ខេត្តព្រះសីហនុ ៖ តាមសេចក្តីរាយការណ៍បឋមបានឱ្យដឹងថា មនុស្សម្នាក់បានស្លាប់នៅនឹងកន្លែង និង៤នាក់ទៀតរងរបួសធ្ងន់ធ្ងរក្នុងហេតុការណ៍គ្រោះថ្នាក់ក្រឡាប់រថយន្តដែលបង្កឡើងដោយខ្លួនឯង ។ តាមរបាយការណ៍សមត្ថកិច្ចបានអោយដឹងថា នៅវេលាម៉ោង៦ព្រឹកថ្ងៃទី២៧ ខែឧសភា ឆ្នាំ២០១៨…
ខេត្តព្រះសីហនុ ៖ តាមសេចក្តីរាយការណ៍បឋមបានឱ្យដឹងថា មនុស្សម្នាក់បានស្លាប់នៅនឹងកន្លែង និង៤នាក់ទៀតរងរបួសធ្ងន់ធ្ងរក្នុងហេតុការណ៍គ្រោះថ្នាក់ក្រឡាប់រថយន្តដែលបង្កឡើងដោយខ្លួនឯង ។
តាមរបាយការណ៍សមត្ថកិច្ចបានអោយដឹងថា នៅវេលាម៉ោង៦ព្រឹកថ្ងៃទី២៧ ខែឧសភា ឆ្នាំ២០១៨ មានករណីគ្រោះថ្នាក់ចរាចរណ៍មួយកើតឡើងលើដងផ្លូវជាតិលេខ៣ ស្ថិតក្នុងភូមិព្រែកផ្អាវ ឃុំទឹកល្អក់ ស្រុកព្រៃនប់ រថយន្តដែលក្រឡាប់ដោយខ្លួនឯងជាប្រភេទរថយន្តឈ្នួលដឹកអ្នកដំណើរ ម៉ាកហ៊ីយាន់ដាយ ពណ៌សំបកឳឡឹក ពាក់ស្លាកលេខ កំពង់ចាម ២A-០៥៣៧ ទិសដៅពីខេត្តកំពតមកវាលរេញ លុះមកដល់ចំណុចកើតហេតុខាងលើបានរេចង្កូតក្រឡាប់ធ្លាក់ចេញពីផ្លូវ បណ្តាលឱ្យ ១-ឈ្មោះសុខ ម៉ាប់ ភេទប្រុស អាយុ៤១ឆ្នាំ ជាអ្នកបើកបរ បានស្លាប់ភ្លាមៗនៅនឹងកន្លែង ២-ឈ្មោះ ឈា ភេទប្រុស អាយុ៦០ឆ្នាំ រងរបួសធ្ងន់ ៣-ឈ្មោះ ង៉យ ភឿន ភេទស្រី អាយុ៣៩ឆ្នាំ រងរបួសធ្ងន់ ៤-ឈ្មោះ កន ធា ភេទស្រី អាយុ៤០ឆ្នាំ រងរបួសធ្ងន់ និង៥-ឈ្មោះ កប ឃីម ភេទស្រីអាយុ៣០ឆ្នាំ រងរបួសធ្ងន់ ។ ជនរងគ្រោះទាំង៥នាក់រស់នៅភូមិស្រែព្រៃ ឃុំវត្តអង្គខាងត្បូង ស្រុកទូកមាស ខេត្តកំពត។
បច្ចុប្បន្ន អ្នករងរបួសធ្ងន់ត្រូវបានបញ្ជូនទៅសង្គ្រោះនៅគ្លីនិកឯកជនវាលរេញ៕
ចែករំលែកព័តមាននេះ