ខេត្តរតនគិរី ៖ ជនសង្ស័យម្នាក់ត្រូវសមត្ថកិច្ចឃាត់ខ្លួនពីបទប្រើអំពើហិង្សារកាប់ជាច្រើនកាំបិតទៅស្ត្រីម្នាក់នៅខេត្តរតនគិរី ពាក់ព័ន្ធករណីហិង្សាដោយចេតនា (មានស្ថានទម្ងន់) បញ្ជូនទៅសាលាដំបូងខេត្ត ។ ការឃាត់ខ្លួនជនសង្ស័យនេះបានធ្វើឡើងនៅវេលាម៉ោង១៧និង០០នាទីថ្ងៃទី២៤ ខែឧសភា ឆ្នាំ២០១៨…
ខេត្តរតនគិរី ៖ ជនសង្ស័យម្នាក់ត្រូវសមត្ថកិច្ចឃាត់ខ្លួនពីបទប្រើអំពើហិង្សារកាប់ជាច្រើនកាំបិតទៅស្ត្រីម្នាក់នៅខេត្តរតនគិរី ពាក់ព័ន្ធករណីហិង្សាដោយចេតនា (មានស្ថានទម្ងន់) បញ្ជូនទៅសាលាដំបូងខេត្ត ។ ការឃាត់ខ្លួនជនសង្ស័យនេះបានធ្វើឡើងនៅវេលាម៉ោង១៧និង០០នាទីថ្ងៃទី២៤ ខែឧសភា ឆ្នាំ២០១៨ នៅចំណុចភូមិសាលាឃុំកក់ ស្រុកបរកែវ ខេត្តរតនគិរី ។
ប្រភពពីសមត្ថកិច្ចបានឱ្យដឹងថា ជនសង្ស័យដែលឃាត់ខ្លួនបាននោះឈ្មោះរ៉ាន់ រស្មី ភេទប្រុស អាយុ២៣ឆ្នាំ ជនជាតិច្រាយ រស់នៅភូមិឃុំខាងលើ ដែលជាប់ពាក់ព័ន្ធករណីហិង្សាដោយចេតនា (មានស្ថានទម្ងន់) កាលពីវេលាម៉ោង២១និង០០នាទី ថ្ងៃទី២០ ឧសភា ឆ្នាំ២០១៨នៅចំណុចផ្ទះជនរងគ្រោះស្ថិតក្នុងភូមិសាលាឃុំកក់ ស្រុកបរកែវ ខេត្តរតនគិរី ។
ជនសង្ស័យនោះបានកាប់ត្រូវជាច្រើនកាំបិតទៅលើជនរងគ្រោះឈ្មោះ សល់ បៀន ភេទស្រីអាយុ២៨ឆ្នាំ ជនជាតិច្រាយ បណ្តាលឲ្យរងរបួសយ៉ាងធ្ងន់ធ្ងរ ។ ហើយសាច់ញ្ញាតិបានបញ្ជូនទៅសម្រាកព្យាបាលនៅមន្ទីរពេទ្យបង្អែកខេត្ត ។
ចំណែកជនសង្ស័យសមត្ថមិច្ចកំពុងឃាត់ខ្លួននៅអធិការស្រុក ដើម្បីបំពេញបែបបទបញ្ជូនទៅសាលាដំបូងខេត្តចាត់ការតាមនីតិវិធីច្បាប់ ៕
ចែករំលែកព័តមាននេះ