ខេត្តតាកែវ ៖ នាយផ្នែកអន្តោប្រវេសន៍ច្រកទ្វារអន្តរជាតិភ្នំដិន លោកវរសេនីយ៍ត្រី ស៊ិម វិចិត្រ ត្រូវបានឪពុកអ្នកបើករថយន្តសណ្ដោងម្នាក់ចោទប្រកាន់ថា បានដកកាំភ្លើងរកបាញ់សម្លាប់កូនរបស់គាត់ ខណៈកូនប្រុសគាត់ បើករថយន្តចេញពីស្ថានីយប្រេងសាំង…
ខេត្តតាកែវ ៖ នាយផ្នែកអន្តោប្រវេសន៍ច្រកទ្វារអន្តរជាតិភ្នំដិន លោកវរសេនីយ៍ត្រី ស៊ិម វិចិត្រ ត្រូវបានឪពុកអ្នកបើករថយន្តសណ្ដោងម្នាក់ចោទប្រកាន់ថា បានដកកាំភ្លើងរកបាញ់សម្លាប់កូនរបស់គាត់ ខណៈកូនប្រុសគាត់ បើករថយន្តចេញពីស្ថានីយប្រេងសាំង ស្ថិតនៅចំណុចភូមិព្រៃតាម៉ៅ ឃុំគីរីចុងកោះ ស្រុកគីរីវង់ កាលពីយប់ថ្ងៃទី២០ ឧសភា ឆ្នាំ២០១៨ ។
លោក ហេង ដែលត្រូវជាឪពុកជនរងគ្រោះបានរៀបរាប់ប្រាប់កោះសន្តិភាពតាមទូរសព្ទ័ថា នៅមុនពេលកើតហេតុ កូនប្រុសគាត់បានបើកឡានសណ្ដោង ចូលទៅចាក់សាំងនៅស្ថានីយប្រេងសាំងខាងលើ ហើយក៏បើកចេញមកវិញ ស្រាប់តែលោកវរសេនីយ៍ត្រី ស៊ឹម វិចិត្រ នាយផ្នែកអន្តោប្រវេសន៍ច្រកទ្វារអន្តរជាតិភ្នំ
ដិន បើករថយន្តឡិចស៊ីស៤៧០ ពណ៌ខ្មៅពាក់ស្លាកលេខ ភ្នំពេញ 2C-7677 មកដល់ ក៏ដកកាំភ្លើងភ្ជង់រកបាញ់ ធ្វើឱ្យកូនប្រុសរបស់គាត់លោតពីលើឡាន រត់ចូលទៅស្ថានីយប្រេង ដើម្បីគេចខ្លួន ។
ឪពុកជនរងគ្រោះខាងលើបានសំណូមពរឱ្យសមត្ថកិច្ចជួយរកយុត្តិធម៌ដល់កូនប្រុសខ្លួន តាមរយៈចាត់វិធានការណ៍ផ្លូវច្បាប់ ចំពោះមន្ត្រីនគបាលខាងលើ ដើម្បីកុំឱ្យអាងមានអំណាចយកកាំភ្លើងរកបាញ់គេដោយគ្មានមូលហេតុដូច្នេះទៀត ។
ពាក់ព័ន្ធទៅនិងការលើកឡើងខាងលើរបស់ឪពុកជនរងគ្រោះ លោកវរសេនីយ៍ត្រី ស៊ឹម វិចិត្រ មិនអាចសុំការបំភ្លឺបាននោះទេនៅថ្ងៃទី២១ ឧសភា នេះ ក៏ប៉ុន្តែលោកវរសេនីយ៍ឯក អ៊ុក គឹមកន្និការ នាយប៉ុស្តិ៍ច្រក
ទ្វារអន្តរជាតិភ្នំដិនបានប្រាប់ថា លោកនឹងស៊ើបអង្កេតពីបញ្ហាថា ពិតឬយ៉ាងណា? ហើយបើសិនជាគាត់ប្រព្រឹត្តដូចការលើកឡើងខាងលើនេះមែន លោកនឹងធ្វើរបាយការណ៍ទៅថ្នាក់លើ ដើម្បីមានវិធានការណ៍ចំពោះអ្នកប្រព្រឹត្ត ។
លោកឧត្តមសេនីយ៍ទោ សុខ សំណាង ស្នងការនគបាលខេត្តតាកែវក៏បានឱ្យដែរថា លោកមិនទាន់បានទទួលរបាយការណ៍ពីករណីភ្ជង់កាំភ្លើងនេះនៅឡើយទេ តែទោះជាយ៉ាងណា លោកបានជម្រុញឲ្យក្រុម
គ្រួសារជនរងគ្រោះដាក់ពាក្យបណ្ដឹងមកសមត្ថកិច្ច ហើយលោកនឹងបញ្ជូនមន្ត្រីជំនាញចុះធ្វើការស្រាវជ្រាវ ដើម្បីស្វែងរកយុត្តិធម៌ដល់ជនរងគ្រោះជាក់ជាពុំខាន ។
លោកវរៈសេនីឯកយ៉ុគ សារ៉ាត់ អធិការនគរបាលស្រុកគីរីវង់បានអោយដឹងថា នៅពេលនេះខាងភាគីជនរងគ្រោះកំពុងតែដាក់ពាក្យបណ្តឹងនៅកន្លែងរបស់លោក ហើយលោកកំពុងតែឱ្យកំលាំងជំនាញចាត់ការបន្ត ។
ចែករំលែកព័តមាននេះ