ប្រទេសរុស្ស៊ី ៖ តាមសារព័ត៌មានរបស់កងនាវាចរណ៍ខាងជើងរុស្សី ប្រកាសនាថ្ងៃទី២២ឧសភា ថា មីស៊ីល BOULAVA ៤គ្រាប់ត្រូវបានបាញ់សាកល្បងប្រកបដោយជោគជ័យចេញពីនាវាមុជទឹកនុយក្លេអ៊ែរ IOURI DOLGOROUKI ដែលស្ថិតក្នុងសមុទ្រ.ស។ ការបាញ់សាកល្បងនេះសំដៅទៅរកគោលដៅមួយនៅគូរ៉ា តំបន់កាមឆាត់កា។
ការបាញ់សាកល្បងនេះ ធ្វើឡើងពេលនាវាមុជទឹកកំពុងស្ថិតក្នុងទឹក។ នេះជាលើកដំបូងដែលនាវាមុជទឹកមួយបាញ់មីស៊ីល៤គ្រាប់ជាប់ៗគ្នា។ ពេលបាញ់សាកល្បងគ្រាប់មីស៊ីលទាំងអស់ធ្លាក់ចំគោលដៅកំណត់។
នាវាមុជទឹក IOURI DOLGOROUKI ធ្លាប់បាញ់សាកមីស៊ីល BOULAVA កាលពីថ្ងៃទី២៦មិថុនា ឆ្នាំ២០១៧ ចេញពីសមុទ្របារ៉ែន។ វាជានាវាមុជទឹកនុយក្លេអ៊ែរដំបូងគេដាក់ឲ្យកងម៉ារីនប្រើប្រាស់៕
ចែករំលែកព័តមាននេះ