អាមេរិក ៖ តាមប្រភពព័ត៌មាន Metro បានឲ្យដឹងថា ទារិកាម្នាក់ដែលទើបតែមានអាយុ១ខួប ត្រូវបានផុតដង្ហើមដោយសារតែឪពុកចិញ្ចឹមរបស់នាងភ្លេចយកនាងចេញពីក្នុងឡាន ។ រឿងរ៉ាវនេះកើតឡើងនៅកាលពីថ្ងៃពុធ នា…
អាមេរិក ៖ តាមប្រភពព័ត៌មាន Metro បានឲ្យដឹងថា ទារិកាម្នាក់ដែលទើបតែមានអាយុ១ខួប ត្រូវបានផុតដង្ហើមដោយសារតែឪពុកចិញ្ចឹមរបស់នាងភ្លេចយកនាងចេញពីក្នុងឡាន ។ រឿងរ៉ាវនេះកើតឡើងនៅកាលពីថ្ងៃពុធ នា East Nashville សហរដ្ឋអាមេរិក ។ បុរសជាឪពុកចិញ្ចឹមរបស់ទារិកាដែលស្លាប់បានចតរថយន្តចោលដើម្បីយកកូនស្រីម្នាក់ទៀតដាក់នៅសាលា ។
ទារិកាកំសត់ត្រូវបានឪពុកភ្លេចទុកចោលក្នុងរថយន្តកណ្តាលហាលថ្ងៃក្តៅហួតហែង ។ ទាល់តែដល់ពេលល្ងាចទើបម្តាយចិញ្ចឹមរបស់នាងឃើញនាង ហើយបញ្ជូនទៅមន្ទីរពេទ្យជាបន្ទាន់ ។ ជាអកុសល ជីវិតក្មេងអាយុ១ខួបមិនអាចជួយបានទោះបីជាគ្រូពេទ្យខំប្រឹងយ៉ាងណាក៏ដោយ ។
គួរបញ្ជាក់ផងដែរថា ករណីភ្លេចកូនក្នុងរថយន្តនេះបានកើតឡើងជាញឹកញយហើយតែងតែផ្តល់វិប្បដិសារីដល់ម្តាយឪពុកគ្រប់រូប ។ ហេតុដូចនេះហើយ សូមលោកអ្នកប្រុងប្រយ័ត្ន និង មើលឲ្យសព្វគ្រប់ជ្រុងជ្រោយមុនពេលចាកចេញពីរថយន្ត ៕
ចែករំលែកព័តមាននេះ