រាជធានីភ្នំពេញ ៖ មន្រ្តីសភាពាណិជ្ជកម្មកម្ពុជា និងសភាពាណិជ្ជកម្មនៃសាធារណរដ្ឋបេឡារុស កាលពីថ្ងៃទី១១ កុម្ភៈ ២០១៣ បានចុះហត្ថលេខាលើទំនាក់ទំនងពាណិជ្ជកម្មលើកដំបូងរបស់ខ្លួនខណៈពេលដែលគណៈប្រតិភូសភានៃសាធារណរដ្ឋបេឡារុសដឹកនាំដោយលោកវ្ល៉ាឌីមៀរ អង់ដ្រេឆិនកូ ប្រធានរដ្ឋសភាអញ្ជើញមកបំពេញទស្សនកិច្ចនៅកម្ពុជា ។ ពិធីចុះហត្ថលេខាភ្ជាប់ទំនាក់
រាជធានីភ្នំពេញ ៖ មន្រ្តីសភាពាណិជ្ជកម្មកម្ពុជា និងសភាពាណិជ្ជកម្មនៃសាធារណរដ្ឋបេឡារុស កាលពីថ្ងៃទី១១ កុម្ភៈ ២០១៣ បានចុះហត្ថលេខាលើទំនាក់ទំនងពាណិជ្ជកម្មលើកដំបូងរបស់ខ្លួនខណៈពេលដែលគណៈប្រតិភូសភានៃសាធារណរដ្ឋបេឡារុសដឹកនាំដោយលោកវ្ល៉ាឌីមៀរ អង់ដ្រេឆិនកូ ប្រធានរដ្ឋសភាអញ្ជើញមកបំពេញទស្សនកិច្ចនៅកម្ពុជា ។ ពិធីចុះហត្ថលេខាភ្ជាប់ទំនាក់ទំនងពាណិជ្ជកម្មរវាងភាគីទាំងពីរបានធ្វើឡើងដោយលោកឧកញ៉ាស៊ន សុខណា អនុប្រធានសភាពាណិជ្ជកម្មកម្ពុជា និងលោកមីមីយ៉ាធីកូវ ប្រធានសភាពាណិជ្ជកម្មនៃសាធារណរដ្ឋបេឡារុសនៅទីស្នាក់ការសភាពាណិជ្ជកម្មកម្ពុជា ក្នុងរាជធានីភ្នំពេញ ។
លោកវ្ល៉ាឌីមៀរ អង់ដ្រេឆិនកូថ្លែងថា ប្រទេសបេឡារុស កំពុងតែសិក្សាពីការបង្កើតរោងចក្រដំឡើងរថយន្តនៅក្នុងប្រទេសកម្ពុជានាពេលឆាប់ៗខាងមុខនេះ។ ប្រទេសបេឡារុសមានសក្តានុពលលើការផលិតត្រាក់ទ័រ រថយន្តបែន និងការផលិតជីគីមី ហើយប្រទេសបេឡារុសបានចុះហត្ថលេខាលើទំនាក់ទំនងជាមួយប្រទេសជាង១០០ទូទាំងពិភពលោក តែពេលនេះប្រទេសបេឡារុសបានសម្លឹងមើលទីផ្សារនៅកម្ពុជា ។ ជាមួយនេះបេឡារុសមានបំណងនាំចេញពីកម្ពុជានូវត្រី អង្ករ និងកៅស៊ូឆៅ ព្រោះកម្ពុជាមានសក្តានុពលវិស័យ ។
លោកមីកកែលមីយ៉ាធីកូវបានថ្លែងថា ប្រតិភូបេឡារុសបានមើលឃើញវិស័យសម្លៀកបំពាក់នៅកម្ពុជានាំមុខគេ ហើយភាគីបេឡារុសមានបំណងចង់ណែនាំដល់ដៃគូពាណិជ្ជកម្មរបស់ខ្លួនឱ្យចាប់អារម្មណ៍លើសម្លៀកបំពាក់កម្ពុជាផងដែរ ។ បេឡារុសសូមឱ្យសភាពាណិជ្ជកម្ពុជានាំយកនូវផលិតផលទាំងឡាយរបស់កម្ពុជាទៅតាំងពិព័រណ៍នៅទីក្រុងមីនស្ក៍ប្រទេសបេឡារុសហើយភាគីបេឡារុស្សនឹងធានាក្នុងការដឹកជញ្ជូនព្រមទាំងរៀបចំកន្លែងសម្រាប់ទំនិញកម្ពុជា ។ ប្រទេសកម្ពុជាមានកំពង់ផែធំ ដែលអាចផ្តល់សេវាដឹកជញ្ជូនទំនិញពីបេឡារុសមកកម្ពុជាជាពិសេសជីគីមី ។ ក្រៅពីប្រទេសកម្ពុជាប្រទេសបេឡារុសក៏បានចុះហត្ថលេខាជាមួយប្រទេសចំនួន១០៦នៅលើពិភពលោកក្នុងការយកពន្ធដារតែមួយគឺមិនយកពន្ធនាំចូលឬនាំចេញត្រួតគ្នា ។
លោកមីកកែល មីយ៉ាធីកូវ បានថ្លែងទៀតថា ការចុះហត្ថលេខានេះ នឹងពង្រឹងទំនាក់ទំនងពាណិជ្ជកម្មរវាងប្រទេសទាំងពីរជាលើកដំបូងរបស់ខ្លួន ។ លោកបានគិតថា ក្រៅពីជំនួបរបស់តំណាងភាគីទាំងពីរនៅភ្នំពេញ ក៏នឹងមានជំនួបផ្សេងទៀតនៅទីក្រុងមីនស្ក៍ប្រទេសបេឡារុសនៅពេលខាងមុខដែរ ។ក្នុងកិច្ចពិភាក្សាភាគីប្រទេសបេឡារុសបានអះអាងពីការធានាដឹកជញ្ជូននូវផលិតផលពីកម្ពុជា ដូចជាទំនិញក្នុងការតាំងពិព័រណ៍នៅទីផ្សារបេឡារុសនិងបានអញ្ជើញតំណាងសភាពាណិជ្ជកម្មកម្ពុជាទៅបំពេញទស្សនកិច្ចនៅសាធារណរដ្ឋបេឡារុស ៕
ចែករំលែកព័តមាននេះ