រាជធានីភ្នំពេញ ៖ បុរស២នាក់ត្រូវជាបងប្អូនបង្កើតនឹងគ្នាចេញមកពីផឹកស៊ីនៅម្តុំទួលសង្កែ បានឈប់ម៉ូតូទិញបារីមួយពាន់រៀលនៅម្តុំផ្លូវទំនប់៧០ ហើយភ្លេចដកសោម៉ូតូដែលនៅជាប់ម៉ូតូ ត្រូវជនឆ្លៀតឱកាសលួចយកម៉ូតូបានសម្រេចជិះគេចខ្លួនបាត់ស្រមោល ។ ហេតុការណ៍នេះបានកើតឡើងកាលពីវេលាម៉ោង៩និង២០នាទីយប់ថ្ងៃទី២៤ ខែឧសភា ឆ្នាំ២០១៨…
រាជធានីភ្នំពេញ ៖ បុរស២នាក់ត្រូវជាបងប្អូនបង្កើតនឹងគ្នាចេញមកពីផឹកស៊ីនៅម្តុំទួលសង្កែ បានឈប់ម៉ូតូទិញបារីមួយពាន់រៀលនៅម្តុំផ្លូវទំនប់៧០ ហើយភ្លេចដកសោម៉ូតូដែលនៅជាប់ម៉ូតូ ត្រូវជនឆ្លៀតឱកាសលួចយកម៉ូតូបានសម្រេចជិះគេចខ្លួនបាត់ស្រមោល ។ ហេតុការណ៍នេះបានកើតឡើងកាលពីវេលាម៉ោង៩និង២០នាទីយប់ថ្ងៃទី២៤ ខែឧសភា ឆ្នាំ២០១៨ តាមបណ្តោយផ្លូវទំនប់៧០កែងផ្លូវរ៉ារថភ្លើង នៅចំណុចមុខតូបលក់ចាប់ហួយមួយកន្លែង ស្ថិតនៅក្នុងសង្កាត់ទួលសង្កែទី១ ខណ្ឌឬស្សីកែវ ។
តាមប្រភពព័ត៌មានពីបុរសជាម្ចាស់ម៉ូតូឈ្មោះចាម វិបុល ភេទប្រុស អាយុ២៥ឆ្នាំ មុខបរជាងភ្លើង ស្នាក់នៅការដ្ឋានសំណង់ម្តុំបឹងកក់ មានស្រុកកំណើតនៅស្រុកសំរោង ខេត្តតាកែវ បានឱ្យដឹងថា មុនពេលកើតហេតុគាត់រួមជាមួយប្អូនប្រុសបង្កើតរបស់គាត់ទើបតែចេញមកពីផឹកស៊ីនៅម្តុំទួលសង្កែគោលបំណងត្រឡប់ទៅដេកនៅកន្លែងធ្វើការនៅម្តុំបឹងកក់ ក៏បានជិះម៉ូតូមួយគ្រឿងម៉ាកហុងដាឌ្រីម ពណ៌ខ្មៅ ស៊េរីឆ្នាំ២០១៧ ពាក់ស្លាកលេខ តាកែវ ១M-៦៩១៧ ធ្វើដំណើរតាមបណ្តោយផ្លូវទំនប់៧០ ក្នុងទិសដៅពីកើតទៅលិច ខណៈពេលជិះម៉ូតូមកដល់ចំណុចកើតហេតុ បុរសជាម្ចាស់ម៉ូតូខាងលើបានឈប់ម៉ូតូនៅកន្លែងលក់ចាប់ហួយមួយកន្លែងក្បែរនឹងរ៉ារថភ្លើង រួចទុកអោយប្អូននៅចាំម៉ូតូ ហើយគាត់បានដើរចូលទៅទិញបារីចំនួន១០០០រៀល ប៉ុន្តែគាត់ភ្លេចដកសោម៉ូតូនៅជាប់ម៉ូតូនោះ ចំណែកប្អូនប្រុសបង្កើតរបស់គាត់ក៏បានដើរតាមក្រោយគាត់ផងដែរ ភ្លាមៗនោះក៏មានជនឆ្លៀតឱកាសបានលួចម៉ូតូរបស់គាត់ជិះគេចខ្លួនបាត់ស្រមោល ចំណែកគាត់និងប្អូនប្រុសបានរត់ដេញតាម ហើយស្រែកចោរៗ ទើបបង្កការភ្ញាក់ផ្អើលដល់សមត្ថកិច្ចចុះអន្តរាគមន៍ ប៉ុន្តែត្រូវជនសង្ស័យជិះគេចខ្លួនបាត់ទៅហើយ ។
ក្រោយពេលកើតហេតុ បុរសដែលជាម្ចាស់ម៉ូតូក៏បានទៅដាក់ពាក្យបណ្តឹងនៅប៉ុស្តិ៍នគរបាលទួលសង្កែទី១ដើម្បីអោយសមត្ថកិច្ចស្រាវជ្រាវតាមចាប់ជនសង្ស័យមកផ្តន្ទាទោសទៅតាមផ្លូវច្បាប់ ៕
ចែករំលែកព័តមាននេះ