ខេត្តព្រៃវែង ៖ ដោយសារតែវ័យចាស់ជរា ធ្វើឱ្យលោកតាម្នាក់អាយុ៨២ឆ្នាំវង្វេងវង្វាន់ រហូតដល់ធ្វើសកម្មភាពចង.កសម្លាប់ខ្លួនឯងស្លាប់យ៉ាងអាណោចអាធ័ម កើតឡើងកាលពីវេលាម៉ោង០៥ និង១០នាទីល្ងាចថ្ងៃទី២៣ ឧសភា ស្ថិតនៅបន្ទប់ទឹកក្នុងផ្ទះភូមិបាទី ឃុំពាមរក៍…
ខេត្តព្រៃវែង ៖ ដោយសារតែវ័យចាស់ជរា ធ្វើឱ្យលោកតាម្នាក់អាយុ៨២ឆ្នាំវង្វេងវង្វាន់ រហូតដល់ធ្វើសកម្មភាពចង.កសម្លាប់ខ្លួនឯងស្លាប់យ៉ាងអាណោចអាធ័ម កើតឡើងកាលពីវេលាម៉ោង០៥ និង១០នាទីល្ងាចថ្ងៃទី២៣ ឧសភា ស្ថិតនៅបន្ទប់ទឹកក្នុងផ្ទះភូមិបាទី ឃុំពាមរក៍ ស្រុកពាមរក៍ ខេត្តព្រៃវែង ។
លោកតាដែលចង.កសម្លាប់ខ្លួននេះ មានឈ្មោះ តូច សំអាន អាយុ៨២ឆ្នាំ រស់នៅជាមួយកូនស្រី ក្នុងផ្ទះកើតហេតុ។ មានកូនស្រីបង្កើតឈ្មោះ អាន សុភាព អាយុ៥៦ឆ្នាំ សព្វថ្ងៃរស់ក្នុងភូមិកើតហេតុ ។
បើតាមប្រភពឱ្យដឹងទៀតថា កាលពីវេលាម៉ោងកើតហេតុ ក្នុងពេលដែលកូនស្រីនិងចៅៗមិនបានចាប់
អារម្មណ៍មើលលោកតា គាត់ក៏យកខ្សែអង្រឹងពណ៌ត្រេអ៊ីមកចង.កទៅនឹងស្លាបព្រឹលបន្ទប់ទឹក ដែលមានកម្ពស់១,៦០ម៉ែត្រស្លាប់បាត់បង់ជីវិតយ៉ាងស្ងៀមស្ងាត់ ។ លុះមួយម៉ោងក្រោយមក ទើបកូនចៅបានឃើញ ហើយក៏មានការផ្អើលឆោឡោ និងរាយការណ៍ប្រាប់មកសមត្ថកិច្ចចុះទៅពិនិត្យឃើញថា ជនរងគ្រោះពិតជាចងកធ្វើអត្តឃាតពិតមែន គីមិនពាក់ពន្ធ័និងករណីឃាត់កម្ម ឬករណីអ្វីផ្សេងនោះទេ។
ចំពោះមូលហេតុវិញ ត្រូវបានក្រុមគ្រួសារលោកតាបញ្ជាក់ប្រាប់ថា គឺដោយសារតែលោកតាមានជំងឺប្រចាំកាយ និងដោយសារតែវ័យចាស់ជរាផង ដែលធ្វើអោយលោកតាវង្វេងវង្វាន់ជាញឹកញាប់ ហើយពេលវង្វេងម្តងៗ តែងតែធ្វើបាបខ្លួនឯង ហើយចុងក្រោយនេះ គឺវង្វេងទៅចងកសម្លាប់ខ្លួនបែបនេះតែម្តង ។
ចែករំលែកព័តមាននេះ