ខេត្តកំពត ៖ បុរសម្នាក់មានប្រពន្ធ និងកូនដល់ទៅ៣នាក់ហើយ បានប៉ងប៉ងចាប់ក្មេងស្រី២នាក់រំលោភ តែមិនបានសម្រេច ហើយត្រូវបាននគរបាលស្រុកឃាត់ខ្លួនកាលពីថ្ងៃទី21 ខែឧសភា ឆ្នាំ២០១៨ ហើយបញ្ជូនទៅកាន់ស្នងការដ្ឋាននគរបាលខេត្តកំពត។…
ខេត្តកំពត ៖ បុរសម្នាក់មានប្រពន្ធ និងកូនដល់ទៅ៣នាក់ហើយ បានប៉ងប៉ងចាប់ក្មេងស្រី២នាក់រំលោភ តែមិនបានសម្រេច ហើយត្រូវបាននគរបាលស្រុកឃាត់ខ្លួនកាលពីថ្ងៃទី21 ខែឧសភា ឆ្នាំ២០១៨ ហើយបញ្ជូនទៅកាន់ស្នងការដ្ឋាននគរបាលខេត្តកំពត។
បុរសសង្ស័យខាងលើនេះឈ្មោះ បេង រឹម អាយុ38ឆ្នាំ មានប្រពន្ធ និងកូន3នាក់ រស់នៅនៅភូមិអូស្លែង ឃុំដំណាក់កន្ទួតខាងជើង ស្រុកកំពង់ត្រាច ចំណែកក្មេងស្រីរងគ្រោះម្នាក់អាយុ១២ឆ្នាំ និងម្នាក់ទៀតអាយុ១២ឆ្នាំ ទាំង២នាក់ត្រូវជាបងប្អូនជីដូនមួយនឹងគ្នា។
លោកប្រធានការិយាល័យនគរបាលព្រហ្មទណ្ឌកំរិតធ្ងន់ប្រាប់ឱ្យដឹងថា មុនកើតហេតុ នៅថ្ងៃទី15 ឧសភា ជនសង្ស័យបានទៅប៉ុនប៉ងរំលោភក្មេងស្រីអាយុ12ឆ្នាំនៅជិតផ្ទះជនរងគ្រោះ ដោយបុរសរូបនោះបានប្រើឱ្យក្មេងស្រីស្រាតខោអាវចេញ រួចធ្វើសកម្មភាពរំលោភជនរងគ្រោះ តែជនរងគ្រោះស្រែកខ្លាំងពេក ទើបជននោះត្រឡាប់មកផ្ទះវិញ ខណៈពេលម្ដាយឪពុកជនរងគ្រោះទៅចំការ ហើយពេលម្ដាយឪពុកគេត្រទ្បប់មកផ្ទះវិញ ក៏ជនរងគ្រោះមិនបាននិយាយរឿងរ៉ាវប្រាប់ម្ដាយរបស់គេដែរ។
លោកប្រធានការិយាល័យបន្តថា លុះនៅថ្ងៃទី20 ឧសភា ជនសង្ស័យរូបនោះបានទៅផ្ទះក្មេងស្រីម្នាក់ទៀតត្រូវបងប្អូនជីដូនមួយនឹងក្មេងស្រីខាងលើ ជនសង្ស័យនេះបានប្រើវិធីដូចមុន ដោយឱ្យស្រាតខោអាវដូចក្មេងស្រីរងគ្រោះខាងលើដែរ ហើយក៏ចាប់ផ្តើមធ្វើសកម្មភាព តែពេលនោះជនរងគ្រោះបានយកដបប្រេងក្រឡាគប់ចំក្ដោងច្រមុះជនសង្ស័យ ហើយជនសង្ស័យក៏ត្រទ្បប់មកផ្ទះវិញទៀត រហូតដល់ល្ងាចពេលម្ដាយឪពុកក្មេងស្រីរងគ្រោះត្រទ្បប់មកស្រែវិញ ស្រាប់តែឃើញកូនយំក៏សួរនាំ ទើបបែកធ្លាយរឿងតែម្ដងទៅ។
លោកបានប្រាប់បន្តថា ក្រោយកើតហេតុ ជនសង្ស័យត្រូវបាននគរបាលឃាត់ខ្លួនមកសួរនាំ ហើយជនសង្ស័យឆ្លើយសារភាពប្រាប់ថា «ខ្លួនពិតជាឱ្យក្មេងស្រីរងគ្រោះទាំង2នាក់ធ្វើបែបនេះមែន»។ រហូតដល់ព្រឹកថ្ងៃទី២៣ ឧសភា ជនសង្ស័យនេះត្រូវបាននគរបាលខេត្តបញ្ជូនទៅកាន់តុលាការដើម្បីចាត់ការតាមច្បាប់៕
ចែករំលែកព័តមាននេះ