លោកត្រាំ និងលោកគីម ជុងអ៊ុន ងាកមកប្រកាសជួបគ្នាជាថ្មី
អាមេរិក និងកូរ៉េខាងជើង ៖ ប្រធានាធិបតីអាមេរិក លោកដូណាល់ ត្រាំ និងមេដឹកនាំកូរ៉េខាងជើង លោកគីម ជុងអ៊ុន អះអាងនាថ្ងៃទី២៦…
អាមេរិក និងកូរ៉េខាងជើង ៖ ប្រធានាធិបតីអាមេរិក លោកដូណាល់ ត្រាំ និងមេដឹកនាំកូរ៉េខាងជើង លោកគីម ជុងអ៊ុន អះអាងនាថ្ងៃទី២៦…
អាមេរិក និងកូរ៉េខាងជើង ៖ ប្រធានាធិបតីអាមេរិក លោកដូណាល់ ត្រាំ និងមេដឹកនាំកូរ៉េខាងជើង លោកគីម ជុងអ៊ុន អះអាងនាថ្ងៃទី២៦ ឧសភាថា ចង់រក្សាទុកការជួបគ្នាកំពូលជាប្រវត្តិសាស្ត្ររបស់មេដឹកនាំទាំង២ ដូចការគ្រោងទុកពីដំបូង គឺថ្ងៃទី១២ មិថុនា នៅសិង្ហបុរីក្រោយរយៈពេលប៉ុន្មានថ្ងៃនៃការដំឡើងសំឡេងដាក់គ្នាខាងការទូត។
ការប្រកាសថ្មីនេះកើតមាន ក្រោយពីប្រធានាធិបតីកូរ៉េខាងត្បូង លោក MOON JAE INនិងមេដឹកនាំកូរ៉េខាងជើង បង្កើតការភ្ញាក់ផ្អើលមួយដោយជួបគ្នា កំពូលលើកទី២នៅភូមិព្រំដែន ប៉ានមុនហ្សូម។
ទីភ្នាក់ងារព័ត៌មានផ្លូវការកូរ៉េខាងជើង KCNA រាយការណ៍ថា ក្រោយការជួបគ្នានោះមេដឹកនាំកូរ៉េទាំង២ និយាយថា ត្រៀមជួបគ្នាញឹកញាប់។ លោកគីមជុងអ៊ុន បានថ្លែងអំណរគុណដល់លោក MOON JAE IN ចំពោះការខិតខំប្រឹងប្រែងទាំងឡាយដែលលោកបានធ្វើសំដៅ រៀបចំការជួបគ្នាកំពូល រវាងកូរ៉េខាងជើង និងសហរដ្ឋអាមេរិក ដែលគ្រោងធ្វើនាថ្ងៃទី១២ មិថុនា ហើយសម្ដែងការប្ដេជ្ញាចិត្តឲ្យមានការជួបគ្នា កំពូលជាប្រវត្តិសាស្ត្រនេះ។
នៅក្រុងវ៉ាស៊ិនតោន លោកត្រាំថ្លែងទៅកាន់សារព័ត៌មានថា អ្វីៗមានការរីកចម្រើនយ៉ាងល្អ និងថា ទិសដៅរៀបចំការជួបគ្នាកំពូលថ្ងៃទី១២ មិថុនា នៅសិង្ហបុរីពុំមានការផ្លាស់ប្ដូរឡើយ៕
ចែករំលែកព័តមាននេះ