ពេជ្រ សោភា យំស្តាយបាត់បង់បុរសល្អម្នាក់
- ភ្នំពេញ
រាជធានីភ្នំពេញ ៖ បើទោះបីជាឪពុករបស់តារាចម្រៀងពេជ្រ សោភា ចែកឋានច្រើនខែកន្លងផុតទៅមែន តែអ្នកនាងពេជ្រ សោភានៅមិនទាន់បាត់ការនឹករលឹក អាឡោះអាល័យទេ ។ កាលពីរសៀលថ្ងៃទី២០…
រាជធានីភ្នំពេញ ៖ បើទោះបីជាឪពុករបស់តារាចម្រៀងពេជ្រ សោភា ចែកឋានច្រើនខែកន្លងផុតទៅមែន តែអ្នកនាងពេជ្រ សោភានៅមិនទាន់បាត់ការនឹករលឹក អាឡោះអាល័យទេ ។ កាលពីរសៀលថ្ងៃទី២០…
រាជធានីភ្នំពេញ ៖ បើទោះបីជាឪពុករបស់តារាចម្រៀងពេជ្រ សោភា ចែកឋានច្រើនខែកន្លងផុតទៅមែន តែអ្នកនាងពេជ្រ សោភានៅមិនទាន់បាត់ការនឹករលឹក អាឡោះអាល័យទេ ។
កាលពីរសៀលថ្ងៃទី២០ ឧសភា ឆ្នាំ២០១៨ អ្នកនាងពេជ្រ សោភា បានបង្ហាញវត្តមានក្នុងកម្មវិធីប្រគំតន្ត្រីផ្សាយផ្ទាល់របស់ទូរទស្សន៍ប៉ុស្តិ៍លេខ៥ ជាមួយបទចម្រៀងមនោសញ្ចេតនា និងបទញាក់ទាន់សម័យ ។ អ្វីដែលបានធ្វើឱ្យទាក់ទាញអារម្មណ៍ទស្សនិកជននោះ ពេជ្រ សោភា ស្រាប់តែបើកកកាយរឿងជីវិតរបស់នាងដែលបាត់បង់លោកឪពុក បើទោះជាពេលវេលារំលងច្រើនខែក្តី ។
ពេជ្រ សោភា និយាយនៅលើឆាកទាំងអួលដើមកថា «រហូតមកទល់ពេលនេះនាងខ្ញុំនៅមិនទាន់ជឿថានាងខ្ញុំអត់ឪពុកទេ ។ ពុករបស់នាងខ្ញុំចិត្តដាច់ណាស់ ជួយថែរក្សានាងខ្ញុំត្រឹមអាយុ២៤ ឬ២៥ឆ្នាំក៏ទៅចោល ។ ពេលនេះនាងខ្ញុំអាចធ្វើអ្វីៗបាន ជីវិតមានសព្វបែបយ៉ាង តែខ្វះអារម្មណ៍កក់ក្តៅចំពោះលោកឪពុក ។ នាងខ្ញុំអាចមានថ្ងៃធ្វើចំពោះពាក្យថ្ងៃគុណម្តាយ តែពេលនេះនាងខ្ញុំមិនអាចធ្វើអំពើល្អចំពោះពាក្យគុណឪពុកបាន។ នាងខ្ញុំទទួលស្គាល់រវាងម្តាយនិងឪពុកនាងខ្ញុំដក់ចិត្តលើលោកឪពុកជាង ព្រោះគាត់លំបាកណាស់ធ្វើការច្រើន ធ្វើសំណង់ធ្លាក់ពីលើអគារក៏ឃើញដើម្បីគ្រួសារ ។
មូលហេតុបែបនេះហើយនៅពេលយើងសុខសាន្ត មានលទ្ឋភាពគឺបាត់បុរសល្អម្នាក់នោះ ។ រាល់ពេលនៅម្នាក់ឯងនាងខ្ញុំចេះតែឆ្លងឆ្លើយទៅលោកឪពុកថានៅកន្លែងថ្មីលំបាកអត់ ក្តៅឬត្រជាក់ បានអ្នកណាមើលថែប៉ាឯងអត់….! ។ ដូចនេះសម្រាប់ឆ្នាំថ្មីនាងខ្ញុំសន្យាថានឹងខំសរសេរនិពន្ឋចម្រៀងមួយបទដែលនិយាយពីគុណឪពុកពិសេសសាច់រឿងដែលពាក់ព័ន្ឋជាមួយជីវិតនាងខ្ញុំ និងលោកមានគុណ ។
អ្វីដែលនាងខ្ញុំសំណូមពរចង់ឱ្យយុវវ័យត្រូវគោរពស្រឡាញ់អ្នកមានគុណធ្វើអ្វីដែល ល្អៗពេលវេលាសំខាន់ណាស់បើរំលងទៅហើយមិនបានតបអ្វី ល្អៗពិតជាស្តាយណាស់» ។
អ្នកនាងពេជ្រ សោភា បញ្ជាក់ដែរថា ហេតុផលនៃការនិពន្ធបទចម្រៀងបែកបាក់ស្នេហា ហើយច្រៀងនៅទូរទស្សន៍ប៉ុស្តិ៍លេខ៥ គឺដោយសារតែចង់ច្រៀងឲ្យត្រូវអារម្មណ៍អ្នកគាំទ្រប៉ុណ្ណោះ ។ ទាក់ទងនឹងរឿងរ៉ាវស្នេហារបស់នាងជាមួយលោកឆឹម សក្កដា វិញ ពេជ្រ សោភា និយាយថា វានៅតែដដែល បើទោះជាមួយរយៈចុងក្រោយមិនសូវផ្អែមល្ហែមដូចមុនក្តី ។ នាងថាបទចម្រៀង «ស្រីចាស់» និងបទ «ផ្លូវ២» ដែលរៀបរាប់ពីការប្រេះស្រាំស្នេហា ប៉ុន្តែអត្ថន័យសម្រាប់បទចម្រៀង មិនពាក់ព័ន្ធនឹងភាពស្ងប់ស្ងាត់ជាមួយលោកឆឹម សក្កដា នោះទេ ។
អ្នកនាងពេជ្រ សោភា ថា រវាងលោក សក្កដា និងនាង អត់ខ្វល់ពីភាពស្អិតរមួតដូចស្នេហា ក្មេងៗនោះទេ ប៉ុន្តែមុខសញ្ញាសំខាន់ គឺប្រឹងរកលុយដើម្បីផលប្រយោជន៍រៀងខ្លួន ។ ពួកនាងមិនទាន់មានដំណឹងល្អទេ ដរាបណាភាគីម្ខាងៗ មិនទាន់មានលុយគ្រប់គ្រាន់ ៕
ចែករំលែកព័តមាននេះ