ខេត្តកំពត ៖ រថយន្ត៤គ្រឿងបុកតកន្ទុយគ្នានៅលើផ្លូវជាតិលេខ៣១ តែអត់មានអ្នករងរបួស ដែលរថយន្ត៤គ្រឿងម៉ាក់ផ្សេងៗគ្នា បានបុកគូថគ្នា កាលពីវេលាម៉ោង៨ព្រឹក ថ្ងៃទី២៥ ខែឧសភា នៅមុខផ្លូវចូលទៅរោងចក្រចិនភ្នំប្រាសាទ ភូមិជ្រោះតាសោម ឃុំប្រាសាទភ្នំខ្យង ស្រុកកំពង់ត្រាច ។
នគរបាលចរាចរណ៍ស្រុកបាននិយាយប្រាប់ឲ្យដឹងថា រថយន្តទាំង៤គ្រឿងដែលបានគូថបន្តគ្នា បើកស្របទិសគ្នាមកពីជើងទៅត្បូងលុះមកដល់ចំណុចផ្លូវចូលផ្លូវភ្នំប្រសាទនោះ មានរថយន្ត ពាក់ស្លាក់លេខភ្នំពេញ 2AC-4965 បន្ថយល្បឿនដែរ ស្រាប់តែរថយន្តមួយគ្រឿងមក ពណ៌ស ពាក់ស្លាក់លេខភ្នំពេញ 2AQ-2167បុកពីក្រោយ ហើយជ្រុលចុះទៅក្នុងស្រែ និងរថយន្តមួយទៀតមាន២៥កៅអី ពាក់ស្លាក់លេខភ្នំពេញ 3C-1434 ទៅបុកគូទរថយន្តពណ៌សខាងលើ នៅពេលបន្ថយល្បឿនមានរថយន្តសាំយ៉ុងពាក់ស្លាកលេខភ្នំពេញ 2AP-9036 បុកពីក្រោយបន្តទៀត ។
នគរបាលបាននិយាយថា រថយន្ត៤គ្រឿងបុកគូថគ្នាបន្តនេះ ដោយមានរថយន្តពីមុខបានឃើញរថយន្តដឹកដីចេញមកពីភ្នំប្រសាទឡើងមកកាន់ផ្លូវជាតិ ទើបមានរថយន្តមុខបានបន្ថយល្បឿនទើបមានការបុកបន្តគ្នាបែបនេះ ប៉ុន្តែក៏គ្មានមានអ្នករងគ្រោះដែរ ៕
ចែករំលែកព័តមាននេះ