រាជធានីភ្នំពេញ ៖ តារាសម្តែង និងពិធីការិនីនាងជីជី បានប្រតិកម្មខ្លាំងទៅលើបុគ្គលមួយរូបដែលប្រើប្រាស់រូប និងឈ្មោះរបស់នាងថា ជាស្រីលក់ខ្លួន ។ នាងបានព្រមានចាត់វិធានការតាមផ្លូវច្បាប់ចំពោះជននោះ ។…
រាជធានីភ្នំពេញ ៖ តារាសម្តែង និងពិធីការិនីនាងជីជី បានប្រតិកម្មខ្លាំងទៅលើបុគ្គលមួយរូបដែលប្រើប្រាស់រូប និងឈ្មោះរបស់នាងថា ជាស្រីលក់ខ្លួន ។ នាងបានព្រមានចាត់វិធានការតាមផ្លូវច្បាប់ចំពោះជននោះ ។
ជីជី មិនបានបង្ហើប និងបង្ហាញអត្តសញ្ញាណបុគ្គលម្នាក់នោះជាសាធារណៈនៅឡើយទេ ក្នុងពេលដែលនាងកំពុងដាក់ការសង្ស័យនៅឡើយ បន្ទាប់ពីនាងទើបតែបានទទួលដំណឹងមួយនេះពីមិត្តភក្តិ ។
នាពេល ថ្មីៗកន្លងមក ជីជីបានប្រតិកម្មចំពោះបញ្ហានោះតាមរយៈសារដែលបានបង្ហោះថា «ពួកអាគ្មានខួរយកឈ្មោះខ្ញុំទៅលក់ខ្លួន ប្រយ័ត្នតាមទាន់ទះកំផ្លៀងញាត់គុក ពួកអាខ្ទើយម៉ែយ៉ែមថោកទាប ដើរបំផ្លាញឈ្មោះគេ កុំភ្លេចថាកម្មពៀរវាមាន ចង់ជួបណាស់ម្នាក់ស្រីដែលមុខដូចជីជីហ្នឹង ជួបចាប់ទះកំផ្លៀងថតផុសFacebook ហ្មង ខ្លាំងដៃណាស់មីនាង លក់ខ្លួនឯងសោះយកឈ្មោះគេទៅលាបថោកហួស »។
បន្ទាប់ពីជីជី បង្ហោះសារនេះរួចមក តារាសម្តែងនាងឌួង ហ៊្សូរីដា ក៏បានចូលរួមជាយោបល់ ដោយបានស្នើឲ្យតារារូបនេះដាក់ពាក្យបណ្តឹង ខណៈពេលដែលនាងក៏ធ្លាប់ជួបរឿងនេះដូចគ្នា ។
ឌួង ហ៊្សូរីដា បានសរសេរថា «ដូចករណីបង ៧ឆ្នាំមុន ប្តឹងទុកជាឯកសារនៅក្រសួងមហាផ្ទៃទៅ ។ បងធ្លាប់បង្ក្រាបពួកហ្នឹងឱ្យស្ងាត់ម្តងហើយ ពួកអ្នកយកឈ្មោះតារាដាក់ស៊ុមរូបថត ដាក់តម្លៃ ។ ដឹងច្បាស់អ៊ីចឹង ប្តឹងប៉ូលិសឲ្យកោះហៅណែនាំម្តងទៅ »។
ជាការឆ្លើយតបជីជី បាននិយាយថា«ម្នាក់ស្រីហ្នឹងគេថាមុខស្រដៀងខ្ញុំបង ហើយវាដើរយកឈ្មោះខ្ញុំទៅលក់ដេកមួយគេ ហើយមានអាម៉ែយ៉ែមមួយអ្នកនាំ គេប្រាប់ តែមិនទាន់ច្បាស់គ្រាន់ដឹង ខ្លះៗ »។
ចាត់ទុកថានេះជាករណីថ្មីមួយទៀតដែលបានកើតឡើងចំពោះតារាសម្តែងជីជី បន្ទាប់ពីនាងបានទទួលរងព័ត៌មានដ៏រំសើបមួយចំពោះវីដេអូរាំស្រាតនៅក្នុងបន្ទប់ខារ៉ាអូខែមួយកាលពីដើមឆ្នាំ២០១៨នេះ ។
តាមរយៈវីដេអូដែលត្រូវគេសង្ស័យថាជារូបនាងនោះ ត្រូវជីជី ចេញបដិសេធដាច់អហង្កា និងបានព្យាយាមបញ្ជាក់យ៉ាងច្បាស់ថា នារីម្នាក់ដែលធ្វើការក្នុងហាងខារ៉ាអូខេ រាំស្រាតនោះ គឺមិនមែនជានាងនោះឡើយ ហើយនាងក៏គ្មានថ្ងៃ ធ្វើរឿងបែបនេះទៅកើតដែរ ព្រោះថា នាងជាមនុស្សក្នុងសង្គម និងជាតារាផង ។
ជីជី បានស្នើសុំចិត្តមនុស្សគ្រប់គ្នា ឈប់យល់ច្រឡំ និងនាំគ្នាស៊ែរ ហើយដាក់ឈ្មោះថាជានាងទៀតទៅ ព្រោះវាប៉ះពាល់ដល់កិត្តិយសនាងខ្លាំងណាស់ ៕
ចែករំលែកព័តមាននេះ