រាជធានីភ្នំពេញ ៖ ស្ត្រីម្នាក់មកពីញុំាអាហារជាមួយមិត្តភក្តិជិះម៉ូតូមួយគ្រឿងម៉ាកស្តុបពីបានពាក់កណ្តាលផ្លូវត្រូវជនសង្ស័យ២នាក់ឆក់កាបូបអស់ទូរស័ព្ទដៃ២គ្រឿង និងលុយមួយចំនួន ។ ហេតុការណ៍នេះបានកើតឡើងកាលពីវេលាម៉ោង៨និង៣០នាទីយប់ថ្ងៃទី២៤ ខែឧសភា ឆ្នាំ២០១៨ តាមបណ្តោយផ្លូវទំនប់៧០កែងផ្លូវ៦០៨ ស្ថិតនៅក្នុងសង្កាត់បឹងកក់១…
រាជធានីភ្នំពេញ ៖ ស្ត្រីម្នាក់មកពីញុំាអាហារជាមួយមិត្តភក្តិជិះម៉ូតូមួយគ្រឿងម៉ាកស្តុបពីបានពាក់កណ្តាលផ្លូវត្រូវជនសង្ស័យ២នាក់ឆក់កាបូបអស់ទូរស័ព្ទដៃ២គ្រឿង និងលុយមួយចំនួន ។ ហេតុការណ៍នេះបានកើតឡើងកាលពីវេលាម៉ោង៨និង៣០នាទីយប់ថ្ងៃទី២៤ ខែឧសភា ឆ្នាំ២០១៨ តាមបណ្តោយផ្លូវទំនប់៧០កែងផ្លូវ៦០៨ ស្ថិតនៅក្នុងសង្កាត់បឹងកក់១ ខណ្ឌទួលគោក ។
សាក្សីដែលឃើញហេតុការណ៍បានអោយដឹងថា មុនពេលកើតហេតុគេ បានឃើញស្ត្រីម្នាក់ជិះម៉ូតូមួយគ្រឿងម៉ាកហុងដា ស្គូពី ពណ៌ខៀវលាយលឿង ទើបតែចេញមកពីញុំាអាហារជាមួយមិត្តភក្តិនៅម្តុំទួលគោក ខណៈពេលចេញមកវិញគោលបំណងទៅផ្ទះនៅម្តុំទួលសង្កែ ខណៈពេលជិះមកដល់ចំណុចកើតហេតុខាងលើក៏ស្រាប់តែលេចមុខជនសង្ស័យ២នាក់ជិះម៉ូតូមួយគ្រឿងម៉ាកហុងដាឌ្រីម ពណ៌ខ្មៅ ស៊េរី២០១៨ មិនចាំស្លាកលេខ បានជិះមកជិតរួចអ្នកអង្គុយពីក្រោយក៏ធ្វើសកម្មភាពឆក់កាបូបពីស្ត្រីរងគ្រោះបានសម្រេច ហើយជិះម៉ូតូគេចខ្លួនបាត់ស្រមោល បណ្តាលអោយនារីជនរងគ្រោះដួល ហើយរងរបួសស្រាល ចំណែកនៅក្នុងកាបូបស្ពាយរបស់នារីរងគ្រោះនោះមានទូរស័ព្ទដៃ២គ្រឿង មួយគ្រឿងម៉ាក iPhone 6 មួយគ្រឿង និងមួយគ្រឿងទៀតម៉ាកសាំងសុង ព្រមទាំងលុយមួយចំនួនទៀត ។
ក្រោយពេលកើតហេតុ នារីរងគ្រោះបានទៅដាក់ពាក្យបណ្តឹងនៅប៉ុស្តិ៍បឹងកក់១ដើម្បីអោយសមត្ថកិច្ចតាមស្រាវជ្រាវតាមចាប់ជនសង្ស័យមកផ្តន្ទាទោសទៅតាមផ្លូវច្បាប់ ៕
ចែករំលែកព័តមាននេះ