ខេត្តកំពង់ធំ ៖ ស្ត្រីម្នាក់តូចចិត្តមានជំងឺរ៉ាំរ៉ៃប្រចាំកាយបានសម្រេចចិត្តធ្វើអត្តឃាតដោយចង.កសម្លាប់ខ្លួនបង្កឱ្យមានការភ្ញាក់ផ្អើលកាលពីវេលាម៉ោង៤និង៣០នាទីល្ងាចថ្ងៃទី២០ ខែឧសភា ឆ្នាំ២០១៨ ស្ថិតនៅចំណុចខាងក្រោយផ្ទះឈ្មោះ សុច ញ៉ី ភេទប្រុស ចម្ងាយប្រហែល៤៥០ម៉ែត្រ…
ខេត្តកំពង់ធំ ៖ ស្ត្រីម្នាក់តូចចិត្តមានជំងឺរ៉ាំរ៉ៃប្រចាំកាយបានសម្រេចចិត្តធ្វើអត្តឃាតដោយចង.កសម្លាប់ខ្លួនបង្កឱ្យមានការភ្ញាក់ផ្អើលកាលពីវេលាម៉ោង៤និង៣០នាទីល្ងាចថ្ងៃទី២០ ខែឧសភា ឆ្នាំ២០១៨ ស្ថិតនៅចំណុចខាងក្រោយផ្ទះឈ្មោះ សុច ញ៉ី ភេទប្រុស ចម្ងាយប្រហែល៤៥០ម៉ែត្រ ស្ថិតនៅក្នុងភូមិវល្លិ៍យាវ ឃុំដំរីស្លាប់ ស្រុកកំពង់ស្វាយ ខេត្តកំពង់ធំ ។
សមត្ថកិច្ចបានឲ្យដឹងថា ស្ត្រីរងគ្រោះឈ្មោះ តុច ណាំ អាយុ៤៩ឆ្នាំ រស់នៅភូមិ-ឃុំកើតហេតុខាងលើ ។
បើតាមការឲ្យដឹងពីសាច់ញាតិបាននិយាយថា ស្ត្រីរងគ្រោះជាស្ត្រីមេម៉ាយមានជម្ងឺរ៉ាំរ៉ៃអស់ជាច្រើនឆ្នាំមកហើយ ព្យាបាលមិនជាសោះ ដោយសារតែបញ្ហានេះហើយដែលបណ្តាលឲ្យគាត់គិតខ្លីបានសម្រេចចិត្តបញ្ចប់ជីវិតខ្លួនឯងដោយចង.កសម្លាប់ខ្លួនបែបនេះ។
បន្ទាប់ពីទទួលបានព័ត៌មាននេះភ្លាម កម្លាំងជំនាញស្រុកបានចុះពិនិត្យកន្លែងកើតហេតុ និងពិនិត្យសព ហើយសន្និដ្ឋានថា ស្ត្រីរងគ្រោះពិតជាស្លាប់ដោយសារធ្វើអត្តឃាតចង.កសម្លាប់ខ្លួនឯងពិតប្រាកដមែន ។ ក្រោយពីពិនិត្យរួច សពស្ត្រីរងគ្រោះត្រូវបានប្រគល់ជូនក្រុមគ្រួសារដើម្បីរៀបចំធ្វើបុណ្យតាមប្រពៃណី ៕
ចែករំលែកព័តមាននេះ