ខេត្តមណ្ឌលគិរី ៖ សេចក្តីរាយការណ៍ឱ្យដឹងនាព្រឹកថ្ងៃទី២៥ ឧសភា នេះ គឺកម្លាំងចម្រុះជាច្រើននាក់បាន និងកំពុងបន្តចុះទៅតាមគោលដៅសំខាន់ៗមួយចំនួន ស្ថិតក្នុងតំបន់ចុងផ្លាស់ ដើម្បីរុករកសារធាតុគីមី ។…
ខេត្តមណ្ឌលគិរី ៖ សេចក្តីរាយការណ៍ឱ្យដឹងនាព្រឹកថ្ងៃទី២៥ ឧសភា នេះ គឺកម្លាំងចម្រុះជាច្រើននាក់បាន
និងកំពុងបន្តចុះទៅតាមគោលដៅសំខាន់ៗមួយចំនួន ស្ថិតក្នុងតំបន់ចុងផ្លាស់ ដើម្បីរុករកសារធាតុគីមី ។ ការបែងចែកនោះ គឺមាន២ក្រុមមួយចេញទៅពិនិត្យអូរទេរ និងមួយទៀតទៅពិនិត្យតាមសហគមន៍ ។ មន្ត្រីជំនាញ ក៏បានរកឃើញទីតាំងលួចធ្វើអាជីវកម្មរ៉ែមាស នៅចំណុចដីក្រុមហ៊ុនរ៉ុងឆេង (ចំណុចអូរទេរ) គឺមានការបង្ហូរកាកសំណល់សង្ស័យចូលទៅក្នុងទឹកអូរ ។ បច្ចុប្បន្ន មន្ត្រីជំនាញ កំពុងយកសំណាកដី និងទឹកទុកធ្វើការពិសោធន៍ ។
សេចក្តីរាយការណ៍បន្តថា ទីតាំងខាងលើត្រូវបានស្គាល់ម្ចាស់ហើយ គឺមានឈ្មោះវ៉ាង ដោយកំពុងរត់គេចបាត់ ។ ប្រភពបន្តថា ទីតាំងនេះបានបើកអស់រយៈពេលជាង១ឆ្នាំមកហើយ ។ ស្ថិតនៅទីតាំងព្រែកទេ គឺមានការសង្ស័យប្រើសារធាតុគីមីច្រើនណាស់ ដោយសារស្លាកស្នាមបន្សល់ទុកនៅលើដីនោះ ។
គួររំលឹកថា គិតត្រឹមម៉ោងជិត៣រសៀលថ្ងៃទី២៤ ឧសភា កម្លាំងមន្ត្រីជំនាញដែលបានចូលទៅដល់ទីតាំងរែងមាស នៅជាប់ក្រុមហ៊ុនរ៉ុងឆេង ស្ថិតក្នុងភូមិពូទុង ឃុំចុងផ្លាស់ ស្រុកកែវសីមា បានឱ្យដឹងក្រៅផ្លូវការថា អាចមានសមាសធាតុគីមីជាច្រើនប្រភេទ ដែលបានប្រើប្រាស់ ដើម្បីចាប់យកមាសនោះ ។ តាមការអះអាងជំហានដំបូងរបស់ក្រុមការងារដែលកំពុងស្ថិតនៅទីតាំងផ្ទាល់ខាងលើបាននិយាយទៀតថា គឺឃើញមានអាងស្តុកទឹក និងការបង្ហូរធាតុគីមីចូលព្រែកទេរទៀតផង ។ គួររំលឹកទៀតថា គ្រាន់តែក្រុមការងារចុះទៅដល់ទីតាំងនោះភ្លាម ក៏ត្រូវម្ចាស់បានរត់គេចខ្លួនបាត់អស់ ។ មិនតែប៉ុណ្ណោះ នៅក្នុងទីតាំងនោះ គឺពិបាកក្នុងការដកដង្ហើមជាខ្លាំង ដោយមានក្លិនអាស៊ីតជះមកកម្រិតខ្ពស់ ។
ក្រុមការងារអន្តរក្រសួងមានក្រសួងរ៉ែ នឹងថាមពល ក្រសួងបរិស្ថាន អាវុធហត្ថលើផ្ទៃប្រទេស និងអាជ្
ញាធរខេត្តមណ្ឌលគិរីសរុបប្រមាណ២០០នាក់ ចុះត្រួតពិនិត្យនៅតំបន់រ៉ែមាសចុងផ្លាស់ ក្នុងភូមិពូទុង ឃុំចុងផ្លាស់ ស្រុកកែវសីមា នៅត្រឹមវេលាម៉ោង១រសៀលថ្ងៃទី២៤ ឧសភា បានទៅដល់ទីតាំងនិងធ្វើការបែកចែកកម្លាំងជា៣ក្រុមដោយ ក្រុមទី១-ចុះទៅពិនិត្យទឹកអូរក្លរ, ក្រុមទី២-ចូលពិនិត្យក្នុងក្រុមហ៊ុនរ៉ុងឆេង និងក្រុមទី៣-ចុះទៅពិនិត្យអូរទេ ។
ព័ត៌មាននឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ