ប្រទេសកាណាដា ៖ អាជ្ញាធររាយការណ៍ថា បុរស២នាក់បានបំផ្ទុះគ្រាប់បែកមួយគ្រាប់ កាលពីថ្ងៃទី២៤ឧសភា ក្នុងភោជនីយដ្ឋានមួយនៃទីក្រុង MISSISSAUGA កាណាដាបណ្ដាលឲ្យមនុស្ស១៥នាក់ រងរបួួសមុនពេលពួកគេគេចខ្លួន។
ការផ្ទុះកើតមាននាវេលាម៉ោង២២និង៣០នាទីម៉ោងក្នុងស្រុក ក្នុងភោជនីយដ្ឋាន BOMBAY BHEL ។មនុស្ស១៥នាក់រងរបួស ក្នុងនោះ៣នាក់របួសធ្ងន់ ។ ការវាយប្រហារភេរវកម្មនេះនៅពុំទាន់មានក្រុមណាប្រកាសទទួលខុសត្រូវនៅឡើយ។ ប៉ូលិសតាមTWITTER បានចេញផ្សាយរូបថតមួយសន្លឹក ដែលបង្ហាញមនុស្ស២នាក់ ចូលក្នុងភោជនីយដ្ឋាននោះ ដោយម្នាក់ហាក់ដូចជាកាន់របស់អ្វីមួយ។
កាលពីមួយខែមុន បុរសម្នាក់បានបើករថយន្តដឹកជញ្ជូនធុនតូច១គ្រឿង បំបុកមនុស្សម្នាពេលម៉ោង ស្រស់ស្រូបអាហារថ្ងៃត្រង់ នៅទីក្រុងតូរ៉ុងតូបណ្ដាលឲ្យមនុស្ស១០នាក់ស្លាប់ហើយ១៥នាក់ទៀតរងរបួស។ទីក្រុង MISSISSAUGA ស្ថិតនៅជាប់បឹងអុនតារីយ៉ូចម្ងាយ៣០គីឡូម៉ែត្រ ខាងលិចទីក្រុងតូរ៉ុងតូ៕
ចែករំលែកព័តមាននេះ