ខេត្តបាត់ដំបង ៖ សមត្ថកិច្ចបានឱ្យដឹងថា នាងក្រមុំម្នាក់បានចង.កសម្លាប់ខ្លួន កាលពីវេលាម៉ោង១២ និង២០នាទីរំលងអធ្រាត្រឈានចូលថ្ងៃទី២១ ឧសភា ស្ថិតត្រង់ចំណុចភូមិជ្រៃជើង ឃំុជ្រៃ ស្រុកមោងប្ញស្សី។
ប្រភពឱ្យដឹងថា ជនរងគ្រោះមានឈ្មោះសារឿន ថាវរី អាយុ១៩ឆ្នាំ រស់នៅក្នុងភូមិ-ឃំុខាងលើ។ សមត្ថកិច្ចបានឱ្យដឹងទៀតថា ជនរងគ្រោះបានយកក្រម៉ាចង.កភ្ជាប់នឹងធ្នឹមផ្ទះ បណ្ដាលឱ្យស្លាប់ លុះប៉ុន្មានម៉ោងក្រោយ ទើបក្រុមគ្រួសារដឹង ។ នារីរងគ្រោះមានសតិមិនប្រក្រតី ធ្លាប់ធ្វើទុក្ខម្ដងៗដូចកំរោលចូល។ នេះបើតាមការបញ្ជាក់ប្រាប់របស់ក្រុមគ្រួសារ ដែលសមត្ថកិច្ចបានសាកសួរពេលចុះពិនិត្យ ។
ប៉ុន្តែនេះគ្រាន់តែជាការសន្និដ្ឋានជំហានដំបូងរបស់ក្រុមគ្រួសារ តែមូលហេតុពិតបែបណានោះ សមត្ថកិច្ចកំពុងធ្វើការស្រាវជ្រាវសាកសួរបន្ថែមទៀត ។ ទោះយ៉ាងណា មន្ត្រីជំនាញបានប្រគល់សពជនរងគ្រោះឲ្យទៅក្រុមគ្រួសារធ្វើបុណ្យតាមប្រពៃណីហើយ ក្រោយបញ្ចប់ការធ្វើកំណត់ហេតុ ។
ចែករំលែកព័តមាននេះ