ប្រទេសអ៊ុយក្រែន ៖ ពួកអ្នកសើុបអង្កេតអន្តរជាតិ លាតត្រដាងកាលពីថ្ងៃទី២៤ ឧសភាថា មីសីុលដែលបាញ់ធ្លាក់យន្តហោះដឹកអ្នកដំណើរម៉ាឡេសីុជើងហោះហើរ MH17 ពីលើប្រទេសអ៊ុយក្រែនកាលពីឆ្នាំ២០១៤ គឺមកពីកងឯកភាពយោធារុស្សីុមួយ ប៉ុន្តែពុំនិយាយថាតើនរណាជាអ្នកបាញ់ឡើយ។…
ប្រទេសអ៊ុយក្រែន ៖ ពួកអ្នកសើុបអង្កេតអន្តរជាតិ លាតត្រដាងកាលពីថ្ងៃទី២៤ ឧសភាថា មីសីុលដែលបាញ់ធ្លាក់យន្តហោះដឹកអ្នកដំណើរម៉ាឡេសីុជើងហោះហើរ MH17 ពីលើប្រទេសអ៊ុយក្រែនកាលពីឆ្នាំ២០១៤ គឺមកពីកងឯកភាពយោធារុស្សីុមួយ ប៉ុន្តែពុំនិយាយថាតើនរណាជាអ្នកបាញ់ឡើយ។
ប្រទេសរុស្សីុបានបដិសេធភ្លាមៗការសន្និដ្ឋាននោះ ដោយអះអាងក្នុងសេចក្ដីប្រកាសមួយរបស់ក្រសួងការបរទេសថា នោះជាការចេះតែនិយាយ សំដៅបង្ខូចកេរ្តិ៍ឈ្មោះប្រទេសខ្លួន នៅមុខសហគមន៍អន្តរជាតិ។
អ្នកសើុបអង្កេតជនជាតិហូឡង់ម្នាក់ លោក WILBERT PAULISSEN ប្រកាសថា ពួកអ្នកសើុបអង្កេតសន្និដ្ឋានថាមីសីុល BOUK TELAR ដែលបាញ់ធ្លាក់យន្តហោះMH17ជាមីសីុលមកពីកងពលតូចការពារអាកាសទី៥៣ មានមូលដ្ឋាននៅ តំបន់ KOURSKរុស្សីុ ។ លោកអះអាងបែបនេះក្នុងសន្និសីទសារព័ត៌មានមួយ នៅហូឡង់ដោយបង្ហាញបណ្ដាអំបែងមីសីុលនេះ។
ក្រសួងការពារប្រទេសរុស្សីុ ក្នុងសេចក្ដីប្រកាសមួយអះអាងថា ក្រុងមូស្គូជាថ្មីម្ដងទៀតបដិសេធការជាប់ទាក់ទិន របស់ខ្លួនក្នុងសោកនាដកម្មនេះ ។ ពុំមានមីសីុលការពារអាកាសណាមួយ របស់កងទ័ពរុស្សីុបញ្ជូនឆ្លងកាត់ព្រំដែន រវាងរុស្សីុនិងអ៊ុយក្រែនឡើយ ។ ក្រសួងនោះចោទលើបណ្ដាកងឯកភាពយោធាអ៊ុយក្រែនដែលប្រើ បណ្ដាមីសីុល BOUK៕
ចែករំលែកព័តមាននេះ