ខេត្តព្រះសីហនុ ៖ សេចក្តីរាយការណ៍ឱ្យដឹងថា មនុស្ស៣នាក់ ក្នុងនោះក្មេងអាយុ៥ឆ្នាំម្នាក់ បានរងរបួស
ធ្ងន់ធ្ងរ ក្រោយមកស្ត្រីជាប្រពន្ធបានស្លាប់ពេលបញ្ជូនទៅសង្គ្រោះ បន្ទាប់ពីជួបហេតុការណ៍គ្រោះថ្នាក់ចរាចរណ៍ ដែលបង្កឡើងរថយន្តមួយគ្រឿង អ្នកបើកបរជាបុរសជនជាតិចិន បុកជាមួយម៉ូតូពីក្រោយ ក្នុងទិសដៅស្របគ្នា កាលពីថ្ងៃទី២៥ ឧសភា ស្ថិតតាមបណ្តោយផ្លូវជាតិលេខ៤ ចន្លោះគីឡូម៉ែត្រលេខ២១១-២១២ ក្នុងភូមិពូធឿង ឃុំបិតត្រាំងស្រុកព្រៃនប់ ខេត្តព្រះសីហនុ ។
តាមប្រភពពីសមត្ថកិច្ចឱ្យដឹងថា គ្រោះថ្នាក់នេះបង្កឡើងដោយរថយន្ត១គ្រឿង ម៉ាកRX300 ពណ៌ ទឹកមាសពាក់ស្លាកលេខ ភ្នំពេញ២AR ១៦៤០ ទិសដៅពីភ្នំពេញ ទៅខេត្តព្រះសីហនុ ។ អ្នកបើកបរឈ្មោះសុង ប៉ាវ ភេទប្រុស អាយុ៤៥ឆ្នាំ ជនជាតិចិន ស្នាក់នៅបណ្ដោះអាសន្នភូមិ-ឃុំរាម ។ រីឯម៉ូតូភាគីខាងម៉ូតូ ម៉ាកស្មាស់ ពណ៌ខ្មៅ ពាក់ស្លាកលេខព្រះសីហនុ១D-០១០៥ ជនរងគ្រោះ១-ឈ្មោះសោម ឃឿន ភេទប្រុស អាយុ៦០ឆ្នាំ រងរបួសធ្ងន់ ២-ឈ្មោះឃួន លុន ភេទស្រី អាយុ៥៨ឆ្នាំ ត្រូវជាប្រពន្ធ រងរបួសធ្ងន់ ហើយបានស្លាប់ពេលបញ្ជូនទៅសង្គ្រោះ និង៣-ឈ្មោះ ឃឿន ចាន់លាភ ភេទប្រុស អាយុ៥ឆ្នាំ ត្រូវជាចៅ រងរបួសធ្ងន់ អ្នកទាំង៣មានទីលំនៅចំណុចខាងលើ ។
ចែករំលែកព័តមាននេះ