នៅចាំអត់ យន្តហោះម៉ាឡេស៊ីMH370ដែលបាត់ ពេលនេះគេគ្រោងបញ្ឈប់ការរុករក
ប្រទេសម៉ាឡេសីុ ៖ រដ្ឋមន្ត្រីដឹកជញ្ជូនថ្មីម៉ាឡេសីុលោក ANTHONY LOKE SIEW FOOK ថ្លែងកាលពីថ្ងៃទី២៣ ឧសភាថា ការរុករកយន្តហោះជើងហោះហើរ…
ប្រទេសម៉ាឡេសីុ ៖ រដ្ឋមន្ត្រីដឹកជញ្ជូនថ្មីម៉ាឡេសីុលោក ANTHONY LOKE SIEW FOOK ថ្លែងកាលពីថ្ងៃទី២៣ ឧសភាថា ការរុករកយន្តហោះជើងហោះហើរ…
ប្រទេសម៉ាឡេសីុ ៖ រដ្ឋមន្ត្រីដឹកជញ្ជូនថ្មីម៉ាឡេសីុលោក ANTHONY LOKE SIEW FOOK ថ្លែងកាលពីថ្ងៃទី២៣ ឧសភាថា ការរុករកយន្តហោះជើងហោះហើរ MH370 របស់ ក្រុមហ៊ុនអាកាសចរណ៍ម៉ាឡេសីុ MALAYSIA AIRLINES នឹងបញ្ឈប់ចាប់ពីថ្ងៃទី២៩ ឧសភាទៅ ខណៈក្រុមហ៊ុនឯកជនអាមេរិកខាងរុករកបាតសមុទ្រ OCEAN INFINITY ត្រៀមបញ្ចប់ការរុករករបស់ខ្លួន ដែលរហូតមកទល់ពេលនេះពុំបានផលអ្វី ។
ក្នុងសន្និសីទសារព័ត៌មានមួយរដ្ឋមន្ត្រីរូបនេះ និយាយថាការរុករកនៅបន្តរហូតដល់ថ្ងៃទី២៩ឧសភា ហើយនឹងលែងមានការតាមរុករកទៀតហួសពីថ្ងៃនោះ ។ ក្រុមហ៊ុនរុករកត្រូវបញ្ចប់បេសកម្ម៩០ថ្ងៃរបស់ខ្លួនតាមកុងត្រាកំណត់ ។
សេចក្ដីថ្លែងការណ៍នោះធ្វើឡើង ខណៈរដ្ឋភិបាលថ្មីដឹកនាំដោយនាយករដ្ឋមន្ត្រីលោកមហាធៀរមហាម៉ាដ ប្រកាសពីវិធានការមួយចំនួនចំដៅត្រួតពិនិត្យការចំណាយរបស់រដ្ឋាភិបាលប្រឈមមុខនឹងបំណុលដែលមានខ្ពស់បំផុត ។
មុននេះនាយករដ្ឋមន្ត្រីថ្លែងទៅកាន់សារព័ត៌មានថា រដ្ឋាភិបាលថ្មីនឹងពិនិត្យហើយប្រហែលជាបញ្ឈប់កិច្ចព្រមព្រៀងដែលចុះហត្ថលេខារវាងរដ្ឋាភិបាលមុន និងក្រុមហ៊ុន OCEANINFINITY ។ ប្រសិនបើយើងយល់ថាវាមិនចាំបាច់ នោះយើងនឹងមិនបន្តកុងត្រាទៀតទេ ៕
ចែករំលែកព័តមាននេះ