នាយកក្លិបថា Neymar ស្តាយក្រោយដែលចាកចេញ
តាមប្រភពព័ត៌មាន Soccer Laduma បានឲ្យដឹងថា នាយកក្លិបអ្នកមានបុណ្យ Barcelona លោក Javier Bordas ថា…
តាមប្រភពព័ត៌មាន Soccer Laduma បានឲ្យដឹងថា នាយកក្លិបអ្នកមានបុណ្យ Barcelona លោក Javier Bordas ថា…
តាមប្រភពព័ត៌មាន Soccer Laduma បានឲ្យដឹងថា នាយកក្លិបអ្នកមានបុណ្យ Barcelona លោក Javier Bordas ថា កីឡាករជើងខ្លាំងរបស់ប្រេស៊ីល Neymar មានការស្តាយក្រោយចំពោះការចូលលេងឲ្យ PSG។
លោក Bordas ជឿជាក់ថា Neymar មានវិប្បដិសារីចំពោះការចាកចេញពីក្លិបអ្នកមានបុណ្យ ទៅកាន់ក្លិបអ្នកមានបារាំង។
លោកនាយកបានប្រាប់សារព័ត៌មាន El Chiringuito ថា៖ «Neymar អាចទៅលេងឲ្យនរណាក៏បានដែរ។ សម្រាប់ខ្ញុំផ្ទាល់ ខ្ញុំមិនគិតថា Neymar នឹងទៅលេងឲ្យក្លិបអធិរាជស Real Madrid នោះទេ។ នេះបើទោះបីជា Neymar មិនសប្បាយចិត្តនៅ PSG ក៏ដោយ។ កាលនៅ Barcelona រូបគេបានសេចក្តីសុខណាស់ តែពេលនេះមានការស្តាយក្រោយចំពោះការចាកចេញទៅលេងឲ្យ PSG។
គួរបញ្ជាក់ផងដែរថា នាពេលប៉ុន្មានខែមកនេះ មានការលើកឡើងផ្សេងៗគ្នាពីភាគរយនៃការចាកចេញពីរបស់ Neymar ទៅលេងឲ្យ Real Madrid។ Neymar ក៏បានឆ្លើយតបមកដែរថា ខ្លួនមិនបានគិតដល់រឿងហ្នឹងពេលនេះទេ ព្រោះថា គេត្រូវផ្តោតអារម្មណ៍លើ World Cup។
តើអ្នកគិតថា វាអាចទៅរួចទេ ដែលអតីតកីឡាករ Barcelona ទៅលេងឲ្យ Real Madrid ដែលជាគូប្រជែងរាប់ជំនាន់ បែបនេះ?
ចែករំលែកព័តមាននេះ