ម៉ៅ ស៊ីណាត ខ្វែងដៃខ្វែងជើងក្រោយទទួលដំណឹងស្វាមីជួបគ្រោះថ្នាក់
- ភ្នំពេញ
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា ស្វាមីអ្នកនាង ម៉ៅ ស៊ីណាត គឺលោក ហោ សែមវិសាល ដែលត្រូវបានគេស្គាល់ថា…
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា ស្វាមីអ្នកនាង ម៉ៅ ស៊ីណាត គឺលោក ហោ សែមវិសាល ដែលត្រូវបានគេស្គាល់ថា…
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា ស្វាមីអ្នកនាង ម៉ៅ ស៊ីណាត គឺលោក ហោ សែមវិសាល ដែលត្រូវបានគេស្គាល់ថា បែកបាក់ជាមួយអ្នកនាងមិនទាន់បានប៉ុន្មានថ្ងៃនោះ បានជួបគ្រោះថ្នាក់ចរាចរណ៍យ៉ាងធ្ងន់ធ្ងរ ហេតុការណ៍នេះបានកើតឡើងកាលពីម៉ោងប្រមាណជា១០យប់ ថ្ងៃទី២០ ឧសភា នៅចំណុចម្ដុំអូឌឹម ជិតទីតាំងកន្លែងបម្រើការរបស់ស្វាមីអ្នកនាង ម៉ៅ ស៊ីណាត ។
សេចក្តីរាយការណ៍បានបន្តទៀតថា មុនពេលកើតហេតុ គេឃើញលោកវិសាល បានជិះម៉ូតូត្រឡប់មកផ្ទះវិញ ស្រាប់តែក៏បុកគ្នាពេញទំហឹងជាមួយនឹងរ៉ឺម៉ក់ម៉ូតូកង់៣ដែលបត់ទទឹងទិស បណ្ដាលឱ្យស្វាមីអ្នកនាង ម៉ៅ ស៊ីណាត ដួលបោកក្បាលបែករយះ ចំណែករ៉ឺម៉ក់កង់បីបើករត់គេចបាត់ស្រមោល ហើយលោកត្រូវបានគ្រូពេទ្យអះអាងថា លោកអាចត្រូវប្រឈមនឹងការបាក់ឆ្អឹងខាងក្នុងមួយចំនួន ។ ក្រោយពេលកើតហេតុលោកវិសាល ក៏ត្រូវបានអ្នកនាង ម៉ៅ ស៊ីណាត បញ្ជូនទៅសង្គ្រោះបន្ទាន់នៅមន្ទីរពេទ្យលោកសង្ឃ ប៉ុន្តែត្រូវបានបញ្ជូនចេញនៅប៉ុន្មានម៉ោងក្រោយ ដោយសារតែស្វាមីអ្នកនាង ម៉ៅ ស៊ីណាត មានក្របខណ្ឌជាទាហាន ហើយត្រូវបានគេស្នើឱ្យទៅព្យាបាលនៅមន្ទីរពេទ្យព្រះកេតុមាលា ដែលត្រូវគេស្គាល់ថា ជាពេទ្យទាហាន។ ហើយរូបភាពនៅក្នុងមន្ទីរពេទ្យរបស់លោក មិនត្រូវបានក្រុមគ្រូពេទ្យអនុញ្ញាតិឱ្យថតនោះទេ ជាពិសេសចំពោះមុខរបួសដែលមានសភាពធ្ងន់ធ្ងរនៅលើថ្ងាស ក្បាល និងលើជើង។
បើតាមអ្នកនាង ម៉ៅ ស៊ីណាត បាននិយាយថា ទោះជាអ្នកនាង និងស្វាមី មានរឿងខ្វែងគំនិតរហូតដល់ថ្នាក់ប្រកាសបែកគ្នាក៏ដោយ ប៉ុន្តែអ្នកនាងទប់ចិត្តមិនបាននោះទេ នៅពេលស្វាមីស្រាប់តែមានគ្រោះថ្នាក់ដល់ម្លឹង។ ហើយមុនពេលដែលមុនគ្រោះថ្នាក់នេះ ក៏លោកនៅតែចេញចូលមកមើលកូន និងខលសុំជុំគ្នាវិញច្រើនដងដែរ តែអ្នកនាងចិត្តរឹងមិនព្រមទទួលយក។
អ្នកនាងម៉ៅ ស៊ីណាត ត្រូវបានគេឃើញថា អត់ងងុយពេញមួយយប់នៅកំដរលោកវិសាល ដោយមិនគិតពីអតីតកាលជុំវិញរឿងខ្វែងគំនិតគ្នានោះផង ជាពិសេសនៅពេលដែលស្វាមីរបស់អ្នកនាង ចាប់ដៃអ្នកនាងជាប់មិនឱ្យទៅណាក្នុងពេលបញ្ជូនទៅកាន់កន្លែងសង្គ្រោះបន្ទាន់។
យ៉ាងណាក៏ដោយ របួសរបស់ស្វាមីអ្នកនាង ម៉ៅ ស៊ីណាត ត្រូវបានពេទ្យដុះលាងដេរ និងបន្តតាមដាន ហើយកំពុងសម្រាកក្នុងបន្ទប់ពេទ្យត្រឹមត្រូវ និងទាន់មិនដឹងថា តើស៊ីណាតបាក់ចិត្តបើកឱកាសទទួលយកស្វាមីមកជានាគ្នាម្តងទៀតយ៉ាងណា? បើទើបតែប្រកាសឈប់ទាក់ទងគ្នាផ្អើលគេទៅហើយនោះ។ នេះហើយជាទឹកចិត្តមនុស្សស្រីដែលមានរឿងអ្វីក៏ដោយ ក៏នៅតែមិនចោលប្តី ហើយនៅបារម្ភសុខទុក្ខដដែល។
ចែករំលែកព័តមាននេះ