ្យបុរសវ័យចំណាស់ម្នាក់ដើម្បីបម្រើផ្លូវភេទ ដោយអះអាងថា នឹងទទួលបានលុយរួមទាំងការសន្យាថា នឹងជួយជ្រោមជ្រែងឱ្យក្មេងស្រីរូបនេះក្លាយជាតារាចម្រៀងដ៏ល្បីមួយរូប ដូចអ្វីដែលរូបនាងប៉ងប្រាថ្នា ។
នៅកន្លែងសមត្ថកិច្ចក្មេងស្រីរងគ្រោះ បានរៀបរាប់ថា នាងបានស្គាល់អ្នកចម្រៀងអូ រស្មី ប្រហែល២ខែ ។ រូបនាងតែងតែប្រាប់តារាចម្រៀងអូ រស្មី ថានាងចង់ក្លាយជាតារា ចម្រៀងល្បីដែរ ។ លុះដល់ថ្ងៃទី១៥ ខែមករា ឈ្មោះអូ រស្មី បានទូរស័ព្ទហៅនាងទៅជួប ដោយប្រាប់ថា មានគេណាត់ជួបឱ្យទៅយកខ្សែដៃនៅសណ្ឋាគារ តែពេលនាងធ្វើដំណើរទៅផ្ទះអូ រស្មី គឺមិនបានជួបទេ ។ មួយសន្ទុះក្រោយមក ទើបតារាចម្រៀងរូបនោះធ្វើដំណើរទៅដល់ផ្ទះវិញ ហើយឱ្យប្រាក់នាងចំនួន១០ដុល្លារ សម្រាប់ចេញថ្លៃម៉ូតូឌុប ។
បន្ទាប់មកអូ រស្មី បាននាំនាងជិះរថយន្ដជាមួយទៅហូបសាច់គោអាំងនៅក្បែរសណ្ឋាគារអង្គរក្នុងសង្កាត់ផ្សារកណ្ដាល ។ ពេលហូបសាច់គោអាំងក៏ មានបុរសម្នាក់វ័យជាង៥០ឆ្នាំ ក្បាលទំពែក បានទៅជួបឈ្មោះអូ រស្មី ហើយអូ រស្មី បាននិយាយប្រាប់នាងថា បុរសក្បាលទំពែកនេះជាចាងហ្វាងផលិតកម្ម បើចង់ល្បីឈ្មោះទាល់តែព្រមទៅដេកជាមួយគេ ទើបអាចជួយឱ្យក្លាយជាតារានិងជាអ្នកចម្រៀងដ៏ល្បីបាន តែហាមមិនឱ្យប្រាប់រឿង នេះដល់ម្ដាយជាដាច់ខាត ។
ក្មេងស្រីរងគ្រោះបានរៀបរាប់បន្ថែមថា បន្ទាប់ពីហូបសាច់គោអាំងរួចហើយ នាងអូ រស្មី បានដឹករូបនាងត្រឡប់ទៅផ្ទះនាងវិញ ហើយទូរស័ព្ទហៅបុរសក្បាលទំពែកទៅ រួមភេទជាមួយនាង តាំងពីយប់ថ្ងៃទី១៥ និងទី១៦ ខែមករា ជាច្រើនលើកច្រើនសាស្ទើរ រកពេលដេកមិនបាន ។
ពាក់ព័ន្ធទៅនឹងម៉ែយ៉ែមក្នុងពិភពសិល្បៈនេះ តារាសម្តែងអ្នកនាងឌួង ហ៊្សូរីដា ធ្លាប់ត្រូវគេចោទប្រកាន់ថា ជាម៉ែយ៉ែមដែរ ប៉ុន្តែនាងបានបដិសេធចោលពីការចោទប្រកាន់ដោយគ្មានមូលដ្ឋានច្បាស់លាស់មួយនេះ ។
ដោយឡែកកន្លងមកក៏មានតារាស្រី ក្មេងៗស្រស់ស្អាត និងកំពុងតែល្បីឈ្មោះមួយចំនួនរងព័ត៌មានដ៏អាស្រូវស្តីពីការលក់ខ្លួនផងដែរ តែវាគ្រាន់តែជាពាក្យលេចលឺដែលគ្មានភស្តុតាង ។
ពាក់ព័ន្ធទៅនឹងបញ្ហានេះប្រធានសមាគមសិល្បករខ្មែរអ្នកនាង ចន ច័ន្ទលក្ខិណា កាលពីពេល ថ្មីៗកន្លងមកមិនបានអធិប្បាយអ្វីច្រើនទេ នៅពេលដែលមានការសាកសួរ ក៏ប៉ុន្តែនាងហាក់មិនបានបដិសេធចោលឡើយ ក្នុងពេលដែលអ្នកនាងបានបង្ហាញជំហរដោយខ្លីថា នេះជារឿងបុគ្គល ។
អ្នកសិល្បៈជាច្រើននិយាយថាជួនកាលរឿងបុគ្គលអាក្រក់មួយចំនួនតូច វាធ្វើឲ្យខូចឈ្មោះអ្នកសិល្បៈទូទៅ ឬអ្នកសិល្បៈដែលប្រកបអាជីពដោយត្រឹមត្រូវ ថ្លៃថ្នូរ ៕
ចែករំលែកព័តមាននេះ