ខេត្តសៀមរាប ៖ បុរសម្នាក់មានជំងឺប្រចាំកាយបានយកម៉ូតូទៅលាងទឹក ដើម្បីឱ្យស្អាតនៅម្តុំស្ពានដាច់ ស្រាប់តែក៏រអិលជើងដួលស្លាប់ភ្លាមៗ ហេតុការណ៍នេះបង្កការភ្ញាក់ផ្អើលពេញភូមិ កាលពីម៉ោង១៣និង៣០នាទីរសៀល ថ្ងៃទី១៩ ឧសភា នៅចំណុចស្ពានដាច់ប្រឡាយទំនប់តាគោ…
ខេត្តសៀមរាប ៖ បុរសម្នាក់មានជំងឺប្រចាំកាយបានយកម៉ូតូទៅលាងទឹក ដើម្បីឱ្យស្អាតនៅម្តុំស្ពានដាច់ ស្រាប់តែក៏រអិលជើងដួលស្លាប់ភ្លាមៗ ហេតុការណ៍នេះបង្កការភ្ញាក់ផ្អើលពេញភូមិ កាលពីម៉ោង១៣និង៣០នាទីរសៀល ថ្ងៃទី១៩ ឧសភា នៅចំណុចស្ពានដាច់ប្រឡាយទំនប់តាគោ ស្ថិតក្នុងភូមិតាសែង ឃុំស្នួល ស្រុកក្រឡាញ់។
បើតាមកម្លាំងនគរបាលជំនាញប្រាប់ឱ្យដឹងថា ជនរងគ្រោះខាងលើឈ្មោះ កឿន កឿយ ភេទប្រុស អាយុ៣៦ឆ្នាំ មុខរបរកសិករ មានទីលំនៅនៅភូមិតាសែង ឃុំស្នួល ស្រុកក្រឡាញ់ ។
នគរបាលជំនាញបន្តទៀតថា មុនកើតហេតុកាលពីម៉ោង១២និង៥០នាទីរសៀល ថ្ងៃទី១៩ ជនរងគ្រោះជិះម៉ូតូម្នាក់ឯងចេញពីផ្ទះយកទៅលាងម៉ូតូនៅម្តុំចំណុចស្ពានដាច់ខាងកើតឈាងខាងត្បូងភូមិតាសែងចម្ងាយប្រហែល៣០០ម៉ែត្រ ។ ខណៈពេលជនរងគ្រោះកំពុងឈរលាងម៉ូតូ ស្រាប់តែដួលទៅក្នុងទឹកហើយស្រែកឱ្យគេជួយ ខណៈពេលនោះអ្នកភូមិជាមួយគ្នាបានជិះម៉ូតូឆ្លងកាត់ក៏លឺសម្លេងស្រែកឱ្យជួយ ។ ដល់ពេលឮដូច្នេះគាត់ក៏ឈប់ម៉ូតូ រួចចុះរត់ទៅជួយស្រង់ជនរងគ្រោះពីក្នុងទឹកឡើងមកលើគោក ប៉ុន្តែអកុសលជនរងគ្រោះបានដាច់ខ្យល់ស្លាប់បាត់ទៅហើយ។
បើតាមការសាកសួរពីក្រុមគ្រួសារបានឱ្យដឹងថា ជនរងគ្រោះមានជំងឺរ៉ាំរ៉ៃប្រចាំកាយ (រោគបេះដូង) ។ ក្រោយពីបានត្រួតពិនិត្យនៅហ្នឹងកន្លែងកើតហេតុរួចមកឃើញថា មិនមានជាប់ពាក់ព័ន្ធនឹងរឿងឃាតកម្មទេ ជនរងគ្រោះពិតជាស្លាប់ដោយសារលង់ទឹកពិតប្រាកដមែន។ បច្ចុប្បន្នសពជនរងគ្រោះ ត្រូវសមត្ថកិច្ចជំនាញប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ