រាជធានីភ្នំពេញ ៖ ជនជាតិចិនប្រមាណជា៤ទៅ៥នាក់បានដើរឆ្លងស្តុបគោលបំណងចូលក្នុងសណ្ឋាគារ ត្រូវក្រុមចោរចំនួន២ម៉ូតូធ្វើសកម្មភាពឆក់កាបូបបានសម្រេចអស់លុយចំនួន១០០០ដុល្លារ និងលិខិតឆ្លងដែនមួយ ។ ហេតុការណ៍នេះបានកើតឡើងកាលពីវេលាម៉ោង៩និង៣០នាទីយប់ថ្ងៃទី២២ ខែឧសភា ឆ្នាំ២០១៨ តាមបណ្តោយផ្លូវព្រះមុនីវង្ស…
រាជធានីភ្នំពេញ ៖ ជនជាតិចិនប្រមាណជា៤ទៅ៥នាក់បានដើរឆ្លងស្តុបគោលបំណងចូលក្នុងសណ្ឋាគារ ត្រូវក្រុមចោរចំនួន២ម៉ូតូធ្វើសកម្មភាពឆក់កាបូបបានសម្រេចអស់លុយចំនួន១០០០ដុល្លារ និងលិខិតឆ្លងដែនមួយ ។ ហេតុការណ៍នេះបានកើតឡើងកាលពីវេលាម៉ោង៩និង៣០នាទីយប់ថ្ងៃទី២២ ខែឧសភា ឆ្នាំ២០១៨ តាមបណ្តោយផ្លូវព្រះមុនីវង្ស នៅចំណុចសណ្ឋាគារអេស៊ាភេលេស ស្ថិតនៅក្នុងសង្កាត់វាលវង់ ខណ្ឌ៧មករា ។
សាក្សីដែលឃើញហេតុការណ៍បានឱ្យដឹងថា មុនពេលកើតហេតុ គេបានឃើញបុរសជនជាតិចិន៤ទៅ៥នាក់កំពុងតែដើរឆ្លងស្តុប នៅផ្លូវព្រះមុនីវង្សមិនទាន់ឆ្លងផ្លូវផុតផងនោះ ក៏ស្រាប់តែមានជនសង្ស័យ៤នាក់ជិះម៉ូតូ២គ្រឿង ដោយមួយគ្រឿងម៉ាកហុងដាឌ្រីម ពណ៌ខ្មៅ ជិះគ្នា២នាក់ និងមួយគ្រឿងទៀតមិនចាំម៉ាក បានធ្វើសកម្មភាពឆក់កាបូបជនជាតិចិនចំនួន៤ទៅ៥នាក់បានសម្រេចហើយបើកម៉ូតូរត់គេចខ្លួនបាត់ស្រមោល ធ្វើឲ្យជនជាតិចិនទាំងនោះបានស្រែកឆោឡោពេញផ្លូវ បង្កការភ្ញាក់ផ្អើលដល់សមត្ថកិច្ចខណ្ឌ៧មករា និងនគរបាលស្នងការរាជធានីភ្នំពេញចុះមកពិនិត្យជុំវិញកន្លែងកើតហេតុ ហើយសមត្ថកិច្ចបានសួរនាំ បុរសជនជាតិចិនទាំងនោះបាននិយាយថា នៅក្នុងកាបូបរបស់ពួកគាត់មានលុយចំនួន១០០០ដុល្លារ និងលិខិតឆ្លងដែនចំនួនមួយ ។
ក្រោយពេលកើតហេតុ បុរសជនជាតិចិនទាំងនោះក៏បានទៅដាក់ពាក្យបណ្តឹងដើម្បីអោយសមត្ថកិច្ចតាមស្រាវជ្រាវរកជនសង្ស័យមកផ្តន្ទាទោសទៅតាមផ្លូវច្បាប់ ៕
ចែករំលែកព័តមាននេះ