រាជធានីភ្នំពេញ ៖ ជនសង្ស័យចំនួន៣នាក់ត្រូវបានកម្លាំងនគរបាលប៉ុស្តិ៍ទំនប់ទឹកឃាត់ខ្លួនយកទៅសាកសួរ បន្ទាប់ពីឆែកឆេររកឃើញនូវឧបករណ៍សំរាប់កាច់.កម៉ូតូ និងឆ្កឹះសោរមួយឈុត នៅវេលាម៉ោង១រំលងអធ្រាត្រឈានចូល ថ្ងៃទី២៣ ខែឧសភា ឆ្នាំ២០១៨ ទុលមុខផ្ទះលេខ៦D…
រាជធានីភ្នំពេញ ៖ ជនសង្ស័យចំនួន៣នាក់ត្រូវបានកម្លាំងនគរបាលប៉ុស្តិ៍ទំនប់ទឹកឃាត់ខ្លួនយកទៅសាកសួរ បន្ទាប់ពីឆែកឆេររកឃើញនូវឧបករណ៍សំរាប់កាច់.កម៉ូតូ និងឆ្កឹះសោរមួយឈុត នៅវេលាម៉ោង១រំលងអធ្រាត្រឈានចូល ថ្ងៃទី២៣ ខែឧសភា ឆ្នាំ២០១៨ ទុលមុខផ្ទះលេខ៦D ផ្លូវ៤០២ សង្កាត់ទំនប់ទឹក ខណ្ឌចំការមន ។
ជនសង្ស័យដែលត្រូវសមត្ថកិច្ចឃាត់ខ្លួនមានឈ្មោះ ទី១-ឈ្មោះ ជា ហេង ភេទប្រុស អាយុ៣៣ឆ្នាំ មុខរបរអូសបន្លែនៅផ្សារដើម.គ ស្នាក់នៅផ្សាដើម.គ, ទី២-ឈ្មោះ សួស រ៉េត ភេទប្រុស អាយុ២៩ឆ្នាំ មុខរបរអូសបន្លែនៅផ្សារដើម.គ ស្នាក់នៅខាងក្រោយមន្ទីរពេទ្យរុស្ស៊ី និងទី៣-ឈ្មោះ សំរឹត ទូ ភេទប្រុស អាយុ៣២ឆ្នាំ មុខរបរមិនពិតប្រាកដ ស្នាក់នៅសង្កាត់ផ្សារដើមថ្កូវ ខណ្ឌចំការមន ។ ដកហូតបានឧបករណ៍សំរាប់កាច់.កម៉ូតូ និងឆ្កឹះសោមួយឈុត និងម៉ូតូម៉ាក YAMAHA FZ ពណ៌ស ពាក់ស្លាកលេខ ភ្នំពេញ ១BA-១១២៨ មួយគ្រឿង ។
តាមសម្តីលោក ផន សំអូន មេប៉ុស្តិ៍ទំនប់ទឹកបានឱ្យដឹងថា មុននឹងឈានទៅដល់ការឃាត់ខ្លួនជនសង្ស័យទាំងនោះបានកម្លាំងសមត្ថកិច្ចបានធ្វើការល្បាតក្នុងមូលដ្ឋានដើម្បីទប់ស្កាត់បទល្មើសផ្សេងៗ និងការពារសុវត្ថិភាពជូនប្រជាពលរដ្ឋ ខណៈមកដល់ផ្លូវ៤៣០ក្រោយនឹងមន្ទីពេទ្យមិត្តភាពខ្មែរ-សូវៀត(ពេទ្យរុស្ស៊ី)ក៏ប្រទះឃើញបុរស៣នាក់ខាងលើបានជិះម៉ូតូធន់ធំជិះចុះជិះឡើងក្នុងមូលដ្ឋានរបស់គាត់គួរឲ្យសង្ស័យកម្លាំងសមត្ថកិច្ចបានជិះម៉ូតូដេញតាមបុរសទាំង៣នាក់នោះដើម្បីសុំធ្វើការត្រួតពិនិត្យតែក្រុមបុរសបីនាក់នោះបានជិះម៉ូតូបំរុងគេចខ្លួនរហូតដល់ផ្លូវ៤០២ ទុលមុខផ្ទះលេខ៦D ក៏ត្រូវសមត្ថកិច្ចឃាត់ខ្លួនបាន និងសុំធ្វើការត្រួតពិនិត្យឆែកឆេរស្រាប់តែរកឃើញឧបករណ៍សំរាប់កាច់.កម៉ូតូ និងឆ្កឹះសោមួយឈុតដែលជនសង្ស័យបានលាក់ទុកក្នុងកែបម៉ូតូទើបនាំខ្លួនយកទៅធ្វើការសាកសួរនៅប៉ុស្តិ៍នគរបាលទំនប់ទឹកតែម្តង ។
នៅចំពោះមុខសមត្ថកិច្ចជនសង្ស័យទាំង៣នាក់បានសារភាពថា ឧបករណ៍សំរាប់កាច់.ក
ម៉ូតូ និងឆ្កឹះសោរមួយឈុតនោះគឺពិតជារបស់ពួកគេពិតប្រាកដមែន ។ ក្រោយពេលកើតហេតុបន្ទាប់ពីសាកសួររួចហើយជនសង្ស័យព្រមទាំងវត្ថុតាំងត្រូវបានសមត្ថកិច្ចកសាងសំណុំរឿងបញ្ជួនខ្លួនទៅអធិការដ្ឋានខណ្ឌចំការមនដើម្បីចាត់ការបន្តតាមនីតិវិធី ៕
ចែករំលែកព័តមាននេះ