ហ្នឹងហើយ…លទ្ធផលដែលប្រមាថព្រះមហាក្សត្រ…!
- សៀមរាប
ខេត្តសៀមរាប ៖ គណៈបញ្ជាការឯកភាព ខេត្តសៀមរាប បានឃើញការបង្ហោះតាមប្រព័ន្ធ ហ្វេសប៊ុក (Facebook) កាលពីថ្ងៃទី១៣ ខែឧសភា ឆ្នាំ២០១៨…
ខេត្តសៀមរាប ៖ គណៈបញ្ជាការឯកភាព ខេត្តសៀមរាប បានឃើញការបង្ហោះតាមប្រព័ន្ធ ហ្វេសប៊ុក (Facebook) កាលពីថ្ងៃទី១៣ ខែឧសភា ឆ្នាំ២០១៨…
ខេត្តសៀមរាប ៖ គណៈបញ្ជាការឯកភាព ខេត្តសៀមរាប បានឃើញការបង្ហោះតាមប្រព័ន្ធ ហ្វេសប៊ុក (Facebook) កាលពីថ្ងៃទី១៣ ខែឧសភា ឆ្នាំ២០១៨ ដែលមានគណនីឈ្មោះ (Ban Samphy) បានចែកចាយបន្តនូវរូបភាពរបស់អង្គព្រះមហាក្សត្រ នៃព្រះរាជាណាចក្រកម្ពុជា គឺព្រះបាទនរោត្តម សីហមុនី ក្នុងន័យប្រមាថព្រះចេស្ដារបស់ព្រះអង្គ។ ក្រោយពីបានឃើញការបង្ហោះនោះ គណៈបញ្ជាការឯកភាពខេត្ត បានបញ្ជាឲ្យលោកឧត្តមសេនីយ៍ត្រី ទិត្យ ណារ៉ុង ស្នងការនគរបាលខេត្ត ដាក់កម្លាំងសមត្ថកិច្ចចុះស្រាវជ្រាវជាបន្ទាន់។ រហូតដល់ព្រឹកថ្ងៃទី១៩ ខែឧសភា ឆ្នាំ២០១៨នេះ ផែនសន្តិសុខ នៃស្នងការដ្ឋាននគរបាលខេត្តសៀមរាប បានសហការជាមួយកម្លាំងអធិការដ្ឋាននគរបាល ស្រុកជីក្រែង ក៏បានរកឃើញម្ចាស់គណនី facebook ខាងលើនោះ គឺមានឈ្មោះ បាន សម្ភីរ ភេទប្រុស អាយុ៧០ឆ្នាំ មានមុខរបរជាងកាត់សក់ បច្ចុប្បន្នរស់នៅភូមិពន្លឺព្រះផុស ឃុំកំពង់ក្តី ស្រុកជីក្រែង ខេត្តសៀមរាប។
តាមប្រភពពីសមត្ថកិច្ចជំនាញបានប្រាប់ថា បន្ទាប់ពីបានរកឃើញម្ចាស់គណនី facebook រួចមកកម្លាំងសមត្ថកិច្ចយើង ក៏បានហៅជននោះ មកធ្វើការសាកសួរ នៅអធិការដ្ឋាននគរ បាលស្រុកជីក្រែង ហើយបើតាមចម្លើយរបស់ឈ្មោះ បាន សម្ភីរ បានសារភាពប្រាប់សមត្ថកិច្ចនៅចំពោះមុខថា ៖ កាលពីថ្ងៃទី១៣ ខែឧសភា ឆ្នាំ២០១៨ ខ្លួនដែលជាម្ចាស់គណនីឈ្មោះ (Ban Samphy) ពិតជាបានចែកចាយបន្ត (shared) រូបភាព និងខ្លឹមសារ ដែលមានន័យប្រមាថព្រះមហាក្សត្រ នៅវេលាម៉ោង១៨ និង៤០នាទី ពីហ្វេសប៊ុក ដែលមានគណនី (Khmer Thatcher) ពិតប្រាដកមែន។ ប្រភពបានបញ្ជាក់ថា តាមចម្លើយសារភាព នោះដែរ ឈ្មោះ បាន សម្ភីរ បានបញ្ជាក់ទៀតថា ៖ ការចែកចាយបន្តនេះ មកពីមូលហេតុខ្លួនមិនពេញចិត្ត អង្គព្រះមហាក្សត្រ ដូច្នេះនៅពេលដែលខ្លួនបានឃើញការបង្ហោះរបស់គណនី (Khmer Thatcher) ខ្លួនក៏បានចែកចាយបន្តនូវរូបភាព និងខ្លឹមសារ ក្នុងន័យប្រមាថអង្គព្រះមហាក្សត្រ តែម្ដងទៅ។
សូមបញ្ជាក់ផងដែរថា បើយោងតាម ក្រមព្រហ្មទណ្ឌ នៃព្រះរាជាណាចក្រកម្ពុជា ដែលទើបនឹងត្រូវបានវិសោធនកម្មថ្មីនេះ បានបន្ថែមមាត្រាកំណត់ទោសប្រមាថអង្គព្រះមហាក្សត្រ ត្រង់ជំពូកទី១ មាតិកាទី១ នៃគន្ថីទី៤ មាត្រាស្ទួន៤៣៧ថ្មី ដោយបានចែងថា «ការប្រមាថចំពោះអង្គព្រះមហាក្សត្រ ត្រូវផ្ដន្ទាទោសដាក់ពន្ធនាគារពី០១ឆ្នាំ ទៅ០៥ឆ្នាំ និងពិន័យជាទឹកប្រាក់ពី២លានរៀល ទៅ១០លានរៀល»។ ហើយនៅថ្ងៃអាទិត្យ ៦កើត ខែជេស្ឋ ឆ្នាំច សំរិទ្ធស័ក ព.ស២៥៦២ ត្រូវនឹងថ្ងៃទី២០ ខែឧសភា ឆ្នាំ២០១៨នេះ សាលាដំបូងខេត្តសៀមរាប ចេញដីកាបង្គាប់ឲ្យឃុំខ្លួន បុគ្គលឈ្មោះ បាន សម្ភីរ តាមដីកាលេខ ៦២៥ «ក» ១៨ ចុះថ្ងៃទី២០ ខែឧសភា ឆ្នាំ២០១៨ របស់ចៅក្រមស៊ើបសួរ នៃសាលាដំបូងខេត្តសៀមរាបតែម្តង៕
ចែករំលែកព័តមាននេះ