AFPផ្សាយថា លោកហ៊ូក ហ្គ្រែន (Hugh Grant) តារាសម្តែងវ័យចំណាស់ជនជាតិអង់គ្លេស អាយុ៥៧ឆ្នាំបានត្រៀមរៀបការជាមួយនាងអ៊ែនណា អុីប័៊រស្តេន(Anna Eberstein) គូស្នេហ៍ជនជាតិស៊ុយអែតអាយុ៣៩ឆ្នាំ ដែលរស់នៅរួមគ្នាអស់រយៈពេលជាច្រើនឆ្នាំ និងមានកូន៣នាក់ ដោយរំពឹងថាពិធីនេះនឹងកើតឡើងក្នុងរយៈពេលដ៏ខ្លីខាងមុខ ។
តាមមនុស្សជំនិតម្នាក់បានបញ្ជាក់ថា «រូបគេកំពុងរំកិលទៅរកវ័យចំណាស់ ប៉ុន្តែទីបំផុតបានក្លាយជាគ្រួសារមួយ» ។
អាពាហ៍ពិពាហ៍លើកនេះគឺជាលើកដំបូងនៅក្នុងជីវិតរបស់អតីតតារាសម្តែងដ៏ល្បីនៅក្នុងរឿង«Four Weddings and a Funeral» កាលពីឆ្នាំ១៩៩៤ អាចនឹងកើតឡើងក្នុងរយៈពេលប៉ុន្មានសប្ដាហ៍ខាងមុខ នៅ«ណតទីងហេម» ចក្រភពអង់គ្លេស ។
កាលពីដើមឆ្នាំកន្លងមកលោកហ្គ្រែន បានទទួលប្រាក់សំណងក្រោយពីប្ដឹងទាមទារការខាតបង់ពីក្រុមហ៊ុនកាសែត«The Mirror» ក្រោយពីអ្នកសារព័ត៌មានម្នាក់បានលួចយកទិន្នន័យនៅក្នុងទូរស័ព្ទរបស់លោក ៕
ចែករំលែកព័តមាននេះ