ការហាត់ប្រាណទៀងទាត់អាចបន្ថយការប្រឈមនឹងជំងឺបាក់ទឹកចិត្ត ដោយមិនខ្វល់ថាអ្នកអាយុប៉ុន្មាន ឬរស់នៅកន្លែងណាឡើយ ។ តាមការសិក្សាថ្មីបានឲ្យដឹងថា ក្រុមស្រាវជ្រាវអន្តរជាតិមួយក្រុមបានវិភាគទៅលើទិន្នន័យបានមកពីការសិក្សាចំនួន៤៩ ដែលរួមមានមនុស្សជាង២៥៧០០០នាក់ ក្នុងប្រទេសអាមេរិកខាងជើង អឺរ៉ុប និងអូសេអាណី ។
អ្នកចូលរួមសិក្សានេះមិនមានជំងឺផ្លូវចិត្តអ្វីទាំងអស់ ហើយក៏ត្រូវបានគេតាមដានសុខភាពជាមធ្យមច្រើនជាង៧ឆ្នាំដែរ ។
ការដែលមានសកម្មភាពផ្លូវកាយកម្រិតខ្ពស់មានជាប់ទាក់ទងនឹងការបន្ថយការប្រឈមនឹងជំងឺបាក់ទឹកចិត្តលើមនុស្សគ្រប់វ័យក្នុងពេលតាមដាននេះ ។ ប៉ុន្តែការសិក្សាថ្មីនេះមិនបានបង្កើតឡើងដើម្បីអះអាងថា ការហាត់ប្រាណពិតជាធ្វើឲ្យការប្រឈមនឹងជំងឺបាក់ទឹកចិត្តថយចុះឡើយ ។
អំណះអំណាងគឺច្បាស់ត្រង់ថា អ្នកដែលរស់នៅកាន់តែសកម្មរាងកាយ កាន់តែបន្ថយការកើតជំងឺបាក់ទឹកចិត្ត ។ យើងក៏បានមើលថាតើឥទ្ធិពលបែបនេះកើតឡើងលើមនុស្សក្នុងវ័យខុសគ្នា និងប្រទេស ខុសៗគ្នា និងលទ្ធផលច្បាស់ ឬអត់ដែរ ។ បើយើងមិនគិតទៅលើអាយុ ឬកន្លែងដែលរស់នៅ សកម្មភាពរាងកាយអាចបន្ថយការប្រឈមនឹងជំងឺបាក់ទឹកចិត្តនៅថ្ងៃក្រោយបាន ។
ទោះបីជាយ៉ាងណាក៏ដោយ ការសិក្សាស្រាវជ្រាវបន្ថែមត្រូវតែធ្វើដើម្បីកំណត់ដឹងថា ការដែលហាត់ប្រាណតិចតួចបំផុតអាចបន្ថយការប្រឈមមុខដែរ ឬអត់ ហើយការហាត់ប្រាណប្រភេទណា និងចំនួនសកម្មភាពច្រើនប៉ុនណាដែលមានប្រសិទ្ធភាពបំផុត៕
ស្រង់ពីគេហទំព័រសុខភាព
ចែករំលែកព័តមាននេះ