រាជធានីភ្នំពេញ ៖ គណៈកម្មាធិការអន្ត្រៃយ៍នៃសន្និសីទអន្តរជាតិ នៃគណបក្សនយោបាយអាស៊ី ហៅកាត់ថា (ICAPP) បានប្រកាសគាំទ្រសម្តេចតេជោ ហ៊ុន សែន នាយករដ្ឋមន្ត្រីកម្ពុជាជាប្រធានស្ថាបនិកកិត្តយស…
រាជធានីភ្នំពេញ ៖ គណៈកម្មាធិការអន្ត្រៃយ៍នៃសន្និសីទអន្តរជាតិ នៃគណបក្សនយោបាយអាស៊ី ហៅកាត់ថា (ICAPP) បានប្រកាសគាំទ្រសម្តេចតេជោ ហ៊ុន សែន នាយករដ្ឋមន្ត្រីកម្ពុជាជាប្រធានស្ថាបនិកកិត្តយស នៃក្រុមប្រឹក្សាវប្បធម៌អាស៊ី (Asian Cultural Council- ACC) ។ នេះបើតាមមន្ត្រីជាន់ខ្ពស់គណបក្សប្រជាជនកម្ពុជា ។
ការប្រកាសគាំទ្រសម្តេចតេជោធ្វើឡើងក្នុងកិច្ចប្រជុំលើកទី៣០ នៃគណៈកម្មាធិការអចិន្ត្រៃយ៍ របស់ ICAPP ដែលមានការចូលរួមដោយសមាជិកគណៈកម្មាធិការអចិន្ត្រៃយ៍ចំនួន៤០រូប មកពី១៥ប្រទេស ដោយភាគីកម្ពុជាដឹកនាំដោយលោកស្រី ឃួន សុដារី សមាជិកគណៈកម្មាធិការអចិន្ត្រៃយ៍គណបក្សប្រជាជនកម្ពុជាបានចេញទៅចូលរួមវេទិកានយោបាយអាស៊ី-អឺរ៉ុប (AEPF) លើកទី២ ដែលធ្វើឡើ ងនៅទីក្រុងឡុងដ៍ ប្រទេសអង់គ្លេស កាលពីថ្ងៃទី១៧ ដល់ថ្ងៃទី២០ ខែឧសភា ឆ្នាំ២០១៨ ។
ក្នុងសន្នីសិទសារព័ត៌មាននាព្រឹកថ្ងៃទី២១ ឧសភា នៅព្រលានយន្តហោះអន្តរជាតិភ្នំពេញលោកស្រី ឃួន សុដារី បានលើកឡើងថា វេទិការនៃកិច្ចប្រជុំបានលើកឡើងយកប្រធានបទ៣សំខាន់ដូចជា ៖ ទី១-ភាពជាដៃគូរអាស៊ី-អ៉ឺរ៉ុប និងតួនាទីរបស់គណបក្សនយោបាយក្នុងការពង្រឹងទំនាក់ទំនងក៏ដូចជាការតភ្ជាប់រវាងទ្វីបអាស៊ី-អ៉ឺរ៉ុប ។ ទី២-ការពង្រឹងកិច្ចសហប្រតិបត្តិការណ៍ដើម្បីលើកកម្ពស់ថាមពលស្អាត និងតម្លៃសមស្របការពារប្រយុទ្ធប្រឆាំងការប្រែប្រួលធាតុអាកាស និងប្រយុទ្ធប្រឆាំងការបំផ្លាញ់បរិស្ថាន និងទី៣- ការជួយសង្គ្រោះជនរងគ្រោះ និងប្រយុទ្ធប្រឆាំងនឹងជំងឺរាទត្បាតផ្សេងៗដែលកំពុងកើតមានលើកឡើងពីតំបន់មួយទៅតំបន់មួយ ពីទ្វីបមួយទ្វីបមួយ និងការឆ្លើយតបផ្នែកមនុស្សធម៌ទាំងឡាយដោយមិនប្រកាន់ពណ៌សំបុរនោះទេ ។
បើតាមលោកស្រី ឃួន សុដារី ក៏បានឲ្យដឹងថា ថ្នាក់ដឹកនាំរបស់ ICAPP បានទន្ទឹងរងចាំការប្រកាសជាផ្លូវការជាប្រធានស្ថាបនិកកិត្តិយសនៃក្រុមប្រឹក្សាវប្បធម៌អាស៊ីដែលនឹងប្រព្រឹត្តិទៅ នៅក្នុងត្រីមាសទី១ ក្នុងឆ្នាំ២០១៩ ផងដែរ ៕
ចែករំលែកព័តមាននេះ