រាជធានីភ្នំពេញ ៖ ជាការពិតណាស់សម្រាប់អ្នកអានអត្ថបទការសែត កោះសន្តិភាព ចង់ដឹងថា តើការបោះឆ្នោតជ្រើសតាំងអ្នកតំណាងរាស្ត្រ អាណត្តិទី៦ រដ្ឋសភា ឆ្នាំ២០១៨ តើប្រធានគណបក្សនយោបាយចំនួន២០នោះនឹងឈរឈ្មោះនៅមណ្ឌលរាជធានីខេត្តណាខ្លះ?…
រាជធានីភ្នំពេញ ៖ ជាការពិតណាស់សម្រាប់អ្នកអានអត្ថបទការសែត កោះសន្តិភាព ចង់ដឹងថា តើការបោះឆ្នោតជ្រើសតាំងអ្នកតំណាងរាស្ត្រ អាណត្តិទី៦ រដ្ឋសភា ឆ្នាំ២០១៨ តើប្រធានគណបក្សនយោបាយចំនួន២០នោះនឹងឈរឈ្មោះនៅមណ្ឌលរាជធានីខេត្តណាខ្លះ? ។
ពេលនេះ កោះសន្តិភាព សូមលើកយកប្រធានគណបក្សនយោបាយដែលត្រូវបានគណៈកម្មាធិការជាតិរៀបចំការបោះឆ្នោងទទួលស្គាល់ជាផ្លូវការចំនូន១៨ គិតត្រឹមថ្ងៃទី២២ ខែឧសភា មកជម្រាបជូនអ្នកអានទាំងអស់គ្នាឲ្យបានដឹងនៅថ្ងៃនេះ ។
បើតាមលោក សោម សូរីដា អគ្គលេខាធិការង គ.ជ.ប បានឲ្យដឹងថា ប្រធានគណបក្សចំនួន១៦បានឈរឈ្មោះនៅមណ្ឌលផ្សេងគ្នាដែលមានដូចជា មណ្ឌលរាជធានីភ្នំពេញ, ខេត្តកណ្ដាល, ខេត្តកំពង់ចាម, ខេត្តព្រៃវែង, ខេត្តកំពង់ស្ពឺ, ខេត្តត្បូងឃ្មុំ, ខេត្តបន្ទាយមានជ័យ, ខេត្តកណ្ដាល, និងខេត្តមួយចំនួនទៀតដែរ ប្រធានគណបក្សទាំង១៦ដែលឈរឈ្មោះមានដូចខាងក្រោម ៖
១. សម្ដេចក្រុមព្រះ នរោត្តម រណឫទ្ធិ ព្រះប្រធានគណបក្ស ហ្វ៊ុនស៊ិនប៉ិច ឈរឈ្មោះនៅមណ្ឌលខេត្តកំពង់ចាម លេខរៀងទី១ ។
២.សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា ឈរឈ្មោះនៅ មណ្ឌលខេត្តកណ្ដាល លេខរៀងទី១ ។
៣. លោក សឹង្ហ គិរី ប្រធានគណបក្សខ្មែររួបរួមជាតិ ឈរឈ្មោះនៅមណ្ឌលខេត្តបន្ទាយមានជ័យ លេខរៀងទី២ (សូមបញ្ជាក់ថា គណបក្សខ្មែររួបរួមជាតិ គ្រោងនឹងធ្វើសមាជជ្រើសតាំងលោក ញឹក ប៊ុនឆៃ ឡើងធ្វើជាប្រធានគណបក្សវិញ បន្ទាប់ពីលោកត្រូវបានតុលាការដោះលែងកាលពី ពេលថ្មីៗកន្លងទៅ ។ លោក ញឹក ប៊ុនឆៃ បានឈរឈ្មោះនៅមណ្ឌលខេត្តបន្ទាយមានជ័យ លេខរៀងទី១) ។
៤. លោក ម៉ម សូណង់ដូ ប្រធានគណបក្ស សំបុកឃ្មុំសង្គមប្រជាធិបតេយ្យ ឈរឈ្មោះនៅមណ្ឌលខេត្តព្រៃវែង លេខរៀងទី១ ។
៥. លោក យ៉េង វីរៈ ប្រធានគណបក្សប្រជាធិបតេយ្យមូលដ្ឋាន ឈរឈ្មោះនៅមណ្ឌលខេត្តកំពង់ស្ពឺ លេខរៀងទី១ ។
៦. លោក ហួន រាជចំរើន ប្រធានគណបក្សខ្មែរអភិវឌ្ឍន៍សេដ្ឋកិច្ច ឈរឈ្មោះនៅមណ្ឌលខេត្តកណ្ដាល លេខរៀងទី១ ។
៧. លោក ពេជ្រ ស្រស់ ប្រធានគណបក្សយុវជនកម្ពុជា ឈរឈ្មោះនៅមណ្ឌលខេត្តត្បូងឃ្មុំ លេខរៀងទី១ ។
៨. លោក សេង សុខេង ប្រធានគណបក្សសញ្ជាតិកម្ពុជា ឈរឈ្មោះនៅមណ្ឌលខេត្តកំពង់ចាម លេខរៀងទី១ ។
៩. លោក ច័ន្ទ ប៊ុនហន ប្រធានគណបក្សមាតុភូមិ យើងឈរឈ្មោះនៅមណ្ឌលខេត្តព្រៃវែង លេខរៀងទី១ ។
១០. លោកស្រី ពោធិតី សាវត្ថី ប្រធានគណបក្សធម្មាធិបតេយ្យ ឈរឈ្មោះនៅមណ្ឌលរាជធានីភ្នំពេញ លេខរៀងទី១ ។
១១. លោក នួន សុខាវី ប្រធានគណបក្សពន្លឺថ្មី ឈរឈ្មោះនៅមណ្ឌលរាជធានីភ្នំពេញ លេខរៀងទី១ ។
១២. លោក កែម រិទ្ធិសិត ប្រធានគណបក្សខ្មែរតែមួយ ឈរឈ្មោះនៅមណ្ឌលខេត្តតាកែវ លេខរៀងទី១ ។
១៣. លោក គង់ មុនីកា ប្រធានគណបក្សឆន្ទៈខ្មែរ ឈរឈ្មោះនៅមណ្ឌលភ្នំពេញ លេខរៀងទី១ ។
១៤. លោក រដ្ឋ យឿនវិឆ័យ ប្រធានគណបក្សខ្មែរសាធារណរដ្ឋ ឈរឈ្មោះនៅមណ្ឌល ភ្នំពេញ ឈរលេខរៀងទី៣ ។
១៥. លោក ស្រ៊ូយ ខេត ប្រធានគណបក្សជនជាតិដើមប្រជាធិបតេយ្យកម្ពុជា ឈរឈ្មោះនៅ មណ្ឌលខេត្តមណ្ឌលគិរី ខេត្តរៀងទី១ ។
១៦. លោក ស៊ិន សុភាព ប្រធានគណបក្សរស្មីខេមករា មណ្ឌលខេត្តកំពង់ស្ពឺ ឈរលំដាក់លេខរៀងលេខទី១ ។
ចំណែកប្រធានគណបក្សទាំង៤ដែលមិនឈរឈ្មោះបោះឆ្នោតមានដូចខាងក្រោម ទី១-លោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ, ទី២-លោក ក្រវ៉ាញ ដារ៉ន ប្រធាន គណបក្សខ្មែរឈប់ក្រ, ទី៣-លោក ស្រី សុខរ័ត្ន សុវណ្ណបច្ចៈសីលា ប្រធានគណបក្សសាធារណរដ្ឋ ប្រជាធិបតេយ្យ និងលោក សុខសុវណ្ណ វឌ្ឍនាសាប៊ុង ប្រធានគណបក្សខ្មែរក្រោក ។
សូមបញ្ជាក់ថា ការបោះឆ្នោតជ្រើសតាំងអ្នកតំណាងរាស្ត្រអាណត្តិទី៦មានគណបក្ស នយោបាយចំនួន២០បានចុះបញ្ជីឈរឈ្មោះបេក្ខជនគណៈក ម្មាធិការជាតិរៀបចំការបោះឆ្នោត ដោយរហូតមកដល់ថ្ងៃទី២៣ ខែឧសភា ឆ្នាំ២០១៨ គ.ជ.ប បានទទួលស្គាល់១៨គណបក្សនយោបាយហើយ នៅសល់តែពីរគណបក្សនយោបាយប៉ុណ្ណោះគឺគណបក្សខ្មែរសាធារណរដ្ឋ និងគណបក្សជនជាតិដើមប្រជាធិបតេយ្យកម្ពុជា ។
គ.ជ.ប បានធ្វើលិខិតទៅគណបក្សទាំង២ដើម្បីស្នើសុំបំពេញឲ្យគ្រប់លក្ខខណ្ឌដោយទុករយៈពេល៥ថ្ងៃសម្រាប់គណបក្សនីមួយៗចាប់តាំបីថ្ងៃទី២១ ខែឧសភា មកម្ល៉េះ ៕
ចែករំលែកព័តមាននេះ