រាជធានីពេញ ៖ សមាជិកគណបក្សប្រជាជនកម្ពុជាបានត្រៀមខ្លួនរួចជាស្រេចទៅបោះឆ្នោតជូនគណបក្សប្រជាជនក្នុងការបោះឆ្នោតជ្រើសតាំងអ្នកតំណាងរាស្ត្រអាណត្តិទី៦ ឆ្នាំ២០១៨ ។ នេះបើតាមការប្រធានក្រុមការងារគណបក្សប្រជាជនកម្ពុជាខណ្ឌចំកាមន ។ លោក អ៊ិត សំហេងរដ្ឋមន្ត្រីក្រសួងការងារ…
រាជធានីពេញ ៖ សមាជិកគណបក្សប្រជាជនកម្ពុជាបានត្រៀមខ្លួនរួចជាស្រេចទៅបោះឆ្នោតជូនគណបក្សប្រជាជនក្នុងការបោះឆ្នោតជ្រើសតាំងអ្នកតំណាងរាស្ត្រអាណត្តិទី៦ ឆ្នាំ២០១៨ ។ នេះបើតាមការប្រធានក្រុមការងារគណបក្សប្រជាជនកម្ពុជាខណ្ឌចំកាមន ។
លោក អ៊ិត សំហេងរដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងជាប្រធានក្រុមការងារគណបក្សប្រជាជនកម្ពុជាចុះមូលដ្ឋានខណ្ឌចំការមនរាជធានីភ្នំពេញបានថ្លែងក្នុងពិធីសំណេះសំណាលជាមួយក្រុមការងារថ្នាក់កណ្តាលចុះមូលដ្ឋានខណ្ឌចំការមនេះ ដើម្បីរៀបចំ ផែនការសកម្មភាពឆ្ពោះទៅកាន់ការបោះឆ្នោតសកលនាថ្ងៃទី២៩ ខែកក្កដា ឆ្នាំ២០១៨ ខាងមុខ កាលពីថ្ងៃទី១៩ ខែឧសភា ឆ្នាំ២០១៨ នៅទីស្តីការគណបក្សខណ្ឌចំការមនថា សមាជិក សមាជិកាគណបក្សប្រជាជនកម្ពុជាទាំងអស់ត្រៀមខ្លួនជាស្រេចទៅបោះឆ្នោជូនគណបក្សប្រជាជនកម្ពុជា និងធ្វើយុទ្ធនាការឃោសនាបោះឆ្នោតប្រកបដោយជោគជ័យ ។
លោកក៏បានវាយតម្លៃក្រុមការងារបានវាយតម្លៃខ្ពស់ អំពីសមិទ្ធផលគ្រប់វិស័យក្នុងខណ្ឌចំការមន ក្រោមការដឹកនាំរបស់គណបក្សប្រជាជនកម្ពុជា និងបន្តការប្ដេជ្ញាចិត្តខ្ពស់ក្នុងការអនុវត្តន៍ កម្មវិធីនយោបាយរបស់គណបក្សប្រជាជនកម្ពុជាសម្រាប់អណត្តិថ្មី ។
នៅក្នុងឱកាសនោះដែរលោករដ្ឋមន្ត្រីក៏បានលើកឡើងពីសមិទ្ធិផលនានាដែលរាជរដ្ឋាភិបាលក្រោមការដឹកនាំរបស់គណបក្សប្រជាជនសម្រេចបានយ៉ាងធំធេងជូនជាតិមាតុភូមិក្នុងនោះបានរក្សាកំណើនសេដ្ឋកិច្ចក្នុងរង្វង់៧ភាគរយ ក្នុង១ឆ្នាំ ធ្វើឲ្យជីវភាពរស់នៅរបស់ប្រជាពលរដ្ឋកាន់តែធូធារជាលំដាប់ ។ ខិតខំថែរក្សាឲ្យបាននូវសុខសន្តិភាពដែលជាកត្តាដ៏សំខាន់បំផុតព្រោះថា ប្រសិនបើមិនមានសុខសន្តិភាពទេ ការអភិវឌ្ឍប្រទេសជាតិក៏មិនអាចទទួលបានការរីកចម្រើនបានដែរ។
ដូចនេះយើងត្រូវរួមគ្នាថែរក្សាឲ្យបាននូវសុខសន្តិភាពដើម្បីអភិវឌ្ឍន៍ប្រទេសកម្ពុជាឲ្យកាន់តែរីកចម្រើនថែមទៀត ។
ជាមួយគ្នានេះដែរ លោកក៏បានបន្ថែមទៀតថា រាជរដ្ឋាភិបាលក្រោមការដឹកនាំរបស់សម្តេចតេជោនាយករដ្ឋមន្ត្រី និងជាប្រធានគណបក្សប្រជាជនកម្ពុជាបានយកចិត្តទុកដាក់ចំពោះសុខទុក្ខរបស់ប្រជាពលរដ្ឋយ៉ាងខ្លាំងដូចជា ដំឡើងប្រាក់ខែជូនមន្ត្រីរាជការ គ្រូបង្រៀន និងកងកម្លាំងប្រដាប់អាវុធ គ្រប់ប្រភេទ និងបង្កើនប្រាក់សោធនសម្រាប់និវត្តជន និងអតីតយុទ្ធជន ដំឡើងប្រាក់ឈ្នួលដល់កម្មករដល់១៧០ដុល្លារក្នុង១ខែ ។ ប្រជាជនទទួលបាននូវសេវាសុខភាពកាន់តែប្រសើរនៅតាមមណ្ឌលសុខភាព និងមន្ទីរពេទ្យរដ្ឋ ហើយប្រជាពលរដ្ឋក្រីក្រ និងអ្ន កខ្វះលទ្ធភាពទទួលបានសេវាពិនិត្យ និងព្យាបាលដោយឥតគិតថ្លៃ ពិសេសប្រជាពលរដ្ឋស្ទើរ១០០ភាគរយទទួលបានការងារធ្វើ ។
សូមជម្រាបការលើកឡើងរបស់លោកអ៊ិតសំហេង នេះបន្ទាប់ពីអ្នកនាំពាក្យគណបក្សប្រជាជនកម្ពុជាលោក សុខឥសានបានសម្តែងក្តីរំពឹងថា គណបក្សប្រជាជនកម្ពុជានឹងបន្តឈ្នះក្នុងការបោះឆ្នោតជ្រើសតាំងអ្នកតំណាងរាស្ត្រអាណត្តិទី៦ខាងមុខនេះ ។ លោកថា កម្ពុជាប្រកាន់លិទ្ធិប្រជាធិបតេយ្យ ជាក់ស្តែងក្នុងការបោះឆ្នោតលើកនេះមានគណបក្សនយោបាយចូលរួមចំនួន២០ ហើយគ.ជ.ប កំពុងពិនិត្យ និងទទួលស្គាល់ជាង១០ហើយ ៕
ចែករំលែកព័តមាននេះ