អ្នកនាំពាក្យ CPP ៖ ករណី សួន សេរីរដ្ឋា, កឹម សុខា, សម រង្ស៊ី ស្ថិតលើច្បាប់មិនអាច…
- ភ្នំពេញ
រាជធានីភ្នំពេញ ៖ សំណុំរឿងរបស់លោក សួន សេរីរដ្ឋា, លោក កឹម សុខា និងលោក សម…
រាជធានីភ្នំពេញ ៖ សំណុំរឿងរបស់លោក សួន សេរីរដ្ឋា, លោក កឹម សុខា និងលោក សម រង្ស៊ី សុំលើកលែងការចោទប្រកាន់នោះពិបាកដោះស្រាយណាស់ ។ នេះបើតាមលោក សុខ ឥសាន អ្នកនាំពាក្យគណបក្សប្រជាជនកម្ពុជា ។
លោក សុខ ឥសាន បានបញ្ជាក់ឲ្យដឹងនៅថ្ងៃទី២១ ឧសភា ថា «ការសុំទោសក្រោយប្រព្រឹត្តទោសវារឿងជាធម្មតាការសុំទោសណាមួយអាចធ្វើ និងអាចអធ្យាស្រ័យឲ្យបាន លុះត្រាតែជាកំហុសអចេតនា និងមានទំហំតូចតាច ។ ប៉ុន្តែចំពោះករណីលោក សួន សេរីរដ្ឋា អាចចាត់ទុកថាជាកំហុសចេតនាមានលក្ខណៈធ្ងន់ធ្ងរហើយដែលមានពិរុទ្ធភាពដែលតុលាការបាននឹងកំពុងដំណើរការរឿងក្តីតាមនីតិវិធី ហើយបែរជាមកទទួលសារភាព និងសុំការលើកលែងការចោទប្រកាន់នោះគឺជារឿងពិបាកដោះស្រាយណាស់ ។
ការលើកឡើងរបស់អ្នកនាំពាក្យគណបក្សកាន់អំណាចនេះបន្ទាប់ពីលោក សួន សេរីរដ្ឋា បានសរសេលិខិតមួយច្បាប់ពីពន្ធនាគារជូនទៅសម្តេចតេជោ ហ៊ុន សែន ដើម្បីស្នើសុំលើកលែងទោសកាលពេលថ្មីៗកន្លងមកនេះ ។ យ៉ាងណាក្តីករណីនេះត្រូវបានលោក សុខ ឥសាន លើកឡើងថា បើដោះស្រាយតាមសំណូមពរ គឺធ្លាក់ទៅការល្មើសច្បាប់ ។ ម្យ៉ាងទៀត បើប្លន់របស់អ្វីមួយហើយដល់សមត្ថកិច្ចចាប់បានថាសុំទោស ខ្ញុំសុំប្រគល់ឲ្យវិញ ហើយសុំរួចខ្លួន តើអាចទៅរួចឬទេ0x017d7 មិនអាចឡើយ ។
លោកក៏បានបញ្ជាក់ថា «ដូច្នេះករណីលោក សួន សេរីរដ្ឋា ក៏ដូច្នេះដែរមិនអាចរំលោភការងារតុលាការបានឡើយ ។ ករណីនេះក៏មិនខុសអីនឹងរឿងទណ្ឌិត សម រង្សី និង កឹម សុខា ដែរ ។ ចង់គេចរួចពីទោសទណ្ឌចាំបាច់ត្រូវចៀសផុតពីការប្រព្រឹត្តល្មើសច្បាប់ ។ បើល្មើសច្បាប់ហើយបែរជាងាកមករកការចរចានោះមិនអាចជាដាច់ខាត» ។
សូមជម្រាបថា អតីតប្រធានគណបក្សអំណាចខ្មែរ លោក សួន សេរីរដ្ឋា កំពុងជាប់ឃុំដោយសារតែរងការចោទប្រកាន់ប្រមាថកងទ័ពនោះបានសរសេរលិខិតមួយច្បាប់ស្នើសុំសម្តេចនាយករដ្ឋមន្ត្រី ហ៊ុន សែន ជួយអន្តរាគមន៍លើកលែងទោស ៕
ចែករំលែកព័តមាននេះ