ស្ងាត់ៗតារាឆ្នើម Ronaldo បង្ហើបថា នឹងព្យួរស្បែកជើង
តាមប្រភពព័ត៌មាន Sports Illustrated បានឲ្យដឹងថា ម្ចាស់ពាន Ballon d’Or ឆ្នាំមុន Cristiano Ronaldo…
តាមប្រភពព័ត៌មាន Sports Illustrated បានឲ្យដឹងថា ម្ចាស់ពាន Ballon d’Or ឆ្នាំមុន Cristiano Ronaldo…
តាមប្រភពព័ត៌មាន Sports Illustrated បានឲ្យដឹងថា ម្ចាស់ពាន Ballon d’Or ឆ្នាំមុន Cristiano Ronaldo បានបង្ហើបប្រាប់ពីគម្រោងចូលនិវត្តន៍របស់ខ្លួនពីបាល់ទាត់ថាមិននៅពេលឆាប់ៗនេះទេ ។ Ronaldo គ្រោងថា នឹងឈប់ពីការលេងបាល់នៅអាយុខ្ទង់៤០ឆ្នាំ ។ ដូចនេះរូបគេនៅសល់ពេល៧ឆ្នាំទៀត ដើម្បីបញ្ចេញថ្វីជើងឲ្យពិភពលោកមើល ។
នៅក្នុងអាយុ៣៣ឆ្នាំនាពេលនេះ Ronaldo ហាក់បីដូចជាមិនមានការលេងធ្លាក់ជើងអ្វីសោះ ។ រូបគេបាននាំ Real Madrid ទៅដល់វគ្គផ្តាច់ព្រ័ត្រ Champions League ។ នៅការកម្មវិធីទូរទស្សន៍របស់អេស្ប៉ាញ El Chiringuito ជើងខ្លាំងម្នាក់នេះបាននិយាយថា «ពេលនេះរាងកាយខ្ញុំមានអាយុត្រឹមតែ២៣ឆ្នាំប៉ុណ្ណោះ ។ ខ្ញុំនៅសល់ពេលច្រើនទៀត ដូចនេះហើយខ្ញុំនឹងនៅលេងដល់អាយុ៤១ឆ្នាំ ។ ខ្ញុំសប្បាយចិត្តណាស់ ។ ពួកយើងនឹងលេងនៅវគ្គផ្តាច់ព្រ័ត្រនៅថ្ងៃសៅរ៍នេះ» ។
រូបគេបានបន្តថា «ខ្ញុំនៅលេងឲ្យ Real Madrid បាន៨ឆ្នាំហើយ ។ គេតែងតែមានពាក្យថា នឹងមានកីឡាករផ្សេងៗទៀតមកជួយទាត់ ។ តែខ្ញុំមិនឃើញមាននរណាប្លែកទេ ក្នុងការនាំក្រុមមកដល់វគ្គផ្តាច់ព្រ័ត្រ Champions League នេះ ។ កីឡាករខ្លាំងៗមានដូចជា Gareth Bale, Karim Benzema, Lucas Vazquez និង Marco Asensio ជាដើម ។ ពួកគេសុទ្ធតែនៅទីនេះ» ។
គួរបញ្ជាក់ផងដែរថា Real Madrid និង Ronaldo នឹងទៅលេងនៅវគ្គផ្តាច់ព្រ័ត្រ Champions League តទល់ជាមួយនឹងក្រុមហង្សក្រហម Liverpool ដែលវាជាឱកាសមួយដ៏ល្អក្នុងការចារប្រវត្តិសាស្ត្រ ៕
ចែករំលែកព័តមាននេះ