ខេត្តបាត់ដំបង៖ ជនសង្ស័យចំនួន៣នាក់ ត្រូវបានកម្លាំងកងរាជអាវុធហត្ថឃាត់ខ្លួនជាបន្តបន្ទាប់ កាលពីព្រឹកថ្ងៃទី១៩ ឧសភា នៅភូមិវត្តរំដួល សង្កាត់ចំការសំរោង ក្រុងបាត់ដំបង ដែលជាប់ពាក់ព័ន្ធនឹងបទល្មើសជួញដូរគ្រឿងញៀន។ មន្ត្រីការិយាល័យជំនាញ…
ខេត្តបាត់ដំបង៖ ជនសង្ស័យចំនួន៣នាក់ ត្រូវបានកម្លាំងកងរាជអាវុធហត្ថឃាត់ខ្លួនជាបន្តបន្ទាប់ កាលពីព្រឹកថ្ងៃទី១៩ ឧសភា នៅភូមិវត្តរំដួល សង្កាត់ចំការសំរោង ក្រុងបាត់ដំបង ដែលជាប់ពាក់ព័ន្ធនឹងបទល្មើសជួញដូរគ្រឿងញៀន។
មន្ត្រីការិយាល័យជំនាញ បានឲ្យដឹងថា ជនសង្ស័យទាំង៣នាក់នោះមាន ១-ឈ្មោះណូ រ៉នី ភេទប្រុស អាយុ២៧ឆ្នាំ នៅភូមិដាំស្ពៃ សង្កាត់ស្លាកែត ក្រុងបាត់ដំបង ២-ឈ្មោះយឿម តឿន ហៅពីលីប ភេទប្រុស អាយុ២៦ឆ្នាំ ជាអ្នកចាត់ចែងជួញដូរគ្រឿងញៀន នៅភូមិតាកុយ សង្កាត់ក្ដុលដូនទាវ ក្រុងបាត់ដំបង និង៣-ឈ្មោះឡេស សើគីរីន ភេទប្រុស អាយុ៣២ឆ្នាំ ជាអ្នកចាត់ចែងជួញដូរគ្រឿងញៀន នៅភូមិដាំស្ពៃ សង្កាត់ស្លាកែត។ លោកបានបន្តថា ជនសង្ស័យទាំង៣នាក់នេះត្រូវបានឃាត់ខ្លួនជាបន្តបន្ទាប់ និងនៅទីតាំងផ្សេងគ្នា ។
បន្ទាប់ពីការការឃាត់ខ្លួនជនសង្ស័យទាំង៣នាក់ខាងលើ មន្ត្រីជំនាញដកហូតវត្ថុតាងគ្រឿងញៀនម៉ាទឹកកកចំនួន៧កញ្ចប់ មានទម្ងន់៣,០៧ក្រាម ទូរស័ព្ទដៃ៤គ្រឿង និងម៉ូតូ២គ្រឿង។ សមត្ថកិច្ចក៏បានបញ្ជាក់ដែរថា ជនសង្ស័យទាំង៣នាក់នេះគឺជាមុខសញ្ញាជួញដូរថ្នាំញៀន ដែលមន្ត្រីតែងតាមដានរាល់សកម្មភាពរបស់ពួកគេកន្លងមករហូតឈានដល់ការឃាត់ខ្លួនជាបន្តបន្ទាប់ក្នុងថ្ងៃតែមួយតែម្ដង។
មន្ត្រីការិយាល័យជំនាញបានបញ្ជាក់ផងដែរថា ក្រោយការឃាត់ខ្លួនជនសង្ស័យទាំង៣នាក់ខាងលើ មន្ត្រីជំនាញកំពុងធ្វើការសួរនាំដើម្បីកសាងសំណុំរឿងបញ្ជូនទៅតុលាការហើយ៕
ចែករំលែកព័តមាននេះ