រាជធានីភ្នំពេញ ៖ លោកនាយឧត្តមេសនីយ៍ឥន សារ៉ាត់ ប្រធានគណៈកម្មកាដឹកនាំបាញ់គ្រាប់ពិត«ហនុមាន»បានប្រកាសឲ្យដឹងដល់សាធារណជនអាជ្ញាធរដែនដីមូលដ្ឋាននៅរាជធានីភ្នំពេញខេត្តកណ្តាល កំពង់ស្ពឺ តាកែវ និងខេត្តកំពត ក៏ដូចជា អាកាសចរណ៍ស៊ីវិលថា គណៈកម្មការដឹកនាំបាញ់គ្រាប់ពិតនៃក្រសួងការពារជាតិនឹងធ្វើការបាញ់កាំភ្លើងប្រតិកម្មBM-21 កាំភ្លើង១២៥លីមីម៉ែត្រ(mm) និង១២២ មីលីម៉ែត្រ(mm) ដែលមានប្រភេទកាំភ្លើងធំបាញ់រយៈពេលមធ្យមនៅតំបន់ភ្នំ ស្ថិតនៅជិតភូមិត្រពាំងវែង ឃុំត្រពាំងរាំង ស្រុកជុំគីរី ខេត្តខេត្តកំពត ចំណុច(០៧៣៣) មកតំបន់ជ្រលងភ្នំចំណុចកម្ពស់៥០៣ចំណុច(១៨២៨)ស្ថិតនៅស្រុកជុំគីរី ខេត្តកំពត ។
យោងតាមសេចក្តីជូនដំណឹងរបស់ក្រសួងការពារជាតិចុះថ្ងៃទី២១ ខែឧសភា បានបញ្ជាក់ថា សូមសាធារណជនលោក ឧកញ៉ា លោក លោកស្រី «សូមកុំភ្ញាក់ផ្អើលសម្លេងផ្ទុះ និងការចល័តយោធទ្ធោបករណ៍យោធាតាមកម្មវិធី និងទីកន្លែងខាងលើ ។ ដើម្បីធានាសុវត្ថិភាពគណៈដឹកនាំលំហាត់ សំណូមពរដល់អាជ្ញាធរដែនដីដែលពាក់ព័ន្ធ និងរដ្ឋលេខាធិការអាកាសចរណ៍ស៊ីវិលសូមជួយផ្សព្វផ្សាយព័ត៌មានអំពីលំហាត់បាញ់គ្រាប់ពិត និងសូមហាមប្រជាពលរដ្ឋការហោះហើរចូលតំបន់បាញ់គ្រាប់ពិតខាងលើ» ។
សូមបញ្ជាក់ថា កាលពីពេលថ្មីៗនេះក្រសួងការពារជាតិលោក នាយឧត្តមសេនីយ៍ ប៉ុល សារឿន អគ្គមេបញ្ជាការនៃកងយោធពលខេមរភូមិន្ទបានលំហាត់ហ្វឹកហ្វឺនរួមគ្នាប្រឆាំងភេរវកម្ម និងការងារមនុស្សធម៌នៃកងទ័ពទាំងពីរកម្ពុជា និងចិន កម្ពុជាធ្វើឡើងជាលក្ខណៈទ្វេភាគីក្រោមការជួយឧបត្ថម្ភគាំទ្រពីសាធារណៈរដ្ឋប្រជាមានិតចិន បានឆ្លុះបញ្ចាំង និងផ្សាភ្ជាប់យ៉ាងជ្រាលជ្រៅទៅនឹងកិច្ចសហប្រតិបត្តិការលើកស្ទួយទំនាក់ទំនងល្អបង្កើនចំណងមិត្តភាព សាមគ្គីភាព ចូលរួមការបណ្តុះបណ្តាលនូវចំណេះដឹង ចំណេះធ្វើ ផ្តល់ឱកាសដ៏មានតម្លៃក្នុងការចែករំលែក ផ្លាស់ប្តូរបទពិសោធន៍ក្នុងការបំពេញភារកិច្ច និងការរស់នៅរួមគ្នាជាមួយជាតិសាសន៍ជាច្រើនក្នុងពេលប្រតិបត្តិការ ៕
ចែករំលែកព័តមាននេះ