ខេត្តប៉ៃលិន ៖ ស្ត្រីជាប្រពន្ធជនរងគ្រោះបានចោទប្រកាន់លោកគ្រូពេទ្យមួយចំនួនដែលប្រចាំការនៅមន្ទីរពេទ្យបង្អែកខេត្តប៉ៃលិនថា បានធ្វេសប្រហែស មិនយកចិត្តទុកដាក់មើលថែអ្នកជំងឺ ខណៈជនរងគ្រោះកើតជំងឺកំពុងសម្រាកព្យាបាលនៅក្នុងបន្ទប់សង្គ្រោះបន្ទាន់ ស្រាប់តែគ្រូពេទ្យដាក់ព្យួរសេរ៉ូមរួច ដើរចេញទៅក្រៅអស់រលីង អត់មានអ្នកនៅមើលថែ ដើម្បីរង់ចាំជួយសង្គ្រោះនោះទេ…
ខេត្តប៉ៃលិន ៖ ស្ត្រីជាប្រពន្ធជនរងគ្រោះបានចោទប្រកាន់លោកគ្រូពេទ្យមួយចំនួនដែលប្រចាំការនៅមន្ទីរពេទ្យបង្អែកខេត្តប៉ៃលិនថា បានធ្វេសប្រហែស មិនយកចិត្តទុកដាក់មើលថែអ្នកជំងឺ ខណៈជនរងគ្រោះកើតជំងឺកំពុងសម្រាកព្យាបាលនៅក្នុងបន្ទប់សង្គ្រោះបន្ទាន់ ស្រាប់តែគ្រូពេទ្យដាក់ព្យួរសេរ៉ូមរួច ដើរចេញទៅក្រៅអស់រលីង អត់មានអ្នកនៅមើលថែ ដើម្បីរង់ចាំជួយសង្គ្រោះនោះទេ ទោះបីជាគាត់ខំដើរស្រែកហៅពេញមន្ទីរពេទ្យ ក៏អត់ឃើញមានពេទ្យណាម្នាក់ទៅជួយសង្គ្រោះដែរ ទុករហូតដល់ត្រដរខ្យល់ស្លាប់ ទើបចូលទៅធ្វើចលនាបេះដូង ។ ហេតុការណ៍នេះកើតឡើងកាលពីម៉ោង៤ល្ងាចថ្ងៃទី១៩ ឧសភា ស្ថិតក្នុងមន្ទីរពេទ្យបង្អែកខេត្តប៉ៃលិន ។
ជនរងគ្រោះដែលស្លាប់នៅក្នុងមន្ទីរពេទ្យបង្អែកខេត្តឈ្មោះ កៅ ពុន ភេទប្រុស អាយុ៣៨ឆ្នាំ មានប្រពន្ធ ឈ្មោះ រី ខួច អាយុ៣១ឆ្នាំ និងកូនក្នុងបន្ទុកចំនួន៥នាក់ ក្នុងស្រី២នាក់ និងប្រុស៣នាក់ រស់នៅភូមិអូរច្រាកើត សង្កាត់ទួលល្វា ក្រុងប៉ៃលិន ។
បើតាមការរៀបរាប់ទាំងមិនអស់ចិត្តរបស់ស្ត្រីជាប្រពន្ធឱ្យដឹងថា ប្តីរបស់គាត់បានធ្វើដំណើរក្នុងទិសដៅពីលិចទៅកើត រហូតដល់ត្រង់ចំណុចឡើងទួលមួយតាមបណ្តោយផ្លូវជាតិលេខ៥៧ ក្នុងភូមិដីក្រហម សង្កាត់អូរតាវ៉ៅ ស្រាប់តែគាត់ចាប់ផ្តើមហត់ ហើយក៏ឈប់ម៉ូតូទូរស័ព្ទហៅរថយន្តមន្ទីរពេទ្យ តែគេឆ្លើយឡើងថា ឡានមាន តែអត់មានមនុស្សបើកបរនោះទេ ទាល់តែរកជួលតៃកុងបើកទៀត ។ គាត់បន្តទៀតថា ដល់ពេលបងប្រុសរបស់គាត់ដែលធ្វើទាហានចាំយូរពេកអស់រយៈពេលច្រើនម៉ោង ក៏បើកបររថយន្តទៅតាមហៅពេទ្យ រហូតដល់ម៉ោង១០ព្រឹក ទើបឃើញរថយន្តមន្ទីរពេទ្យចេញទៅដឹក ហើយក៏យកមកដាក់ខ្យល់អុកហ្ស៊ីហ្សែននៅក្នុងបន្ទប់សង្គ្រោះបន្ទាន់ ។
ព័ត៌មានពិស្តារនឹងមានផ្សាយជូនតាមកាសែតកោះសន្តិភាព
ចែករំលែកព័តមាននេះ