ខេត្តកំពង់ឆ្នាំង ៖ ប្រជាពលរដ្ឋស្រុកទឹកផុសដូចជា ស្រុកកំពង់ត្រឡាច មានសេចក្តីរីករាយសប្បាយចិត្ត យ៉ាងខ្លាំង បន្ទាប់ពីរាជរដ្ឋាភិបាលបានកសាងផ្លូវជាតិមួយខ្សែដែលមានប្រវែងជាង៧០គីឡូម៉ែត្រតភ្ជាប់ពីផ្លូវជាតិលេខ៥ ចំណុចវត្តថ្នល់ទទឹង ក្នុងឃុំសែប ស្រុកកំពង់ត្រឡាច…
ខេត្តកំពង់ឆ្នាំង ៖ ប្រជាពលរដ្ឋស្រុកទឹកផុសដូចជា ស្រុកកំពង់ត្រឡាច មានសេចក្តីរីករាយសប្បាយចិត្ត យ៉ាងខ្លាំង បន្ទាប់ពីរាជរដ្ឋាភិបាលបានកសាងផ្លូវជាតិមួយខ្សែដែលមានប្រវែងជាង៧០គីឡូម៉ែត្រតភ្ជាប់ពីផ្លូវជាតិលេខ៥ ចំណុចវត្តថ្នល់ទទឹង ក្នុងឃុំសែប ស្រុកកំពង់ត្រឡាច កាត់ឡើងមកឃុំតាំងក្រសាំង ឃុំចោងម៉ោង និងឃុំអភិវឌ្ឍន៍ ស្រុកទឹកផុស ខេត្តកំពង់ឆ្នាំង ។
ប្រជាពលរដ្ឋរស់នៅតាមដងផ្លូវបានលើកឡើងថា កន្លងទៅផ្លូវមួយខ្សែនេះគ្រាន់តែជាផ្លូវរទេះមានខ្សាច់ និងជាផ្លូវដីស តែប៉ុណ្ណោះ ពេលធ្វើដំណើរជួបការលំបាកយ៉ាងខ្លាំង ពិសេសទៅទៀត គឺរថយន្តមិនអាចធ្វើដំណើរតាមផ្លូវនេះបានឡើយ បើខែវស្សាមានទឹកហូរកាត់ខែប្រាំងមានដីខ្សាច់ជាដើម ប៉ុន្តែបច្ចុប្បន្នត្រូវបាន រាជរដ្ឋាភិបាលកំពុងកសាងផ្លូវមួយខ្សែនេះឲ្យក្លាយជាផ្លូវជាតិក្រាលកៅស៊ូ និងធ្វើស្ពានជាច្រើនកន្លែង ។
បច្ចុប្បន្នបើទោះបីផ្លូវមួយខ្សែនេះមិនទាន់រូចរាល់យ៉ាងណាក្តី ក៏ប៉ុន្តែផ្លូវនេះបានពង្រីកយ៉ាងធំលើកមានកំពស់ ខ្ពស់ និងបានក្រាលគ្រួសក្រហម រួចរាល់ហើយ ចំណែកកន្លែងខ្លះទៀត បានចាក់កម្ទេចថ្មហើយដែរ ដែលអាចធ្វើដំណើរដោយរថយន្ត ម៉ូតូបានយ៉ាងងាយស្រួល ហើយឆាប់រហ័សទៀត ។ ពួកគាត់សូមថ្លែងអរគុណ ដល់ប្រមុខរាជរដ្ឋាភិបាល ជាពិសេស សម្តេច អគ្គសេនាមហាបតី តេជោហ៊ុនសែន ដែលបានជួយកសាងផ្លូវមួយខ្សែ ដើម្បីសម្រួលដំណើររបស់ប្រជាពលរដ្ឋក្នុងតំបន់ក៏ដូចជួយសម្រួលដល់វិស័យសេដ្ឋកិច្ច និងកាត់បន្ថយភាពក្រីក្ររបស់ប្រជាពលរដ្ឋ ។
បើតាមការបញ្ជាក់របស់លោក កែវ ពៅ ប្រធានមន្ទីរសាធារណការ និងដឹកជញ្ជូនខេត្តកំពង់ឆ្នាំងបានឲ្យដឹងថា ផ្លូវមួយខ្សែនេះមានប្រវែងជាង៧០ម៉ែត្រចេញពីមាត់កំពង់ទន្លេ ក្នុងឃុំសែប មកដល់ផ្លូវជាតិលេខ៥ មានឈ្មោះថា ផ្លូវជាតិលេខ១៥០B ហើយចេញពីផ្លូវជាតិលេខ៥ ចំណុចវត្តថ្នល់ទទឹង ក្នុងឃុំសែប ស្រុកកំពង់ត្រឡាច មកដល់ផ្សារស្រុកទឹកផុសមានឈ្មោះផ្លូវជាតិលេខ១៥០ BW ហើយចាប់ពីផ្សារស្រុកទឹកផុស ឡើងទៅជាប់ព្រុំប្រទល់ខេត្តកំពង់ស្ពឺ គឺជាផ្លូវជាតិលេខ៥៣ ។
លោកបានបញ្ជាក់ថា ផ្លូវនេះក្នុងគម្រោងរបស់ ADB ដែលអនុវត្តគម្រោងដោយក្រសួងសាធារណៈការ និងដឹកជញ្ជូន ។
សូមបញ្ជាក់ដែរថា ផ្លូវមួយខ្យែនេះនៅចំណុចឃុំអភិវឌ្ឍន៍ គឺបានកសាង ប្របតាមផ្លូវរថភ្លើង ដែលកំពុងកសាងយ៉ាងមមាញឹកផងដែរ ហើយបើផ្លូវទាំងពីរនេះពេលកសាងហើយ ពិតជាមានការរីកចម្រើនខ្លាំងណាស់ និងពិតជាស្អាតទៀតផង នៅពេលមានរថយន្ត និងរថភ្លើងបើកទន្ទឹមគ្នា ដែលមិនធ្លាប់មានពីមុនមក ៕
ចែករំលែកព័តមាននេះ