ខេត្តព្រៃវែង ៖ យ៉ាងហោចណាស់មានមនុស្សម្នាក់បានស្លាប់ និងពីរនាក់ទៀតរងបួស ព្រមទាំងគោមួយក្បាលបានងាប់ ដោយសារតែគ្រោះថ្នាក់ធម្មជាតិ(រន្ទះបាញ់) ខណៈដែលពួកគេដើរកាត់វាលស្រែត្រឡប់មកពីមើលគោវិញ។ ហេតុការណ៍នេះបានកើតឡើងនៅល្ងាច ថ្ងៃអាទិត្យ ៦កើត…
ខេត្តព្រៃវែង ៖ យ៉ាងហោចណាស់មានមនុស្សម្នាក់បានស្លាប់ និងពីរនាក់ទៀតរងបួស ព្រមទាំងគោមួយក្បាលបានងាប់ ដោយសារតែគ្រោះថ្នាក់ធម្មជាតិ(រន្ទះបាញ់) ខណៈដែលពួកគេដើរកាត់វាលស្រែត្រឡប់មកពីមើលគោវិញ។ ហេតុការណ៍នេះបានកើតឡើងនៅល្ងាច ថ្ងៃអាទិត្យ ៦កើត ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី ២០ ឧសភា ២០១៨នេះ វេលាម៉ោង ៥ និង១០នាទី នៅចំណុចភូមិសំរោង ឃុំសំរោង ស្រុកស្វាយអន្ទរ ខេត្តព្រៃវែង។
សមត្ថកិច្ចនៅមូលដ្ឋានបានឲ្យដឹងថា ជនរងគ្រោះដែរបានស្លាប់នៅក្នុងគ្រោះថ្នាក់ធម្មជាតិនេះមានឈ្មោះ តុង តឿ ភេទប្រុស អាយុ១៦ឆ្នាំ រស់នៅក្នុងភូមិឃុំកើតហេតុខាងលើ។ ដោយឡែកអ្នកដែររងរបួសទាំងពីរ នាក់មានឈ្មោះ មា វិ ភេទប្រុស អាយុ១២ឆ្នាំ និងទី២ឈ្មោះ ឈូក ថង ភេទប្រុស អាយុ១៥ឆ្នាំ ដែលអ្នកទាំងពីររស់នៅភូមិឃុំកើតហេតុខាងលើ។ ប្រភពបានបន្តថា នៅមុនពេលកើតហេតុក្មេងៗ ទាំងបីកំពុងដើរឃ្វារគោដូចធម្មតា ស្រាប់តែភ្លៀងក៏ធ្លាក់ចុះមក ក្មេងទាំង០៣នាក់ ក៏បានដើរកាត់វាលស្រែក្រោមមេឃកំពុងភ្លៀងនោះត្រឡប់មកផ្ទះវិញ ព្រមទាំងកៀងគោទាំងអស់ត្រឡប់មកផ្ទះវិញផងដែរ។
នៅពេលកំពុងកៀងគោត្រឡប់មកវិញនោះ ស្រាប់តែរន្ទះបានបាញ់ចំពួកគេទាំងបី បណ្តាលឲ្យឈ្មោះ តុង តឿ បានស្លាប់ភ្លាមៗនៅនឹងកន្លែង ព្រមទាំងគោមួយក្បាលដែលដើរជិតនោះ ក៏បានងាប់ផងដែរ រីឯងក្មេងពីរនាក់ទៀតក៏រងរបួស។ ក្រោយធ្វើកោសល្យវិច្ច័យ សមត្ថកិច្ចបានសន្និដ្ឋានថា ជនរងគ្រោះពិតជាស្លាប់ដោយសាររន្ទះបាញ់ពិតប្រាកដមែន សពត្រូវបានប្រគល់ឲ្យសាច់ញាតិយកទៅធ្វើបុណ្យតាមប្រពៃណី៕
ចែករំលែកព័តមាននេះ