ខេត្តបន្ទាយមានជ័យ ៖ យោងតាមរបាយការមន្ទីរ កសិកម្ម រុក្ខាប្រមាញ់ និងនេសាទ ខេត្តបន្ទាយមានជ័យ ក្នុងខែមេសា ឆ្នាំ២០១៨ ប្រជាកសិករដាំដុះដំឡូងមីមានផ្ទៃដី២៤៣៧៩ហិកតាក្នុងនោះមានស្រុកដែលដាំដំឡូងមីមាន…
ខេត្តបន្ទាយមានជ័យ ៖ យោងតាមរបាយការមន្ទីរ កសិកម្ម រុក្ខាប្រមាញ់ និងនេសាទ ខេត្តបន្ទាយមានជ័យ ក្នុងខែមេសា ឆ្នាំ២០១៨ ប្រជាកសិករដាំដុះដំឡូងមីមានផ្ទៃដី២៤៣៧៩ហិកតាក្នុងនោះមានស្រុកដែលដាំដំឡូងមីមាន ស្រុកថ្មពួក មានផ្ទៃដី២២០០០ហិកតា, ស្រុកព្រះនេត្រព្រះ មានផ្ទៃដី២២៣៧ហិកតា, ស្រុកភ្នំស្រុក មានផ្ទៃដី១២០ហិកតា និងក្រុងសិរីសោភ័ណ មានផ្ទៃដី២២ហិកតា ។
លោក ប៉ាង វណ្ណាសេដ្ឋ ប្រធានមន្ទីរ កសិកម្ម រុក្ខាប្រមាញ់ និងនេសាទ ខេត្តបានបញ្ជាក់ថា ការដាំដោះដំឡូងមកដល់ខែមេសា ឆ្នាំ២០១៨ កន្លមកនេះគឺដាំដុះលឿនដោយមានទឹកភ្លៀងធ្លាក់ដើមដៃបើប្រៀបធៀបខែមេសា ឆ្នាំ២០១៧ គឺដាំដុះដំឡូងតិចជាង ហើយប្រជាកសិករដែលដាំដំឡូងមីភាគច្រើនដាំតាមស្រុក-ក្រុងជាប់ព្រំដែនកាលពីឆ្នាំកន្លងមកដំឡូងមីមានហាងឆេងជាងឆ្នាំមុនៗដោយដំឡូងមីស្រស់១គីឡូក្រាមតំលៃ៣០០រៀល និងដំឡូងមីស្ងួត១គីឡូក្រាមតំលៃ៦៥០រៀល ។
រីឯប្រជាកសិករវិញបានបញ្ជាក់ថា ដំឡូងដែលដាំមានពូជ២ប្រភេទមានប្រភេទពូជដាំក្នុងស្រុក និងពូជទិញពីប្រទេសថៃជាប់ជាយដែនដែលថ្លៃជាងពូជក្នុងស្រុក ។ ប្រជាពលរដ្ឋក៏បានសំណូមពរសុំឱ្យមន្ទីរជំនាញជួយបណ្តុះបណ្តាលការដាំដុះ និងថែទាំដំឡូងមី និងជួយរកទីផ្សារឱ្យបានតំលៃថ្លៃជាងនេះទើបប្រសើរ ៕
ចែករំលែកព័តមាននេះ