ខេត្តក្រចេះ ៖ សេចក្តីរាយការណ៍ឱ្យដឹងថា ជនកំណាចជាចៅចឹញ្ចឹមម្នាក់ បានយកពូថៅទៅកាប់ជីតារបស់ខ្លួនស្លាប់ភ្លាមៗនៅនឹងកន្លែង ដោយគ្រាន់តែក្នុងទំនាស់រឿងស្នួលហាលខោអាវ ហើយជននេះត្រូវកម្លាំងនគរបាលក្រុងក្រចេះចាប់ខ្លួន វេលាម៉ោង០៥ និង១៧ល្ងាចថ្ងៃទី២២ ឧសភា…
ខេត្តក្រចេះ ៖ សេចក្តីរាយការណ៍ឱ្យដឹងថា ជនកំណាចជាចៅចឹញ្ចឹមម្នាក់ បានយកពូថៅទៅកាប់ជីតារបស់ខ្លួនស្លាប់ភ្លាមៗនៅនឹងកន្លែង ដោយគ្រាន់តែក្នុងទំនាស់រឿងស្នួលហាលខោអាវ ហើយជននេះត្រូវកម្លាំងនគរបាលក្រុងក្រចេះចាប់ខ្លួន វេលាម៉ោង០៥ និង១៧ល្ងាចថ្ងៃទី២២ ឧសភា ក្រោយពីរត់គេចខ្លួនបានមួយថ្ងៃ ។ ជនដៃដល់ឈ្មោះលីម ណារ៉ុង អាយុ៣៣ឆ្នាំ រីឯជីតារងគ្រោះឈ្មោះធូ ឈីម អាយុ៦៨ឆ្នាំ ស្លាប់ក្រោយបញ្ជូនទៅសង្គ្រោះ ។
ប្រភពបន្តថា ជនដៃដល់បានមករស់នៅជាមួយជីតាចិញ្ចឹមនៅក្នុងសង្កាត់ក្រគរ ក្រុងក្រចេះ ។ នៅថ្ងៃកើតហេតុទី២១ ឧសភា ជននោះបានបោកគក់ខោអាវ និងបានចងស្នួលហាលខោអាវកាត់ពីមុខផ្ទះ ។ ហើយត្រូវជីតា (ជនរងគ្រោះ) បានស្តីបន្ទោសជននោះ ។ ស្រាប់តែខឹងបានរត់យកពូថៅវាយចំក្បាលខាងក្រោយបណ្តាលឱ្យប្រកាច់ដួលសន្លប់ស្តូក ។ ក្រោយបង្កហេតុរួច ជនដៃដល់បានរត់គេចខ្លួន ហើយត្រូវកម្លាំងនគរបាលក្រុងក្រចេះ ធ្វើការស្រាវជ្រាវរហូតចាប់ខ្លួនបានតែម្តង ។
បើតាមអ្នកភូមិក្បែរបាននិយាយថា ជនដៃដល់ត្រូវបានបុរសវ័យចំណាស់រងគ្រោះ យកពីក្មួយស្រីដែលស្លាប់មកចិញ្ជឹមតាំងពីតូច។ តែមិនគួរណា តបស្នងសងគុណដល់អ្នកដែលមានគុណបែបនេះសោះ ។
ចែករំលែកព័តមាននេះ